العربية دي معانا من أكتر من 20 سنة و بقيت مسؤل عنها تقريباً من 5 سنين يعني عندي خبرة كويسة فيها
الحاجات اللي بتعجبني فيها:
1- لما تحتاجها كل اللي عليك أنك تدورها و تطلع، ماتقلوش لأ
2- موتور قوي، دفع خلفي و عفشة مريحة و فرامل كويسة
3- الردع البصري ، عربية سبعينات بشبكة و كشافات كبيرة و اكصدام نيكل
3- حاجاتها متوفرة بسهولة، آخرهم مثلا البربيز (الزجاج) الأمامي احتجت أغيره لأنه أخد نقرة من زلطة نزلت عند أول محل زجاج لقيت عنده 3 أنواع جبت (الفاخر) سيكوريت بشماسة زرقاء بالتركيب في 10 دقائق ب 170 جنيه
4- مافيهاش حاجة معقدة و تقدر توصل لأي جزء فيها بسهولة عند الصيانة
5- أني بقيت أعمل بنفسي بعض الصيانات و الضبط دون الرجوع للميكانيكي
بالنسبة لقطع الغيار لازالت متوفرة و إن كانت أحياناً غالية خاصة فيما يتعلق بأساسيات العربية زي الموتور مثلا الموتور الاستيراد يوصل 9000 جنيه و لو احتجت قطعة زي وش سلندر مثلاً 2500 و صعب تلاقيه. العمرة الكاملة تتكلف تقريباً 3000 جنيه
باقي قطع الغيار عادي تلاقيها و مافيهاش مشكلة
الترخيص 3 سنوات اتكلف 1350 جنيه بالطفاية و مخالفات 180 جنيه شوف الموضوع ده
http://www.nilemotors.net/Nile/69450-3-504-a.html
اللي ممكن يتعدل فيها زي أي عربية لكن هتبقى محدود بميزانيتك و قوانين بلدك
المفضلات