الموضوع: مناقشة مع معارضي ( عيد الحب ) فقط ..!

المشاركة الأصلية كتبت بواسطة Terrible_DaRsH

مناقشة مع معارضي عيد الحب ( الفلانتين ) , و لكنها ليست جدال عن هل انت موافق ام معارض , و ارجو من مؤيدين البدعة دى ان يحتفظوا بارائهم لنفسهم ..

النهارده اضطريت انى انزل اشترى حاجات من وسط البلد و انا عارف و متاكد من اللى هشوفه هناك من مظاهر التخلف و لكن متطضر ..

لما اشوف عيل 14 سنة و ماسك بنت تحت ايده , و لما اشوف بنات بتسكر و بنات بترقص فى العربيات , و شباب شارب مخدرات و متنيل و لما اشوف كل واحد ماسك هدية حمراء و عامل زى ال ....* و مستنى واحدة زيه .

و لما اشوف انحلال و لبس عريان و ضيق و كل واحد لابس احمر عامل زى * القرد ..

طب ذنب الحكومة ايه !! مالها الحكومة و مال الناس دى ؟؟

انا مش بنكر ان الحكومة اكبر حكومة فاسدة فى العالم , و لكن مال الحكومة و مال سلوكنا كشعب !!

الناس هى اللى بقت مُنحلة و هما اللى راضيين بالتخلف اللى هما فيه , ذنب الحكومة ايه .. نفسي اعرف .

ده شيء ان دل , فبيدل على ان المقولة " اذا الشعب اراد الحرية لابد ان يستجيب القدر " صحيحة 100 % , العيب مش فى الحكومة العيب فى الناس السلبية المتخلفة ..

كلهم مشاركين فى الفساد السائد فى البلد , اذا كانت الحكومة بتفسد بنسبة 50 % فاحنا متحملين النسبة الاخرة بشكل او بأخر ..

حد موافقنى !

سلمت يمينك

المشاركة الأصلية كتبت بواسطة a7med_pharma

للأسف يادرش

أمورنا كلـــــــها مترابطة في سلسلة طويلة ومعقده
وأي خلل في أي حلقة من السلسلة دي ..بيأثر على إلي بعدها

يعني لما تيجي تقول ...عندنا مشكلة إزدياد مرات التحرش الجنسي بالإناث

تلاقي مشكلة التحرش أن الشباب فاضي
وتلاقي الشباب فاضي علشان مش لاقي شغل
ومش لاقي شغل علشان مفيش وظايف ولا فرص عمل
ومفيش فرص عمل ..علشان الحكومة مالياها الكوسة والواسطة
والحكومة مالياها الواسطة والمحسوبيه ..علشان الفساد
والفساد موجود ..علشان القيادة مش عندها أدنى إهتمام بالناس
والقيادة مش عندها لإهتمام بالناس ..علشان مش فاضيين إلا إنهم يلموا فلوس فلوس فلوس

فهمتني
يعني الموضوع متسلسل

وإلي وصلنا ليه ..أنا مش قادر أحدد بالظبط فين بدايته ..علشان نعرف نلاقي له حل

وموضوع تحريم أو تحليل عيد الحب ...مش هيزود ولا يأخر
طالما سلوكيات الناس مش هتتغير
الناس كلها عارفة إن المخدرات-قطعا- حرام...ومع ذلك لو قولنا وذيدنا وعيدنا إنها حرام

مش هنوصل لنتيجة للأسف

الله على كلامك يا دكتور أحمد

رئى شخصى
بعيد الحب او من غيرة المناظر دى موجودة كل يوم فى شوارعنا مش حاجة جديدة من الطرفين (سيس - او شباب بيئة - او حتى من علاة القوم)
الى بيحصل نتيجة كبت مفيش اى حاجة ممكن تخلى الشاب يفكر فى ارتباط رسمى بسبب الاسعار المصاريف فكرة الجواز بقت شركة قائمة على طرف واحد وهو الشاب نادر لما تلاقى حد بيحاول يساعد والطبيعى بعد الكليبات الجميلة بتاعتنا العريانة خالص التى تهدف الى الموضوع وافلامنا الجميلة جدا العرى الذى يهدف الى القصة خلت حتى العيال الصغيرة ا14 سنة بيفكروا وبيعملوا الحاجات دى بخلاف الكب الكامن فى الشباب بخلاف واسف فى الكلمة البنات الى بقا فكرة انها تكون مثيرة بشكل مستفز الى بقا فى اغلب البنات تقريبا 70% منهم البس الضيق جدا او شفاف
التسقيط و البادى الى مش لاحق يوصل للبنطلون يعنى وما خلافة
والاعلانات الجميلة الى بتحسسك انو الجياة جميلة الفيلا والمدن الجديدة يعنى الى الحاجة منهم تدخلها فى الملاين وكأن الحياة عادى خالص
فا من الطبيعى ان الشباب دى تفكر فى كدة حاجة ممكن تخليهم حسوا انهم عايشين انا مش متفق معاهم بس لازم اعزرهم انا من جيلهم للاسف
وانسف للاطالة بس محدش فكر يوجهم حتى لو اتوجهوا مفيش جهات هتاسعد
وشكرا واسف انى طولت

المشاركة الأصلية كتبت بواسطة mgazaly

انا امبارح منتزلتش برة القناطر(اولا عشان مشوفش الاشكال السيس الىىتغم النفس وثانيا عشان مفيش اى سبب انى انزل من البيت) بس بليل خرجت اتمشى على كوبرى محمد على و على الساعة 10.30بليل كدة وكنا 4 المهم لقينا واحد وواحدة ماششين بس شكلهم سيس سيس وكل شوية يشدها من اديها يحط ايدة على كتفها .....وانتوا فاهمين الباقى المهم طقت فى دماغنا انا نرخم عليهم الحمد لله فضلنا وراهم لحد كرهناهم فى اليوم الى فكروا يعملوا فية كدة وكانوا كل شوية يقوفوا عشان نسبقهم ويعملوا الى هما عايزنة بس فضلنا نقف وقت اما يقفوا لحد اما فى الاخر راحوا فى حتة فيها ناس واحنا قعدنا وسيبناهم بئى

وانا متفق معاكوا فى حتة ان الاشكال والعيال السيس بئىوا فى كل حتة وكل وقت

متزعلش منى بس لما بشوف ناس شبهكو ماشين يرخمو على واحد وواحده
بشتمكو فى سرى
ايه الرخامه دى
يعنى افرض دى مراته
ومتقوليش كان باين عليهم لانه مش بيبان لو واحد ومراته هاتعرف منين
ولا المفروض المتجوزين ميخرجوش فى يوم زى ده

انا اقولك الموضوع من الناحيه اللى انت مفكرتش فيها

ده واحد ومراته نازلين فى حتى لو كان يوم عادى مش لازم عشان الفلانتين
لقو شويه شباب رخم راكب عربيته وعمال يرخم عليهم
وطبعا طريقه رخامه حضرتك كانت عن طريق معاكسه البنت ولو مش كده قولنا كنتو بترخمو عليهم ازاى بأدب
فالراجل مرضيش يعمل مشكله عشان معاه مراته وانتو كتير وهوه لوحده ومعاه واحده ست
فاضر يروح يوقف فى حته زحمه عشان يخلص منكو

متزعلش منى زى مانت بتشوف من ناحيه اعرف دايما ان فى ناحيه تانيه