مناقشة مع معارضي ( عيد الحب ) فقط ..!

**Terrible_DaRsH** · 14-02-2010 11:12 PM

مناقشة مع معارضي عيد الحب ( الفلانتين ) , و لكنها ليست جدال عن هل انت موافق ام معارض , و ارجو من مؤيدين البدعة دى ان يحتفظوا بارائهم لنفسهم ..

النهارده اضطريت انى انزل اشترى حاجات من وسط البلد و انا عارف و متاكد من اللى هشوفه هناك من مظاهر التخلف و لكن متطضر ..

لما اشوف عيل 14 سنة و ماسك بنت تحت ايده , و لما اشوف بنات بتسكر و بنات بترقص فى العربيات , و شباب شارب مخدرات و متنيل و لما اشوف كل واحد ماسك هدية حمراء و عامل زى ال ....* و مستنى واحدة زيه .

و لما اشوف انحلال و لبس عريان و ضيق و كل واحد لابس احمر عامل زى * القرد ..

طب ذنب الحكومة ايه !! مالها الحكومة و مال الناس دى ؟؟

انا مش بنكر ان الحكومة اكبر حكومة فاسدة فى العالم , و لكن مال الحكومة و مال سلوكنا كشعب !!

الناس هى اللى بقت مُنحلة و هما اللى راضيين بالتخلف اللى هما فيه , ذنب الحكومة ايه .. نفسي اعرف .

ده شيء ان دل , فبيدل على ان المقولة " اذا الشعب اراد الحرية لابد ان يستجيب القدر " صحيحة 100 % , العيب مش فى الحكومة العيب فى الناس السلبية المتخلفة ..

كلهم مشاركين فى الفساد السائد فى البلد , اذا كانت الحكومة بتفسد بنسبة 50 % فاحنا متحملين النسبة الاخرة بشكل او بأخر ..

حد موافقنى !

**romeo_6887** · 14-02-2010 11:17 PM

كلام زي الفل

**eslamrace** · 14-02-2010 11:59 PM

كلام مظبوط 100*100 واتفق معاك فى ذلك

**A7MED_PHARMA** · 15-02-2010 12:00 AM

للأسف يادرش
أمورنا كلـــــــها مترابطة في سلسلة طويلة ومعقده
وأي خلل في أي حلقة من السلسلة دي ..بيأثر على إلي بعدها

يعني لما تيجي تقول ...عندنا مشكلة إزدياد مرات التحرش الجنسي بالإناث

تلاقي مشكلة التحرش أن الشباب فاضي
وتلاقي الشباب فاضي علشان مش لاقي شغل
ومش لاقي شغل علشان مفيش وظايف ولا فرص عمل
ومفيش فرص عمل ..علشان الحكومة مالياها الكوسة والواسطة
والحكومة مالياها الواسطة والمحسوبيه ..علشان الفساد
والفساد موجود ..علشان القيادة مش عندها أدنى إهتمام بالناس
والقيادة مش عندها لإهتمام بالناس ..علشان مش فاضيين إلا إنهم يلموا فلوس فلوس فلوس

فهمتني
يعني الموضوع متسلسل

وإلي وصلنا ليه ..أنا مش قادر أحدد بالظبط فين بدايته ..علشان نعرف نلاقي له حل

وموضوع تحريم أو تحليل عيد الحب ...مش هيزود ولا يأخر
طالما سلوكيات الناس مش هتتغير
الناس كلها عارفة إن المخدرات-قطعا- حرام...ومع ذلك لو قولنا وذيدنا وعيدنا إنها حرام
مش هنوصل لنتيجة للأسف

**MoToRiZeR** · 15-02-2010 01:50 PM

أخر ردين قبلي قالوا كل حاجة .. إضافة إلي إن ده ملوش علاقة بعيد الحب يا درش
يعني هما مبيعملوش كدة يوم في السنة .. إنما هي دي تركيبتهم أصلاَ

كل اللي بيحصل إن اليوم بيبقي فرصة إنك تشوف جرعة مركزة من اللي شفته
و العيد ده مش إختراع مصري يعني .. فلما يبقي المناظر دي مبتشوفهاش غير في مصر .. يبقي العيب في مصر

زي العربيات كدة .. هل فيه بني أدمين عاقلين بيعملوا اللي المصريين بيعملوه بالعربيات عالطريق؟! هل العيب إذاَ في السماح بركوب العربيات و ألاقي فتوة طالعة إن العربيات الملاكي حرام عشان بتزحم الطرق و تعطل الناس و ممكن تخبط حد تموته إنما المترو حلال!

فيه حاجات موجودة في العالم كله إنما متشوفش منها العجب إلا في مصر

العيب في الناس .. حكومة .. ثم شعباَ ..

**أحمد كمال** · 15-02-2010 02:10 PM

ط®ط§طµ: ظ…ظپطھظٹ ط¯ط¨ظٹ: ط§ظ„ط£ظ…ظˆط§ظ„ ط§ظ„طھظٹ طھطµط±ظپ ظپظٹ ط¹ظٹط¯ ط§ظ„ط.ط¨ "طھط¨ط°ظٹط± ظ…ظ‚ظٹطھ" - Culture & Society - ArabianBusiness.com

**ams** · 15-02-2010 02:34 PM

انا معاك
شايف ان اسلوبك قاسى شوية بس معاك فى الفكرة

الناس -الا من رحم ربى-فيها سلبية غريبة جدا
انا شايف اللى بيحاولو يصلحو نفسهم قبل ما يصلحو الاخرين قليلين جدا
و فى حالة من الكبر و عزة بالاثم مش عارف حتى اوصفها ، تلاقى مثلا اتنين بيشدو مع بعض فى الكلام الاول"انت مش عارف انت بتكلم مين ؟" و التانى يقوله "تطلع ايه انت " او "انا اشتريك بفلوسى" و...............

الاعتراف بالخطأ و الاعتذار عنه قيمة غايبة علينا و الادهى ان ممكن الناس يغلطوك عشان انت بس بتعمل حاجة مختلفة عنهم او حاجة صح هم ما بيعملوهاش لاى سبب كان

و فى امور الواحد بيشوف انها بديهية
زى مثلا انى اطلع بطاقة انتخابية
او اربط الحزام و انا قاعد ورا
او ما استخدمش الواسطة او الفلوس فى "تخليص مصالحك "
بس الناس مش مقتنعة بالكلام ده و اللى يلتفت ليهم مش هينجز اى حاجة فى حياته

بالمناسبة انا مش ناوى اطلع رخصة بواسطة او بفلوس
يعنى ...الواحد بيحاول يبقى كويس
مش معنى كده انى ملاك ما انا من شهر سرقت عربية والدى و سوقتها من غير رخصة بس تقدر تقول الساعة كانت 6 الصبح و يوم جمعة ومفيش حد تقريبا فى الشارع و المرور ..مرور ايه انا مشوفتش و لا عسكرى <== اهى دى بقى المبررات اللى الناس بتستخدمها عشان تبرر اخطاءها يعنى عرضت حياتى و حياة الناس و ممتلكاتهم للخطر عشان احم و لا حاجه تقريبا...و ده خطأ لن يتكرر باذن الله

نيجى بقى ل"عيد الحب"
طبعا الحب شىء جميل و اللى يقصره على حب الرجل للمرأه بس يبقى فيه نقص فى ادراكه
انا مش شايف انه يتوافق مع دينى او تراثى حتى ،شىء دخيل على ثقافتنا ، مالوش اى معنى عندى
اللى عاوز يحتفل بيه هو حر و كل سنة و هو طيب بس من غير ما يؤذينى لا بمناظر يرفضها العرف او الدين و لا بحفلات صاخبة ولا ..........

و شكرا عالموضوع