كيا كارينز الوكيل و Panasonic Radio/CD

**Khaled_Nowaihy** · 22-07-2011 03:43 PM

السلام عليكم ورحمة الله وبركاته
أنا معايا كيا كارينز 2010 وكيل وراكب فيها جهاز راديو/سى دى ماركة بانا سونيك
والعربية كان معاها الضمان من شركة اسمها سمارت كار
الراديو بدأ يقطع فى الصوت لغاية ما فصل خالص .. ولكن ال سى دى كان شغال عادى
رحت للشركة فى المعادى علشان يتصلح ... أول ما رحت راح الفنى من غير ما يسأل بدأ يفك الجهاز من العربية
قلت له (مش تسألنى ايه المشكلة قبل ما تفك ؟)
قال (مش الراديو كان بيقطع وبعدين فصل ؟ احنا عارفين العيب ده هايتصلح ... حضرتك تيجى بعد بكره تستلمه ان شاء الله)

ورحت لهم وتم اصلاح الجهاز فعلاُ ...
ولكن
المحطات الـ ستريو زى نجوم اف ام بقت mono وطول ما هو شغال الاقى الشاشة مكتوب عليها MONO وبعدين تظهر كلمة STEREO ثانية وتختفى على طول ... بالاضافة الى ان الصوت أصبح مسرسع زى الراديو الترانزستور بتاع زمان

رحت لهم تانى قالوا لى الجهاز أصبح دلوقت ستريو على طول علشان ركبنا له TUNER جديد أعلى من اللى كان راكب بس الحساسات بتاعته مش متوافقة مع الجهاز ولا تلتفت للى مكتوب على الشاشة ... وكمان ها تلاقى التريبل بقى عالى عشان الاستريو بقى جامد

بالذمة ده كلام ؟؟؟؟
اخوانى خبراء الصوتيات فى المنتدى .... قولوا لى هل هذا الكلام صحيح ؟
أصدق الباش مهندز بتاعهم ده وللا أروح لمركز موثوق فيه ؟؟؟

**rotanamasoud** · 22-07-2011 09:28 PM

ايه ده انتو بتغلطو فى مصر مصر اللى بتصدر لامريكا واليابان بتغلطو فيها لالالالالالالالالالالالال الالالا
اكيد العيب فينا كبنى ادمين مبنعرفش نتعامل مع التكنولوجيا العاليه اوى بتاعت الكاسيت المصرى
خلاص روح هاتلك حاجه معفنه بايونير ولا كينوود وامرك لله
منك لله ياللى فى بالى خليك اعد فى المستشفى رافع علم مصر

**ahmed_su** · 22-07-2011 10:48 PM

انا بعد ما شفت موضوعك اقدر اقولك انه مافيش حل والوضع هيفضل

على ماهو عليه لان ده اسمه حل "تلصيم" حتى انتهاء فترة ضمان
الكاسيت

نصيحتى الشركة دى عندها موديلات اخرى كويسة استغل انك فى فترة الضمان

واستبدل الباناسونك المضروب ده بموديل اخر وادفع الفرق

**Khaled_Nowaihy** · 23-07-2011 11:12 AM

المشاركة الأصلية كتبت بواسطة ismailibrahim

استاذ خالد ازي حضرتك يارب تكون بخير , حضرتك فكرتني بالحصل ليا انا كمان اول ماشتريت عربيتي من المصرية للسيارات لقيت الكاسيت بتاعي ال جي مابيعليش الصوت والا في اي استجابة خالص للزراير روحت بيه للتوكيل قال لي ان الكهرباء الكاسيت مظبوطة كده في مشكلة في الكاسيت وهو ليه ضمان منفصل روح التوكيل بتاعه يكشف عليه وفعلا

زي حضرتك بالظبط, من غير ما قولت كلمة

وايه المشكلة الباشا الصنايعي بالمفك وعالطول طلع الكاسيت بره العربية وقال لازم تسيبه وهانصلحه

طيب ازي ده المفروض انه جديد يرد عليا ويقول ديه مشكلة بتحصل عالطول

بس من ساعتها وهو الحمد الله كويس .

بخصوص مشكله حضرتك انا ماليش في الصوتيات بس انا شايف لو المشكله استمرت اعرض عليهم بتغير الكاسيت بواحد جديد وشوف الفرق

الله يسلمك ويبارك فيك يا أستاذ اسماعيل ... أنا بخير والحمد لله وشكراً للسؤال والرد ولعلك بخير والحمد لله.
الظاهر ان الوكيل اختار أسوأ الموديلات من الكاسيت من مختلف الماركات
واللى غايظنى ان الباش مهندز بتاعهم فاكرنى هندى وللا عبيط ويقوم يعلى الراديو على الآخر ويقول أهه ستريو زى الفل أهه - وانا خليته يجيب لك كل المحطات حتى من غير اريال !!!!
مع انى جربت قبل كده وكان بيجيب كل المحطات من غير اريال ....

المشاركة الأصلية كتبت بواسطة rotanamasoud

ايه ده انتو بتغلطو فى مصر مصر اللى بتصدر لامريكا واليابان بتغلطو فيها لالالالالالالالالالالالال الالالا
اكيد العيب فينا كبنى ادمين مبنعرفش نتعامل مع التكنولوجيا العاليه اوى بتاعت الكاسيت المصرى
خلاص روح هاتلك حاجه معفنه بايونير ولا كينوود وامرك لله
منك لله ياللى فى بالى خليك اعد فى المستشفى رافع علم مصر

عندك حق والله يا أخى ... الباش مهندز بتاعهم كان ناقص يقول لى كده كمان ... ومن فصاحته بيضرب لى مثل بحزام الأمان علشان يبسط ويشرح لى تكنولوجيا الراديو ويفهمها لواحد متخلف زييى !!!! (دى قصة واشتغالة تانية)

المشاركة الأصلية كتبت بواسطة ahmed_su

انا بعد ما شفت موضوعك اقدر اقولك انه مافيش حل والوضع هيفضل

على ماهو عليه لان ده اسمه حل "تلصيم" حتى انتهاء فترة ضمان
الكاسيت

نصيحتى الشركة دى عندها موديلات اخرى كويسة استغل انك فى فترة الضمان

واستبدل الباناسونك المضروب ده بموديل اخر وادفع الفرق

ازيك يا باشمهندس احمد ولعلك بخير
بطاقة الضمان مكتوب عليها (فترة الضمان 18 شهر من تاريخ الانتاج !!!!) ....
وانا استلمت العربية فى ديسمبر 2009 يبقى الضمان خلص !!!!
لكن الباش مهندز بص على الضمان فقط ولم يلتفت الى التاريخ خالص
وقال لى أنا ممكن اخدمك وناخد منك ده وتاخد واحد تانى وتدفع الفرق
المفاجأة ان الجهاز جديد كان ثمنه 800 جنيه على حد كلامه ... وممكن ياخدوه ب 200-300 جنيه
شفت الاستهبال ؟