أيهما افضل لشهر العسل تركـــــيا ام اليــــونـان ؟

**fido2010** · 15-02-2010 08:24 AM

أرجو النصيحة بخصوص قضاء شـــــهر العســـــل
أيهما افضل تركـــيا ام الــــيونـــان
من ناحية البرنامج
و الاماكن
و الشواطئ
و الترفيه
و الامان
و الاستمتاع
و بالطبع التكلفة
و الطقس ايضا (علما بأن شهر العسل ان شاء الله ممكن ان يكون في شهر اكتوبر) ...!
وشكراااااا

**mado83** · 15-02-2010 09:13 AM

انا متابع معاك وبقوه ولو سمعت اى حاجه ياريت تقولنا عشان انا سامع ان تكاليف تركيا اقل من تكاليف شرم الشيخ بس على الرغم من انى ماعرفش طبعا اى مكان هناك فلازم تروح تبع شركه سياحه هيا اللى ترتبلك البروجرام كاملا يعنى من اول الوصول هناك وحتى العوده على خير ان شاءالله

**ghazy12** · 15-02-2010 09:34 AM

شوف يا باشا... هو انا معنديش خلفيه عن اليونان بصراحه... لكن انا ممكن اكلمك عن تركيا...

أماكن: خراااافيه بجد... رائعه و قمه في الجمال (الجبال, البحر, المساجد الأثريه الرائعه,.......)

شواطئ: طبعا تركيا بحر أبيض متوسط, لكن المناظر الطبيعيه مع البحر مش هتصدقها, سبحان الله بجد

ترفيه: زي ما قلتلك, الأماكن الأثريه و السياحيه غايه في الجمال, رحلات بحريه, و ممكن تعمل شوبينج في السوق

الأمان: مفيش أي مشاكل هناك خالص, دي كأنك رايح مرسى علم كده... في بيتنا يعني

الاستمتاع: لو مع جروب, أكيد هتستمتع جداا... لو شهر عسل هيبقى الجو مناسب جدا, لو رحله مع مراتك ولا أروع

التكلفه: دي الميزه في تركيا مع كل ده.... 5000 جنيه و تاخد بيهم اسبوع او 10 أيام غـــــايه في الروعه

أعتقد شهر أكتوبر هيكون مناسب جداا في تركيا..... أعتقد

سمعت ان اليونان جميله, لكن معرفش تفاصيل بصراحه, و لا افتيك فيها....

ممكن تسأل على اليونان و تقارن بينها و بين تركيا.... لكن مستحيل تكون اليونان أرخص من تركيا

رحله سعيده ان شاء الله يا باشا....

**Samah AbdAllah** · 15-02-2010 10:01 AM

ده كده تركيا ارخص من بورتو مارينا مش شرم الشيخ بس
بس هى فعلا ليا اصدقاء طلعوها والصور كانت تحفة
دى الصور فما بالك بالحقيقة
مبروك مقدما

**محمد عز** · 15-02-2010 11:42 AM

انا افضل تركيا

على الاقل هتجد مساجد تصلى فيها

**mohabelnegm** · 15-02-2010 11:54 AM

أنا أختى راحت تركيا فى شهر العسل و كان عندها ملحوظة أن ألأتراك بيكرهوا المصريين,بتقولى أول ما يسمعوا أنك مصرى معاملتهم تتغير تماما رغم أنهم بيكونوا طبيعيين جدا...لغاية ما يسألوا أنت منيين وبعدين المعاملة بتتغير. عموما المناظر هناك و الفسح جميلة لكن للأسف الشعب التركى غير مرحب بالمصريين .

**mahamedaraby** · 15-02-2010 12:10 PM

شهر عسل يبقى تايلاند جزيره معروفه اسماها بوكيت بجد تحفه بص هتاكل اكل عمرك ما دقته يعنى هناك التفاح شكله زى اللى عندنا لكن طعم تانى خالص والجمبرى والسى فود مش هقولك و البحر رائع وهتلاقى القرود على الشاطئ تلعب معاهم بجد حياه تانيه خالص وناس بسيطه بتتعامل معاهم على الفطره وكهوف زى ماقولتك حياه رائعه

وكمان كل ده تكلفه اقل تعمل شوبينج باسعار مش هتتخيلها اسعار رخصيه جدا

اسئل على برامج السياحيه فى شركات السياحه واسئل مش هتخسر والميزه فى تايلاند انك هتنزل فى جزر يعنى الفندق والحياه قريبه من بعض لكن ممكن فى تركيا تاخد رحله ب 5000 من مكتب سياحى لكن هتلاقى الفندق على طريق تركيا اسطنبول الصحراوى مثلا وعقبال لما تنزل البلد هتدفع فلوس موصلات كويسه

وربنا يوفقك والف مبروك مقدما

**ghazy12** · 15-02-2010 12:10 PM

المشاركة الأصلية كتبت بواسطة mohabelnegm

أنا أختى راحت تركيا فى شهر العسل و كان عندها ملحوظة أن ألأتراك بيكرهوا المصريين,بتقولى أول ما يسمعوا أنك مصرى معاملتهم تتغير تماما رغم أنهم بيكونوا طبيعيين جدا...لغاية ما يسألوا أنت منيين وبعدين المعاملة بتتغير. عموما المناظر هناك و الفسح جميلة لكن للأسف الشعب التركى غير مرحب بالمصريين .

حضرتك متأكد من الموضوع ده؟؟؟؟

أصل انا اختي بردو سافرت في شهر العسل و كان انطباعها عكس كده تماما..!!!! ده غير الأصدقاء

ده الى جانب ان الأتراك نادرااااا جداااا ما تلاقي واحد بيتكلم انجليزي, و كله تركي فقط...

علشان كده بس انا مستغرب يا باشا..... لكن اللي اعرفه غير كده و الله أعلم