الموضوع: استخدام موتور فلش قبل تغيير الزيت صح ام غلط

الحقيقه انا لاحظت ان لون الزيت بقى غامق حتى بعد تغييره مما دفعنى لاستخدام MOTOR FLUSH فى بنزينه شل
المهم انا ما اخدتش بالى من الماركه بس هى كانت علبه 1 لتر ب 21 جنيه
حطيتها على الزيت القديم ودورت 3 دقاقئق بعدين غيرت الزيت
بعدها لاحظت تحسن نسبى فى لون الزيت الجديد بقى انضف شويه

وبعد لما روحت دورت فى النت على موتور فلش لاقيت مشاكل كتير جدا حصلت لناس بعد استخدامه نظرا لانه بيذيب الاوساخ من الوتور فممكن يعمل انسداد فى طلمبه الزيت او المجارى الضيقه
و ممكن يدمر الموتور
مش عارف هو فيه حد منكم استخدم المنتج ده قبل كده ؟

انا الصراحه قلقت لان المعلومات بتقول ان لو الموتور قديم نسبيا بيكون احتمال حدوث مشاكل اندساس كبيره وانا موتور عربيتى ماشى 180 الف كم

لو حد عنده معلومه عن الموضوع ده ياريت ما يبخلش عليا بيه خصوصا اهل الخبره زى المهندس سبعاوى وكل من له باع فى هذه المواضيع

ربنا يستر