الموضوع: عيادة أسنان المنتدى (للاستشارة)

مسكن الالام سريع للاسنان
ممكن تقوبوله اسمه ايه

شكرا ياباشا

المشاركة الأصلية كتبت بواسطة Miss_Pharma

لو سمحت يا دكتور عايزة اسأل على اللثة ..
اللثة عندي نازلة بين السنان اوي (تحس انها سايحة ) ولونها محمر بزيادة .. ولما بغسلها جامد بالفرشة او اقطم حاجة ناشفة شوية ( تفاحة مثلا ) بتنزل دم ..
وشكلها بيبقى وحش جدا في الصور الكبيرة ( صور خطوبتي كلها كرهتها بسبب اللثة السايحة دي )
ياترة دي سببها ايه وحلها ايه ..

وصف حضرتك سليم للثة الملتهبة

ده التهاب لثة بسبب وجود تراكمات جيرية و عدم اهتمام طبعا

1 - حضرتك تبدأي تهتمي بغسيل الأسنان ثلاث مرات (هاتلاقي دم ....ما تخافيش كملي النظام بشكل تصاعدي مرة في اليوم ثابته -مرتين ثابتين - ثلاث مرات )

2 - استخدام المضمضة مكافحة البكتيريا مهمة ...(أورالدين كويس)
3 - بعد التأكد من القدرة على الثبات على النظام ده (اللي هو اسبوع كفاية) تزروي طبيب أسنان ثقة ليقوم بازالة أي ترسبات جيرية كما يراه مناسبا ..

4 - ضروووووووووري جدا المواظبة على النظام 1+2 بعد ازالة الجير و الرواسب و ده السبب اننا مانروح للدكتور الا و احنا متأكدين من قدرتنا على المواظبة

الانتظام لمدة 5 أيام سيولد فرق ملحوظ في كمية الدم و الرائحة و ممكن شكل اللثة

بعد التنظيف الجيد سيكون هناك "فرق شاسع"

ماتكسليش ..الموضوع يستاهل

المشاركة الأصلية كتبت بواسطة نور القمر

بعد الولادة جالي التهاب لثة بالرغم من كمية المضاد الحيوي اللي كنت باخده (يوناسين 375) بعده بقيت احس بوجع في كل اسناني وضروسي من اي حاجة ساقعة او سخنة او حتى الهواء ومش بستحمل المس ضرس بصباعي
بستخدم سنسوداين دلوقت بس مش عارفة ده نقص كالسيوم ولا ايه المشكلة؟؟

التهابات اللثة لا تستجيب بشكل واسع للمضادات الحيوية عن طريق الفم أو الحقن systemic لأنها لا تستطيع مكافحة البكتيريا الشرسة المحصنة بكتلها الجيرية (خارج الأسنان و خارج نطاق عمل المضادات الجسمية) كما أن الالتهاب بسبب وجود جسم غريب (الجير نفسه) لن يستجيب للمضاد الحيوي بأي شكل .

الحمل يجعل السيدة أكثر عرضه لالتهابات اللثة في وجود مؤثرات ضعيفة قد لا تؤدي للالتهاب بدون حمل ...بعد الولادة بسلامة الله تعود الأمور لحالها بالتدريح و لكن ليس دائما .

النصيحة السابقة لـMiss Pharma هي لك أيضا مع احتمال عدم الحاجة لزيارة الطبيب بعد 1 و 2 .

اعراض الحساسية الزائدة يجب انتظارها بعد تحسن اللثة ليكون عندنا جولة أخرى


لا تفكري في نقص الكالسيوم لأنها اشاعة قديمة ...عند تكون السن لا يمكن سحب الكالسيوم منه بشكل وظيفي كما يحدث في العظام ..