الموضوع: عيادة أسنان المنتدى (للاستشارة)

المشاركة الأصلية كتبت بواسطة amir

دكتور احمد سامي تحيه تقدير و احترام من زميل مهنه, بجد انتا ماشاء الله عليك , و انا اسف علي تأخر الاشاده بيك بس اول مره اشوف الموضوع دلوقتي بس , ارائك و نصايحك تنم عن حرص و علم , ربنا يفيد المنتدي بيك و يقدرك علي افاده الناس كمان و كمان, و انا اسف اني في الوقت الحالي مش هقدر اساعد ذيك نظرا لظروف الجيش و مؤخرا وفاه الوالد , بس انشاء الله لو سمحت الظروف نتعرف علي بعض

تحية أعتز بها من زميل في المهنة و أخ في الله و المنتدى
ربنا يجعلنا دايما عند حسن ظن الجميع
و تقبل الله الوالد مع خير الناس في خير مكان ، جوار المصطفى الحبيب وأسكنه دارا خير من داره و أهلا خيرا من أهله .
و ياللا خلص جيش علشان نخللي العيادة (سنتر nilemotors للأسنان) 8)

انا تقريبا ضرس العقل عندي نصه اتكسر .. :|

هو كان بيوجعني في الاول بس بقي عادي .. و مش عارف المفروض اشيله ولا ايه .. بس انا بترعب من موضوع الخلع ده يا دكتور

هو كان فيه تسوس و فجأة كدة لقيت نصه اتكسر .. حتي انا مش فاكر اتكسر امتي او ازاي هو انا صحيت مرة لقيته كدة

المشاركة الأصلية كتبت بواسطة amr bahaa el din

عندى سؤال يا دكتور كل ماباكل حاجة مسكرة بحس أن سنانى ها تتكسر وتجننى لمدة دقيقة

عزيزي عمرو ,
أولا , مرحبا في منتداك
ثانيا :
الألم عند مضغ الأطعمة الحلوة هو دليل علي وجود تسوس
و أيضا الألم (الشديد) مع الأطعمة الباردة قد يكون لنفس السبب
و الآن , الى طبيب أسنانك

المشاركة الأصلية كتبت بواسطة dehumanizer

انا تقريبا ضرس العقل عندي نصه اتكسر .. :|

هو كان بيوجعني في الاول بس بقي عادي .. و مش عارف المفروض اشيله ولا ايه .. بس انا بترعب من موضوع الخلع ده يا دكتور

هو كان فيه تسوس و فجأة كدة لقيت نصه اتكسر .. حتي انا مش فاكر اتكسر امتي او ازاي هو انا صحيت مرة لقيته كدة

أسف على ردي المتأخر بس أنا فعلا مشغول جدا جدا .... ادعولي ربنا يساعدني و ينجحني
----------------------------------------------------------------------
شوف يا سيدي ,
كثير من مدارس طب الأسنان نعنبر ضرس العقل سنا (غير حيوي) يعني مالوش لازمة
و ده لأنه كثيرا ما يكون مفقودا أو غير ظاهر في الفك بالإضافة الى ان الضرسين اللي قدامه كافيين تماما لعملة الطحن في غيابه.

ثانيا : ليه سموه ضرس العقل(wisdom tooth) ؟؟ علشان بيطلع بعد البلوغ ما بين 17-21 سنه
ثالثا : ليه كتير مابيظهرش؟؟؟
ممكن يكون مش موجود من أساسه (و ده أريح )
و ممكن يكون موجود في الفك مدفون تماما أو ظاهر منه جزء و دي مشكلة . لأنه بيكون في اتجاه منحرف عن الاتجاه الرأسي السليم للظهور ( يعني كتير بيكون بتصص للسنة اللي قدامه و يخبط فيها فا مايعرفش يطلع )
وده بقى ممكن (بل غالبا) بيكون مصدر ألم و قد يسبب تسوس الضرس الذي يسبقه و هنا يجب خلعه.

طب لو طالع كويس و عدل بس سوس , أصلحه و للا أخلعه ؟؟؟
ده يرجع لتقدير الطبيب المعالح و حالة الفك و الأسنان ووضع ضرس العقل ,,
يعني مثلا : لو قصير و بعيد و التحكم هايكون صعب في الحشو ممكن يتشال
لو نسبة التآكل كبيرة برضة يتشال أحسن
لو مالوش نظير (ضرس عقل في الفك المقابل) برضه يفضل خلعه لأنه عايعمل مشكله بعد كده
---------------------------
يعني أشيله وللا لأ ؟؟؟
لو طبيبك قاللك شيله , وافق فورا (وديه نصيحتي ليك).
لو طبيب ((ثقه)) قاللك نحشي و نصرف عليه , ناقشه و افهم منه ليه لو اقتنعت توكل على الله .
------------------------------
العملية صعبة ؟؟
مش قوي بس دي حظوظ لو الأمور ماشية كويس بيكون مافيش مشاكل تقريبا (وجع بسيط لوجود مسكنات قوية - ورم بسيط لوجود مضادات التورم - و هتاخد طبعا مضاد حيوي من جيل متقدم وده هايهبطك تلات أربع تيام.

لو الوضع صعب (و طبيبك هايقوللك قبل العملية لأن ده بيبان في الأشعة) الأعراض ممكن تزيد شويه بس في النهاية مش حاجه مخيفة خاااالص .

نصيحة , اوعى تكسل او تخاف فا ماتعملش العملية أن كل يوم بيعدي و كل حته تتكسر من الضرس بيخلي خلعه أصعب على الدكتور و عليك .

أرجو ان الصورة تكون واضحة وأكون أفدت حضرتك
وطمنني عليك

طيب ممكن استشير حضرتك في مشوره عندي واحد صاحبي محتاج يعمل تقويم لاسنانه عن طريق التدخل الجراحي و طلب مني اني ارشحله اسم (يكون من الدكاتره الاجانب اللي بتيجي زيارات او من المصريين الجامدين اوي اوي ) فايه رأيك و مين الاسماء اللي حضرتك ترشحها

المشاركة الأصلية كتبت بواسطة Ahmed Samy

د/ حاتم مكاوي (معهد ناصر)
د / محمد عاصم (القوات المسلحة)
د / علي توفيق (جامعة المنصورة)
د/ عبد الفتاح صدقة ( رئيس جامعة طنطا) وهو ترشيحي الأول لحضرتك

إياك ثم أياك تهمل الموضوع حتى لو اختفى

وياريت تخليني على اطلاع و يارب ماتحتاج مساعدتي أبدا

تم الكشف عند الدكتور حاتم مكاوي ولكن نظر لغلو سعره
تم الكشف عند الدكتور خالد بركات وهو دكتوراه جراحة فك من أمريكا
وعمل العملية من شهر وتم فتح سقف الحنك وتم فتح اللثة العليا من الأمام
وتم إخراج تجمع شبه الكيس الدهني ولكن بها بعض المواد الصلبة
ولم يضع بدرة عظم وقال إنه فكر يأخذ عظم من الأضلاع ليكمل عظام الفك لكن لم يفعله منعاً لزيادة حجم العملية
وبعدها بثلاثة أيام تم حشو الأسنان الأمامية حشو عصب
والحمد لله الآن الوضع مطمئن

وختاماً جزاك الله خيراً يا دكتور أحمد

ماشاء الله يادكتور احمد سامى

بارك الله فيك وجعله فى ميزان حسناتك

المشاركة الأصلية كتبت بواسطة ahmed1981

تم الكشف عند الدكتور حاتم مكاوي ولكن نظر لغلو سعره
تم الكشف عند الدكتور خالد بركات وهو دكتوراه جراحة فك من أمريكا
وعمل العملية من شهر وتم فتح سقف الحنك وتم فتح اللثة العليا من الأمام
وتم إخراج تجمع شبه الكيس الدهني ولكن بها بعض المواد الصلبة
ولم يضع بدرة عظم وقال إنه فكر يأخذ عظم من الأضلاع ليكمل عظام الفك لكن لم يفعله منعاً لزيادة حجم العملية
وبعدها بثلاثة أيام تم حشو الأسنان الأمامية حشو عصب
والحمد لله الآن الوضع مطمئن

وختاماً جزاك الله خيراً يا دكتور أحمد

ألف ألف حمدالله على السلامة و الله انا ارتحت لما قريت كلامك
ربنا يديم الصحة على الكل يارب