الموضوع: عيادة أسنان المنتدى (للاستشارة)

بالنسبة لعمل طربوش او تركيب سنة بورسلين هل هى مستديمة ولا كل فترة اروح عند الدوكتور للكسف عليها
و هل بينتج عنهم اى التهابات او حاجة او تحس بحاجة غريبة بالفم ؟

المشاركة الأصلية كتبت بواسطة lion_heart

بالنسبة لعمل طربوش او تركيب سنة بورسلين هل هى مستديمة ولا كل فترة اروح عند الدوكتور للكسف عليها
و هل بينتج عنهم اى التهابات او حاجة او تحس بحاجة غريبة بالفم ؟

لو معمولين صح مفيش منهم مشاكل و بيعيشوا
و طبعا يفضل حتى لو حشو تتابغ مع الدكتور

المشاركة الأصلية كتبت بواسطة fars777

دكتور احمد ..ربنا يبارك لك على المجهود الرائع اللي انت عاملة في المنتدى..

والدي عندى مشكلة مستمرة في أطقم الأسنان اللي بيعملها ...دائما مقاساتها مش مظبوطة وبتسبب له الم عند استعمالها وبتإذي لثته احيانا لدرجة بدأت تخلية بقلل كميات الأكل اللي بياكلها...أنا طالب من حضرتك ترشحلنا دكتور أو معمل أسنان في القاهرة يكون مشهود ليه بالكفاءة وعنده ضمير في موضوع عمل أطقم الاسنان الكاملة، وياريت لو تقولي كمان الطقم الكويس يتكلف في حدودد كام؟

هو والدك عنده السكر
لو عنده السكر للاسف لازم هاييجى وقت و مش هاتبقى مقاسه ممكن نزود العمر للطقم بمواد بنحطها على الطقم مكان ما بيحمل على اللثة
و لازم الطقم اللى مش مظبوط يتغير عشان ممكن يعمل مضاعفات وخيمة
عموما انا ماعرفش عناوين دكاترة تركيبات بس اى دكتور سنان بيعمله
سعره يتراوح من 600- 1000 جنيه .

انا اول مره ادخل هنا وبصراحه شايف مجهود جميل ربنا يديم المحبه فى الله
عندى كام سؤال
1- عندى فى اللثه تحت السنه الاماميه بيتكون كوره صغيره جدا وبعصرها بايدى بتجيب راس دبوس كده صديد وبعده شوية دم صغننين وكل يومين امسح بايدى على المكان ده برضه يجيب صديد صغير ودم واستخدمت مضاد حيوى وماضعتش ايه الحل
2- تركيب الضروس الصناعيه فيه مشاكل وبيتم فى اد ايه مده وتكلفة الضرس الواحد كام تقريبا

المشاركة الأصلية كتبت بواسطة omaroof

انا اول مره ادخل هنا وبصراحه شايف مجهود جميل ربنا يديم المحبه فى الله
عندى كام سؤال
1- عندى فى اللثه تحت السنه الاماميه بيتكون كوره صغيره جدا وبعصرها بايدى بتجيب راس دبوس كده صديد وبعده شوية دم صغننين وكل يومين امسح بايدى على المكان ده برضه يجيب صديد صغير ودم واستخدمت مضاد حيوى وماضعتش ايه الحل
2- تركيب الضروس الصناعيه فيه مشاكل وبيتم فى اد ايه مده وتكلفة الضرس الواحد كام تقريبا

اولا ما تحاولش تلعب بايدك في الكوره الضغيره دي لان انت كده بتوسع مكان الالتهاب
ثانيا الكوره دي بقالها قد ايه في بقك تحت السنه
ثالثا انت اتخبطت فيها ولا حاجه ولا عندك جير على السنان الي قدام ولا السنه مسوسه؟
المفروض تاخد مضاد حيوي كوبس وفي الغالب تاخد كيورام 1 جم كل 12 ساعه و معاه شريط فلاجيل كل 8 ساعات و تعمل اشعه على السنه و تتوجه مباشره لاقرب طبيب اسنان بعد الانتهاء من العلاج ولا تنتظر ان الصديد يصرف او يروح من نفسه و ما تستهونش بالموضوع دع لان من كتر ما الصديد بييجي تحت السنه ممكن في المستقبل لا قدر الله يقلب على حاجه اسمها سيست و دي بتبقى كيس تحت السنه مليان سوائل و بيتعمل عمليه عشان يتشال
بالنسبه بقى لتركيب الضروس حضرتك ما حددتش الضروس عاوزها ثابته ولا متحركه المتحرك منه انواع و الثابت منه انواع ولا تستطيع الحكم على موضوع التركيبات التي تصلح معاك الا بعد توقيع الكشف الطبي عليك لمعرفه الانسب لحالتك بناء على حاله اللثه و عدد الضروس المفقوده و طول الجذور المراد التحميل عليها و عوامل اخري كثيره
الجأ لطبيب اسنان في اقرب وقت ممكن
مع تحياتي

بارك الله فيك يادكتور على المجهود الرائع ده
انا لى سؤال
انا من 9 شهور عملت كراون على ضرس علوى هو الضرس الثالث
ومن يومين الضرس اتكسر من الخلف وبقى فيه فراغ من فوق الكراون
ياترى ايه الحل وخصوصا انى كنت حاسة ان الدكتور اللى اشتغل على الضرس عمل مكان واسع قوى للكراون وبالتالى الضرس بقى ضعيف واعتقد ده اللى ادى للكسر
تنصحنى اعمل ايه
مع الشكر