هــــوا فيه ايــــه !!!!

**Esam Mosaad** · 05-06-2011 11:29 PM

السلام عليكم ورحمه الله وبركاته

انا راجع من بره بكلم نفسى ومش عارف هوا فيه ايه

اعتصامات قدام ماسبيرو لسه الناس بتفرش وهتبتدى تنام المفروض انهم اهالى الضحايا بيطلبوا بايه مش فعارف
وعربيات نص نقل عماله تنزل فى الناس الى اغلبيتهم مش لاقين مكان ينامو فيه وبيقولوا فرصه

على محور 26 يوليو عربيه شالت اتنين على موتوسكل واحد دماغو جت نصيين والتانى بيفكر يموت وسواق العربيه طلع جرى

ناس بتتثبت على الطرق بطرق واشكال عمر مالواحد يتوقعها لدرجه انى بقيت اخاف امشى وفى ايدى الموبيل
وبفكر جديا اشيل سلاح

ناس فى قمه قله الذوق وقله الادب وابسط مثل التباع بيحمل العربيه وفى زبون ركب عاوز يمشى ومستعجل ومش مهم العربيه تحمل ولما التباع قاله الصبر كان رد الزبون هنزل انفضك وشتيمه وزعيق

الطرق نلاقيها زحمه فى اماكن غريبه عشان نلاقى سواق تاكسى بيتخانق مع راجل كبير راكب ملاكى مع عيلته
والاتنين ماسكين بعض ضرب وشتايم ومحدش بيفكر يحوش

تلاقى واحد لازق فيك من ورا وضارب النور عالى ومعلق اديه على الكلاكس عشان يعدى ولو فكرت تقوله براحه يشتمك ويجرى

بقيت بمشى فى الشارع وبحث ان فى عيل صغير متعلق فى البنطلون عاوز نص جنيه وبيبقى ماسك كيس فى فكه كتير لدرجه انى فكرت اسئلو على فكره 20 جنيه

التكاتك بت ماشيه على الدائرى وياريت فى الاتجاه الصحيح لا ده وانت ماشى فى امان الله تلاقى توك توك جى فى وشك وضارب النور العالى

وتلاقى ناس تعدى الطريق برضوا الدائرى وماشى بيتمخطر ويوقع قلبك فى رجليك

وغيره وغيره
طب رايحين لحد فين ولا اخرت ده ايه

**Esam Mosaad** · 05-06-2011 11:40 PM

اذا لم تستطع ان تقاوم حاول ان تستمتع

هههههههههه هيفهموك غلط

**Esam Mosaad** · 05-06-2011 11:50 PM

نسيت حاجه

فى خناقه تحت البيت دلوقتى ازاز بيتكسر وضرب وشتيمه والطريق وقف
شكل العيب فيه

**ziours** · 06-06-2011 01:22 AM

ابشر نتايج الثوره اللي مش لذيذه ولسه الاسخم جاااااي
ربنا يلطف بينا

**eng.m7md.ali** · 06-06-2011 02:05 AM

خلاص اتعودت

**mmtronic** · 06-06-2011 02:07 AM

احنا كنا قبل الثورة عايشيين فى فوضى منظمة اما بعد الثورة فعايشين فى فوضى عارمة

المشكلة الحقيقية مش الثورة و لا الى قامو بيها - المشكلة فى سلوك شعب - سلوك شعععععععب مش سلوك واحد و الا انتين و لا حتى مليون

لو قلنا ان الفئة المستنيرة و المثقفة من الشعب مثلا 10 مليون فى احسن الحالات نقول يا عم 20 مليون لا 30 علشان محدش يزعل فانت عندك الباقى حوالى 50 مليون - شكلهم اية دول ؟؟؟؟

يا اخوانى الى احنا بنشوفة فى الشارع و فى تعاملتنا اليومية حتى مع بعض فى الشغل من سلوك ما هوة الا الوجة الحقيقى القبيح للشعب المصرى

و ارجوكم محدش يقولى احنا شعب عريق و مناضل و الكلام دة - انا مش شايف غير بلطجة و قلة ادب و عدم اهتمام ببلدنا

و من جانب اخر برضو علشان اكون حقانى - العيب مش على الناس بس - العيب على الى سايبهم يعملو كدة

لو كل يوم كام كلب اتعدم بتهم بلطجة و سرقة و ترويع - الشارع حينظبط حالة خلال اسبوع

الصين بعد الانجليز ما خرجو منها كانت غرقانة فى الافيون لما بقت عقوبة الافيون الاعدام حتى لو تعاطى - القصة خلصت

لكن تقول اية - لله الامر من قبل و من بعد

**Amr Axel** · 06-06-2011 02:31 AM

اللي حضرتك بتقوله ده و لا حاجة كمان بالنسبة اللي الواحد ببشوفه و ببواجهه
بس زي مقولتها قبل كده كتيير و بقولها تاني
ديه ثقافة شعب اتولد و اتربي ع كده عدم احترام القوانين و العجرفة
الثورة باينت فعلا كم البلطجية اللي موجودين اللي مكنوش بيقدروا يطلعوا قبل كده
لكن في ظل الانفلات الامني كله بيصطاد في المية العكرة
الواحد بيمشي يتلفت حوالي مش عراف التثبيته هتيجي منين و ايده دايما ع سلاحه و ربنا يستر ع البلد
و الجيش لو فعلا طبق الاحكام العرفية بجد مكنتش هتلاقي نملة في الشارع
بس احلي حاجة بقي في الموضوع ده كله من بداية الثورة
ان اي حد الشيطان بيوز في عقله يدخل هنا بعد ما شاف موضوع اللجان الشعبية هيقول الشيطان امشي من هنا ههههههههه
العالم كله شاف عواجيز و ستات و رجالة و شباب و اطفال واقفين في الشوارع بيحموا بسنج و مطاوي و شوم و اي حاجة تطولها ايديهم قصاد اسلحة نارية يعني من الاخر ناس قلبها ميت و اللي يتهور يتعور ههههههههه
ده غير طبعا الوحوش بتوعنا الصاعقة بوحداتها المكان اللي كانوا بيبقوا عنده متلقيش حباية رمل تتحرك بدون اذنهم ههههههه
تخيل بقي لو حد فكر يدخل هيحصله ايه ؟؟ هههههههه يبقي امه داعية عليه
هي ديه احلي حاجة في الشعب انه وقت المصايب بيكون كله ايد واحدة فعلا
انما غير كده كله هجس و دوشة
و هي الدنيا هتتظبط بس يدوا فرصة للشرطة تنزل تاني
و ان شاء الله الامان يرجع تاني زي زمان و نفضل محتفظين بمركزنا عالميا
بلد الامن و الامان و البلد التي لا تنام
ههههههههههه

-

-

الموضوع: هــــوا فيه ايــــه !!!!

LinkBack

أدوات الموضوع

عرض

هــــوا فيه ايــــه !!!! - انشر الموضوع فى :

-

-

-

-

-

المواضيع المتشابهه

ايــــه رأيكوا في البيجو 504

اللى عاوز يروح مارينا بالسوبر جيت يعمل ايــــه ؟؟؟؟؟

ايـــــــــــــــه فـيـــــــه ايــــه ... ما أنا مديك اشارة

الكلمات الدلالية لهذا الموضوع

المفضلات

المفضلات

ضوابط المشاركة