المشاركة الأصلية كتبت بواسطة muslima
يمكن عربيات مسروقة !؟
لأ الموضوع مش مسروقة دى فى الجمرك و الحكومة هيا إلى بتحميها
بس الموضوع طلع عجيب و محتاج شرح طويـــــل و لسه فاهمه من الأستاذ نبيل دلوقتى
بصى يا ستى
أولا العربيات دى جايه من برة و لازم إلى يركبها يبقى معاق عشان يستفيد منها لمدة 5 سنين و دى أسمها مدة الحظر
ثانيا العربيه هتكون منطقة حرة بورسعيد يعنى عشان تخليها ملاكى أسكندرية أو القاهرة هتدفعى فلوس كتير فى حدود 10 ألاف جنيه دا غير الأجراءات القانونيه و الكشف على العربيه و كل حاجة فيها هيتدفع عليها
يعنى عشان أنا أجيب عربيه زى كدة لازم أكلم معوق يكون عمره ماشترى عربيه معوقين قبل كدة لأنها بتبقى مرة واحدة بس بياخد فيها عربيه و بعد كدة مالوش حق فى عربيات تانيه (دا المفروض) لكن حكومتنا برضة صباح الفل عليها فيه حالات استثنائية طلاما الفلوس هتكون موجودة المهم مش دى المشكلة المشكلة كلها فى أنى مثلا أدفع الـ23 ألف جنية للعربيه و أكتبها بأسم المعاق دة و بعد كدة أسيبها معاه 5 سنين لكن لو عايز أخليها بتاعتى على طول لازم أفك مدة الحظر دى و هدفع فى حدود 10 ألاف جنية و يكتبها بأسمى دا غير كدة أننا لازم أديله حوالى 7 ألاف كدة ولا حاجة
يعنى من النهاية العمليه هتكون واقفة عليكى بالأسعار دى
23 ألف حق العربيه
10 ألاف فك حظر
7 ألاف جنيه للمعاق
10 ألاف جنية عشان تطلع من بورسعيد لملاكى أى بلد تانيه
طبعا حوالى 5 ألاف جنية تسليك أوراق و شهر عقارى و غيرة و اللذى منه
يعنى كله على بعضة العمليه رجعت لأنك تشتريها ملاكى من بلدك أحسن و أنتى حاطة رجل على رجل من غير أى مغامرات أو أهانات ويا رب أكون قدرت أفيدك أو تكون المعلومة وصلتى و وصلتهالك صح
المفضلات