عيادة أسنان المنتدى (للاستشارة)

**AhmedGen2** · 24-08-2008 06:14 PM

أفهم من كلامك عن التبييض يا دكتور إن افضل وسيلة هى التبييض بالتغليف؟ ، وياترى غلاف البورسلين دة بيتغير كل فترة ولا مدى الحياة؟

**Ahmed Samy** · 24-08-2008 06:49 PM

المشاركة الأصلية كتبت بواسطة IslamGen2

أفهم من كلامك عن التبييض يا دكتور إن افضل وسيلة هى التبييض بالتغليف؟ ، وياترى غلاف البورسلين دة بيتغير كل فترة ولا مدى الحياة؟

لا يا أستاذ اسلام لا يحتاج لتغيير دوري نهائيا

باستثناء الحوادث ..انه يتكسر او يتعرض لخبطة قوية ممكن يقع و يعاد لصقه

و ممكن لصقه بالمنزل بلاصق بسيط لحين زيارة الطبيب

وهو مابيوقعش كتير زي ما ناس بتقول ده كان زمان من أربع خمس سنين كده

انما دلوقتي في أجيال جديدة من اللواصق لها قدرة عالية و لكنها مكلفة شوية و ده بينعكس على سعر التركيبة بالطبع و يحكمه ضمير الطبيب

**Karim_Monir** · 24-08-2008 08:58 PM

المشاركة الأصلية كتبت بواسطة Ahmed Samy

ماهو اللي مشي ورا العيال اللي بتخاف

بتتشحتف على طول لازم يحصله كده

المقاولة باظت و رجعنا ايد ورا و ايد قدام ولا قبضنا حاجة و عشانا عليك يارب

فينك يا روقه

يا دكترة مانت اللي كشيت في وش الزبون
كان لازم يعني تلبس كمامة وتعملنا دكتور
ماهو الزبون مقتنع 200 % ان ده صاحب بابى ولا ممكن يكون دكتور
هوووب صاحب بابي طلع عدة وقلبلها على الوش التاني ولبسلها وش دكتور
يلا عشان تتعلم تهشك وتدلع قبل ما تفتح قسم للعيال في العيادة
سيبك من نظرية الضرب دي مش هاتكلك عيش
نييييييييييهههههههههههههه هههههههههههههههههههههه

**MotorX** · 24-08-2008 11:42 PM

المشاركة الأصلية كتبت بواسطة Ahmed Samy

الcerec هو احدى التطبيقات الطبية للـcad-cam وهو التصميم والتصنيع بالحاسوب من انتاج sirona الألمانية

الفكرة هي استبدال الطرق المعملية التقليدية لصناعة التركيبات و الحشوات بطريقة رقمية

يعني اللي بيحصل في العادة عند تركيب تاج مثلا للسن و الخطوات المقابلة الحديثة:

1 - تحضير السنة بازالة جزء من الجسم الخارجي..................ثابت
2 - أخذ مقاس (طبعة) بمادة سليكونية للأسنان
3 - صب الطبعة بالجبس الصلب لتكوين نموذج للفم ..............تصوير بالكاميرا وعمل نموذج رقمي ثلاثي الأبعاد على الكومبيوتر
4 - تكوين نموذج شمعي للتاج المطلوب صناعته ................تصميم النموذج بالكومبيوتر رقميا

5 - تصنيع النموذج الشمعي بالمادة النهائية (بورسلين أو معدن) ..........خرط قطعة من البورسلين في مخرطة ذكية لتكوين التاج

مزايا الطريقة الجديدة :
1 - توفير الخامات و الخطأ البشري المحتمل
2 - الوقت الوقت الوقت فما يتم في ثلاثة أيام أصبح يتم خلال ساعة ونصف
4 - ضمان جودة المادة المستعملة
5 - فائدة منع اكتساب او انتشار العدوى لعدم وجود اتصال بين المريض أو المعمل

و الفوائد مازالت غير مقنعة بالنسبة للثمن المرتفع سواء للجهاز أو منتجاته

ثمن الجهاز 600 الف جنيه مصري

ثمن الحشوة يبدأمن 1000جنيه و ثمن التاج يبدأمن 4000 جنيه

أما عن توافره في مصر فهو متوافر في خمس عيادات فقط في القاهرة (معلومات من الوكيل في مؤتمر سابق)

ولو حضرتك عايز عنوان احدى هذه العيادات ممكن أجيبه لحضرتك

في انتظار أي استفسار
تحياتي

شكرا يا دكتور للاهتمام وياريت تديني عنوان او رقم تليفون بعض العيادات المتاح فيها النظام ده.

تحياتي

**AHMEDCAR** · 25-08-2008 10:53 AM

متشكر جدا على الموضوع المتميز ده انا ليه سوال للدكتور

عندى اسناى اللى قدام فى الفك العلوى لونهم اخضر مع انى مش بدخن خالص غير هو حجر شيشه كل اسبوع مثلا حاولت بالفرشه و المعجون و المسواك و الحاجات دى برضو مافيش فايده ارجوا الفاده لسمحت و لك جزيل الشكر

**M_55** · 25-08-2008 11:47 AM

شكرا لهذه المبادرة الطيبة

كنت عاوزة اسأل حضرتك دلوقتي زوجي خلع ضرس بس عشان كان مسوس وهو ماحبش يعمل تنظيف وحشو واستسهل الخلع المشكلة ان المكان بتاع الضرس بيألمه من حين لاخر واحيانا مش بيقدر ياكل عليه خالص فدا من ايه

واكيد طبعا مشكلة اصفرار الاسنان دي مشكلة عند كل الناس علي الرغم من انه غير مدخن

كمان ممكن تقول لنا هو ايه افضل معجون للسنان وهل في طرق طبيعية لتنظيف الاسنان

كمان انا بنتي عندها سنة ونصف هل تحتاج لتنظيف اسنانها ولا لا

معلش الاسئلة كتيرة ،،وشكرا

**Ahmed Samy** · 25-08-2008 06:54 PM

المشاركة الأصلية كتبت بواسطة AHMEDCAR

متشكر جدا على الموضوع المتميز ده انا ليه سوال للدكتور

عندى اسناى اللى قدام فى الفك العلوى لونهم اخضر مع انى مش بدخن خالص غير هو حجر شيشه كل اسبوع مثلا حاولت بالفرشه و المعجون و المسواك و الحاجات دى برضو مافيش فايده ارجوا الفاده لسمحت و لك جزيل الشكر

سيدي الفاضل

ظهور اللون الأخضر أو الظل الأخضر على الأسنان لا يرجع غالبا للتدخين بل هو لون ناتج عن التعامل مع المعادن غالبا اما عن طريق الفم أو الأدوية المحتوية على الحديد بنسب مرتفعة

برجاء الافادة عن أي مما سبق و كذلك تاريخ اللون الأخضر (سنة- سنتين-منذ الطفولة)

في انتظار الإفادة

**Ahmed Samy** · 25-08-2008 06:56 PM

المشاركة الأصلية كتبت بواسطة MotorX

شكرا يا دكتور للاهتمام وياريت تديني عنوان او رقم تليفون بعض العيادات المتاح فيها النظام ده.

تحياتي

جاري الاتصال بالوكيل في مصر للحصول على اسامي و عناوين العيادات

عذرا للتأخير

**Ahmed Samy** · 25-08-2008 07:13 PM

المشاركة الأصلية كتبت بواسطة m_18c_m

شكرا لهذه المبادرة الطيبة

كنت عاوزة اسأل حضرتك دلوقتي زوجي خلع ضرس بس عشان كان مسوس وهو ماحبش يعمل تنظيف وحشو واستسهل الخلع المشكلة ان المكان بتاع الضرس بيألمه من حين لاخر واحيانا مش بيقدر ياكل عليه خالص فدا من ايه

واكيد طبعا مشكلة اصفرار الاسنان دي مشكلة عند كل الناس علي الرغم من انه غير مدخن

كمان ممكن تقول لنا هو ايه افضل معجون للسنان وهل في طرق طبيعية لتنظيف الاسنان

كمان انا بنتي عندها سنة ونصف هل تحتاج لتنظيف اسنانها ولا لا

معلش الاسئلة كتيرة ،،وشكرا

أولا بخصوص زوج حضرتك المحترم ,
استسهال الخلع هو تفكير غير سليم بالمرة و هو كرمي كنز بدلا من مراعاته و العناية به
و الخسارة بالطبع فادحة ...لأنها لا تقتصر على السنة المفقودة بل قد تمتد لتهدد الأسنان المجاورة و المقابلة لها ....

أما بخصوص الألم فبرجاء الإفادة بتاريخ الخلع و أي ملاحظات على عملية الخلع نفسها ...

ثانيا ,

بخصوص اصفرار الأسنان
ليكن معلوما أن أسناننا تصفر بتقدم العمر و هو شيء طبيعي أما الصبغات الناتجة من التراكمات الجيرية و الطعام و القهوة والتدخين مثلا فيجب زيارة الطبيب للتخلص منها بسهولة ...

أما الطريقة المنزلية فهناك العديد منها و أذكر لحضرتك احداها :

قطعة فحم صغيرة جدا مسحوقة جيدا + قطعة من الفراولة أو معجون أسنان
يتم وضعها على الأسنان و دعكها جيدا بالسبابة في اتجاه ثابت (من أسفل لأعلى و العكس) لمدة خمس دقائق

مضمضة جيدة

غسيل الأسنان بأي معجون مع فرشاة جيدة (medium)

هذه الطريقة تكرر يوميا و قد تظهر نتيجة مرضية خلال اسبوعين

و في حالة عدم ظهور نتيجة ينصح بالتوقف عنها .

ثالثا ، تنظيف الأسنان للصغار

يجب تنظيف الأسنان للأطفال حتى قبل ظهورها بشكل كامل للأسباب التالية:
1 - تنظيف الأسنان بالفرشاه ينشط الدورة الدموية الطرفية باللثة و لذلك فوائد كثيرة
2 - الأسنان اللبنية تحتاج للتنظيف بشكل أكبر لضعف بنيتها و عدم قدرة الفم الضعيف على تنظيفها بحركة عضلات الخدود و الشفاه و اللسان كما يحدث عند البالغين
3 - و هو الأهم , تكوين عادة راسخة في ذهن الطفل لتنظيف أسنانه وهو ما يرفع عن الوالدين جهودا كبيرة في مراعاة هذه الأسنان و حث الطفل على تنظيفها وكذلك هم اصلاحها و زيارة الطبيب الغير مرغوبة من الأطفال

مع التحية

-

الموضوع: عيادة أسنان المنتدى (للاستشارة)

LinkBack

أدوات الموضوع

عرض

-

-

-

-

-

-

-

المواضيع المتشابهه

عاوز دكتور زراعة أسنان

فرشاة أسنان ..؟

عيادة الجلدية والتناسلية " للاستشارة"

من المنصورة .. لكلية طب أسنان القاهرة ازااااااي ؟؟

الكلمات الدلالية لهذا الموضوع

المفضلات

المفضلات

ضوابط المشاركة