الموضوع: عيادة أسنان المنتدى (للاستشارة)

الف شكر يا دكتور احمد على هذة الفكرة الرائعة لخدمة اعضاء المنتدى
وسوالى لحضرتك بخصوص ابنتى
فهى تبلغ من العمر ثلاث سنوات ونصف ومصابة بشيى غريب جدا اول مرة اشاهدة او اسمع حتى عنة
فهى طوال الليل وعلى فترات متقاربة تقوم بحك اسنانها العلوية مع السفلية بطريقة شديدة لدرجة اننى اصحى من النوم على صوت اسنانها والمشابة لصوت اسنان بتتكسر ( اة والله بدون اى مبالغة ) وهذة الحالة موجودة عندها منذ حوالى 6 اشهر وبصفة مستمرة اثناء نومها يوميا والغريب انها لاتصحى من النوم واثناء هذة العملية ومن جراء هذا الصوت اللذى تقشعر لة الابدان اقوم بايقاظها من النوم خوفا من ان تقوم بعض لسانها او تكسير احدى اسنانها وبلعها والغريب انها لو استيقظت بتكون مش فاكرة اى شيى فارجو منك يا دكتور ان ترشدنى هل هذا لة علاقة بالاسنان ام اذهب بها لدكتور اعصاب ام دكتور نفسى وهى فى هذا السن ام هذة بوادر لحالة صرع لاقدر الله
وشكرا جزيلا لك

المشاركة الأصلية كتبت بواسطة Ahmed Samy

المشاركة الأصلية كتبت بواسطة ahmed1981

سؤال بعد إذنك يا دكتور:
قريبتي ظهر في سقف الحنك عندها إنتفاخ يحتوي على سائل وبعد فترة بدأ بالزيادة وبدأت تحس بوجع في أسنانها العلوية المواجهة له
وذهبت للطبيب الذي سحبه بحقنة وقال إنه سيعود بعد فترة وفعلا عاد
والأطباء مختلفين عن كونه كيس دهني أو آثار إلتهاب (مدة يعني)
ذهبنا لأطباء أسنان وأعطوها مضاد حيوي ولم يفيد وذهبنا لأطباء فك وقالوا لابد من عملية وغيرهم قالوا أدوية و ..
ما الحل في رأيك ؟؟؟
ولو تعرف دكتور كبير تخصص فك يبقى كثر خيرك ؟؟
وجزاك الله خيراً

د/ حاتم مكاوي (معهد ناصر)
د / محمد عاصم (القوات المسلحة)
د / علي توفيق (جامعة المنصورة)
د/ عبد الفتاح صدقة ( رئيس جامعة طنطا) وهو ترشيحي الأول لحضرتك
إياك ثم أياك تهمل الموضوع حتى لو اختفى
وياريت تخليني على اطلاع و يارب ماتحتاج مساعدتي أبدا

الدكتور أحمد سامي السلام عليكم ورحمة الله وبركاته
بالنسبة ل د/ عبد الفتاح صدقة ( رئيس جامعة طنطا) متوقف عن الكشف حالياً بصفته رئيس جامعة طنطا (حسب كلام إبن عمي وهو دكتور في مستشفى طنطا الجامعي)
وبما إني في القاهرة وللأسف مش عارف أوصل لعيادات كل من الدكتور:
د/ حاتم مكاوي (معهد ناصر)
د / محمد عاصم (القوات المسلحة)
فلو حضرتك تعرف طريقهم ياريت تقولي
وياريت تقولي مين الأحسن فيهم أروحله الأول
وجزاك الله خيراً

[quote]
وبما إني في القاهرة وللأسف مش عارف أوصل لعيادات كل من الدكتور:
د/ حاتم مكاوي (معهد ناصر)
د / محمد عاصم (القوات المسلحة)
فلو حضرتك تعرف طريقهم ياريت تقولي
وياريت تقولي مين الأحسن فيهم أروحله الأول
وجزاك الله خيراً
[/quote

د/ حاتم مكاوي
و ده رقم موبايله 0101463859
و ربنا معاك

المشاركة الأصلية كتبت بواسطة حسام كرم

الف شكر يا دكتور احمد على هذة الفكرة الرائعة لخدمة اعضاء المنتدى
وسوالى لحضرتك بخصوص ابنتى
فهى تبلغ من العمر ثلاث سنوات ونصف ومصابة بشيى غريب جدا اول مرة اشاهدة او اسمع حتى عنة
فهى طوال الليل وعلى فترات متقاربة تقوم بحك اسنانها العلوية مع السفلية بطريقة شديدة لدرجة اننى اصحى من النوم على صوت اسنانها والمشابة لصوت اسنان بتتكسر ( اة والله بدون اى مبالغة ) وهذة الحالة موجودة عندها منذ حوالى 6 اشهر وبصفة مستمرة اثناء نومها يوميا والغريب انها لاتصحى من النوم واثناء هذة العملية ومن جراء هذا الصوت اللذى تقشعر لة الابدان اقوم بايقاظها من النوم خوفا من ان تقوم بعض لسانها او تكسير احدى اسنانها وبلعها والغريب انها لو استيقظت بتكون مش فاكرة اى شيى فارجو منك يا دكتور ان ترشدنى هل هذا لة علاقة بالاسنان ام اذهب بها لدكتور اعصاب ام دكتور نفسى وهى فى هذا السن ام هذة بوادر لحالة صرع لاقدر الله
وشكرا جزيلا لك

أستاذ حسام تم الرد على رسالة حضرتك في الخاص

أنت فين من زمان يا PAYOO ؟؟
ماحدش بيشوفك في المنتدى بقالك فترة !!! بس منور العيادة
شوف يا سيدي , خلاصة الرد على أ. حسام و على سؤال حضرتك:
دي حالة معروفة و منتشرة اسمها (بروكسيزم) (Bruxism)
و دي منتشره عند الناس اللذين يعانون ضغوط نفسية في حياتهم _ مشاكل عائلية _ ديون _ توتر في العمل_ الخ
و التوتر ده بيسبب زيادة انقباض عضلات الفك عند النوم واصدار أصوات مسموعة أحيانا بسبب قوة احتكاك الأسنان ببعضها , وقد يؤدي لمشاكل بالأسنان و مفصل الفك و العضلات المتعلقة به لو استمر لفترة غير قصيرة.
الحل بيكون نفسي مبدئيا (مش لازم طبيب نفسى , ممكن طبيب أطفال يعرف السبب لأنه غالبا حاجه بسيطة)
بس برده طبيب الأسنان بيعمللهم حاجه زي العضاضة بس صغيرة بتكون طرية شوية يلبسوها عند النوم . للحغاظ على الأسنان والمفصل لحين انتهاء الموضوع .


بس قبل ده بقوللك شوف الولد ماله !! بيحلم !! حد بيخوفه ؟؟ حد بيزعله
واوعى تسكت الا لما تعرف (اسأل مامته اخواته حاول تعرف منه هو نفسه)
و في الوقت ده زور أي طبيب أسنان و قوله انك عاوز تعمل العضاضة (night guard)
بس لاحظ يكون حجمها متوسط مش كبير ولا صغير و تربطها بخيط قوي في زرار البيجاما علشان تمنع بلعها لاقدر الله

اهتم علشان الموضوع مايبقاش عادة و طمنني عليه
================================================== =====

_________________

ولي سؤال أخر بالنسبة لي
هل يمكن سد الفجوات (الفرق) الموجوده بين الأسنان خاصة الضروس لأنها صعبة التنظيف والتسليك وينحشر بها الطعام غالبا
وأرجو التفاصيل وافضل الطرق إذا ما كان هناك طريقة لسد الفروق

أما حضرتك :
موضوع الفروق بين الأسنان ده نوعين :
1- فروق في منطقة التاج فقط و لا تصل لأسفل اللثة بين الجذور (مسافات)
2- فروق و فجوات بين الجذور أسفل اللثة (جيوب)

النوع الأول يمكن حله بطريقتين الأولى عمل حشوات تجميلية مباشرة لسد المسافات و انا لا أفضله
و الثانية بعمل تاج صناعي (طربوش كما يسميه البعض) للأسنان المتباعدة و يكون له أبعاد أكبر تسد المسافات بينها وده مزاياه :
1 - المواد المستعملة من البورسلين أقوى من مواد الحشو المباشر
2 - يشكل في (المعمل) في ظروف أفضل و أوضح من الفم مما يعطي فرصة لدقة أكبر
وعيوبه :
1- نكلفة أعلى من الحشو المباشر
2- وقت أطول
3- لابد من ازالة طبقة خارجية من الضرس ووضع التاج بدلا منها و ناس كتير بتخاف من الحكاية دي (بس مادام فيه حاجه للتاج و التاج معمول كويس , دي مش مشكلة نهائيا).


أما النوع الثاني وهو الجيوب وده مشكلة
سببه عدم الاهتمام بالأسنان أو كثرة التنظيف العنيف بخلة الأسنان الخشبية (وعلى فكرة دي غلط غلط غلط و لابد استبدالها بالخيط وممكن نعمل موضوع عنه بعد كده)
المهم ان حل الجيوب أساسا هو التنضيف المستمر لأن سده بالكامل غير ممكن في الأحوال العادية .
و لكن اذا رأى الطبيب أن فتحة الجيب صغيرة وممكن سدها بتاج صناعي فلا بأس و لكن المتابعة الدورية للتأكد من نظافة الجيب مهمة جدا ...
و لو عند حضرتك أو محتاج أي تفاصيل تانية أنا تحت أمرك