شباب مشوره عاجله ارجوكم

**Nile_Storm** · 25-12-2007 01:00 AM

للاسف الفترات اللي تسبق موافقه البنك دي بيبقي الواحد فيها متلخبط
انا حاجز فيرنا 1600 هاف اوبشن ب 65 الف
ايه رايكو هيه احسن ولا الفيفا 1500 اتوماتيك فل ابشن
لو مكاني هتعملوا ايه خصوصا ان الهندي ب 72 و ده هيعمل لوود جامد عليا جدا في الميزانيه بمعني اخر الفرق يستاهل و لا لأ

**الريس** · 25-12-2007 01:22 AM

لا اظن .. لو كوري كنت تفكر .. انما هندي مش فرق كبير ..

**Ahmed Anwer** · 25-12-2007 01:24 AM

مفيش فيفا اتوماتيك ؟؟

**arch_peter** · 25-12-2007 12:39 PM

الاخ storm_unleashed
احب اقولك انى فى نفس حالتك بس انا سابقك بخطوات لانى فعليا هاستلمها خلاص
اولا لا توجد 1500 اوتوماتيك
ثانيا انا كنت فى نفس حيرتك وفى الاخر حسمت قرارى فى فيفا مستوردة بالكامل مش الفيرنا المصرية
وانا عاوز اتكلم معاك لو حابب اى تفاصيل ممكن تبعت لى على الايميل بتاعى
arch_peter@yahoo.com
عموما طبعا هى وجهات نظر بس انا حبيت اوى الفيفا المستوردة لانها اجمل فعلا وتقفيلها اشيك بكتير من المصرى - وبالنسبة لكلمة ان الهندى مش فارق كتير عن المصرى فانا معترض واتمنى انك بنفسك تقارن بينهم حتى بالنظر هاتحس ان التقفيل الهندى سبقنا بمراحل للأسف
عموما انا لفيت نفس اللفة بتاعتك فترة كبيرة وعشان كده باقولك لو حابب تسأل عن اى حاجة قوللى
شكرا

**tarekkasaby** · 25-12-2007 01:03 PM

انا راى هات فيرنا ال 1600 احسن و ممكن تقرص على نفسك شويه و تجيب فول اوبشن بلاش الفيفا حاليا لانها لسه ماحدش جربها

عموما طبعا هى وجهات نظر بس انا حبيت اوى الفيفا المستوردة لانها اجمل فعلا وتقفيلها اشيك بكتير من المصرى - وبالنسبة لكلمة ان الهندى مش فارق كتير عن المصرى فانا معترض واتمنى انك بنفسك تقارن بينهم حتى بالنظر هاتحس ان التقفيل الهندى سبقنا بمراحل للأسف

فعلا انا لما اتفرجت عليها حسيت انها اشيك وتقفيلها احسن من المصرى للاسف بس لما سئلت بتاع المبيعات عليها قالى ماقدرش اقولك حلوه او وحشه لانها لسه ماتجربتش !!!

**ddooddyy** · 25-12-2007 01:16 PM

الفيرنا1600 أحسن بكتير من الفيفا لأن الفيفا هيه موديل قديم وماتباعش فى الهند وقالوا يسربوه هنا
فرق ال Cc هاتلاقيه واضح فى التكييف مع السحب بتاع العربية
قطع غيار الفيفا أكيد أغلى ومش متوافرة زى المصرى
لو هاتدفع أكتر يبقى تجيب 1600 فول أوبشن

**fahd_628** · 25-12-2007 02:45 PM

طبعا فيرنا 1600

شكل احدث
محرك احدث و اقوى
حاجاتها متوفرة مثل فوانيس و زجاج و كدة لكن الفيفا غير متوفرة
منتشرة جدا و سهلة فى البيع

رأى متلخبطتش نفسك و خليك فى ال 1600

و ياريت تبقى فل اوبشن

**Nile_Storm** · 25-12-2007 07:06 PM

مشكووووووورين انا خلاص رجعت للاول

كلمت غبور لقيت مفيش فيفا اوتوماتيك الي موجود مصري و ب 75 الف بصراحه استكترتهم عليها
خصوصا ان التسليم مش قبل شهرين و مقدرش احدد اللون اللي عاوزه و باسبقيه الحجز شكلها كده لسه بيجيبوها من بره مش تقفيل مصري
المهم قلت بلاش وجع دماغ و كمان 10 الالاف زياده

**Nile_Storm** · 25-12-2007 07:08 PM

المشاركة الأصلية كتبت بواسطة arch_peter

الاخ storm_unleashed

عموما انا لفيت نفس اللفة بتاعتك فترة كبيرة وعشان كده باقولك لو حابب تسأل عن اى حاجة قوللى
شكرا

شكرا جزيلا اخي علي مبادرتك الكريمه
شايلينك لوقت عوزه :)

**Ahmed.ibrahim** · 26-12-2007 08:30 AM

ياجماعة انا لسة مستلم فيفا امبارح والحمد لله العربية كويسة زي الفل تأفيلها كويس سحبها رائع وعالطريق السريع مريحة وثابتة

واللي خلاني افكر بيها واجيبها حاجتين
1- سعرها تنافسي جدا (وأعتقد انة راجع لانخفاض سعر الدولار)
2- انا شايف انها أشيك من برة ومن جوة (علي الاقل التابلوة لونة مش عقيم زي الفيرنا العادية)
علي الرغم من ان المحرك فعلا مش زي الفيرنا العادية (لان الفيرنا العادية فيها محرك ماتريكس) بس اعتقد ان دة مش حايعمل فرق كبير لانك شاري عربية زيرو ومش حتحس باي اختلاف