الموضوع: أخيرا كارينز كاملة من الوكيل

إكتشاف "على ما أعتقد" - هاى لاين الوكيل في المهندسين
124000 إستلام فورى - تنفيذ غداً بإذن اللة
كان عندي إستعداد لدفع 127000 لخليجي كاملة بجد ولكن لم أجدها رؤية العين (أى إن أحد التجار أخبرنى أنها فى الإسكندرية وهيجبها مخصوص - لم أستطع الثقة فى كلامه)
يارب أكون قررت صح ؟

المشاركة الأصلية كتبت بواسطة hsultan

إكتشاف "على ما أعتقد" - هاى لاين الوكيل في المهندسين
124000 إستلام فورى - تنفيذ غداً بإذن اللة
كان عندي إستعداد لدفع 127000 لخليجي كاملة بجد ولكن لم أجدها رؤية العين (أى إن أحد التجار أخبرنى أنها فى الإسكندرية وهيجبها مخصوص - لم أستطع الثقة فى كلامه)
يارب أكون قررت صح ؟

بارك الله لك
يا ريت تقول لنا عملت إيه وإيه الكماليات بالضبط

ريموت كنترول - ABS - Air Bag - Multi function steering wheel
16 inch Alloy Wheel

السلام عليكم
اخي نحن بانتظار استلامك غدا للسيارة ونطمع في تقرير منك وشكرا

شكرا على الافادة
بس ياريت هى ايه كماليات الخليجى
هو لو تبقى زيادة عن الوكيل فتحة سقف ومخدع امامى وواحد خلفى وفوج لايت وكنبة تالتة وتكيف تاتش ومريات ضم وباشارة وبلون العربية تبقى عربية روعة

إنطباع أول بعد ٣٥ كم
موش عارف أبتدى إزاى مع إنى قارئ قديم لصحافة السيارات - سبور أوتو اللبنانية من ١٩٨٣
وكمان أنا سيارتى سكودا أوكتافيا A5 ودى سيارة زوجتي
الموضوع محتاج تعوٌد لإختلاف الإرتفاع عن الأرض :

- السيارة فضي فرش إسود ( إخترت الفضى لأنه لون فاتح يعكس الشمس و لا يظهر عليه الغبار بسهولة والداخلى إسود حتى لا يفسده الأطفال بسهولة )

-العربية متجاوبة بالنسبة إنها بتلين وصلت 120 على المحور وأنا موش واخد بالي حسيت إنه إنه نفس أداء الڤيرنا 1600 A/T وهى السيارة السابقة.

- العفشة معقولة ومتماسكة بس هى من السيارات التى توصل الإحساس من خلال الدركسيون بإختلاف طول الكبالن عن بعضهم إلي هو إن "فى عجلة بيوصلها عزم أكتر من الأخرى" وذلك لوضعية المحرك العرضية.

- الهاي لاين بالذات عليها كاوتش ميشلان ألماني (أُم الكوري :) ) مقاس ونوع الكاوتش فـــــارق.

- السيارة خارجة من المصنع أواخر أكتوبر ٢٠٠٩.

- واسعة من الداخل للركاب في الأمام وفي الخلف واسعة جداً.

- هذا ومازالت هذه الـ High Line بحر من التجهيزات الناقصة.
زي :-
1- تكييف تاتش وبيان درجة الحرارة بالخارج
2- فوج لايت أمامي خلفي.
3- تصفيحة معدنية أسفل المحرك والفتيس :(
4- حساسات مطر وحساسات ركن خلفية .
5- مرايات بضم كهربائي ومراية الرؤية الخلفية تعتيم ذاتي مع البوصلة والكاميرا الخلفية.
6- اشارات في المرايات - ولا حتى إشارة عادية بدلها في جسم السيارة !! :(
7- مسند للمرفق ومسند وسطي خلفي (عيب سخيف في سيارة الوكيل)
8- ومقابض أبواب وجرايد جانبية وشبكة أمامية نيكل .
9- ديكور داخلي من الكروم .
10- فرش قماش مخصوص أو جلد .
11- كمبيوتـر رحـــلات.
12- كنبـــــة ثالثــــــــة.
13- المالتى فانكشن مكان أزرار مثبت السرعة فاضي.
14-ESP Electronic Stability Program
15- Side Air Bags.
16- كراسي كهرباء بالسخان.
17- جلد طبيعى على عجلة القيادة و ذراع الفتيس.
18- قفل السرقة على الجنوط.

لم أستدل على مكان توصيلة الـ AUX or iPod أنا كنت فاهم إنها موجودة فى الـ HighLine
قالوا لي إن التوكيل سيغير الكاسيت لأن أزرار المقود لا تعمل.

آخر خبر - قالوا لى إن السعر رجع ...١٢٧ ثاني " بس نفذوا معايا ١٢٤٠٠٠ "17Feb2010

يا خسارة أنا كنت عايز حساسات الركن