اقتباس المشاركة الأصلية كتبت بواسطة ghazy12 مشاهدة المشاركة
حمد الله على السلامه يا باشا.....

ايه رأيك في أهدى مكان في العالم...... ميدان التحرير....!!!! ههههههههه

و لأني عارف انك هتتوه و هتتعب على ما تلاقي ركنه و هتدخل في شوارع عكس (1000 جنيه غرامه بلا رحمه)

كل ده خلاني اقولك بلاش بالعربيه لأنك هتتعذب, و ممكن تكره القاهره و اللي عايشين فيها زي اللي عايشين فيها

لكن الحمد لله انك بخير و رجعت بالسلامه....

و يا رب نكون كسبنا سائح جديد لميدان التحرير و وسط البلد (الأهدى في مصر على الاطلاق) اوعى تصدق
ههههه يا باشا فيه شارع جانبى دخلته العربيات كانت واقفه فيه صف تانى وعربيات نضيفه والله العظيم العربيه يا دوب عدت وقفلت مراياتى الاتنين وانا ونصيبى وامناء الشرطه مش عارفين يعملوا حاجه
المهم عربيه فيات هاتش باك الصغيره دى قدامى والشارع واقف اتارى فيه واحد واقف على اول الشارع ده بيتكلم او حاجه زى كده
قام بتاع الفيات نازل يزعق ويشتم وبعدها بلحظات لقيته جايب شاب من ادام وهاتك يا ضرب قام جم اتنين تانيين و مطاوى وكوريكات بتتحدف فى الهوا هههه قلت معقول جمب مجلس الشعب وامناء الشرطه بتتفرج يحصل كده
المهم طلعت م الشارع ده و بستعبط وداخل علطول ههههه فى شارع المعامل امين الشرطه لحقنى وقالى لا لف يمين فى يمين كده ممنوع ونصحنى الصراحه
فى الشارع ده اى وقفه يمين او شمال تلاقى واحد معرفش طالع منين يقولك ممنوع الوقوف
على فكره ميدان التحرير كان رايق وماكانش فيه الزحمة الى هى العربيه كانت ماشيه ما وقفتش خالص الحمد لله
المشوار عدى بسهوله ويسر بفضل الله
انا والدى واخوالى واعمامى عارفين انى رايح مع صاحبى من الصبح و كانت المفاجاه انه انا الى رحت بالعربيه ولما رجعت و عرفوا كده شفت الى زى مصر فى كاس العالم مش مصدقين انى رحت ورجعت بس ما يعرفوش انى اخدت روح التحدى من الباشمهندس غازى و غزالى باشا والناس المحترمه هنا بجد ربنا يخليك يا باشمهندس