الموضوع: اوحش سيارة

على فكره النيو سيراتو تقريبا كده انت وحظك ....زى كل عربياااات مصر

هههههههههههههه
والله ليها حق العربية تعمل اكتر من كدة معاك

المشاركة الأصلية كتبت بواسطة ahmed samy

حضرتك الموضوع انت اتعاملت معاه غلط

لما تاخد عربية و تلاقي فيها الحاجات دي

تلف و ترجع للمعرض و هي بورقها كده

و ماتاخدهاش و تتخانق معاهم وممكن تعمللهم محضر كمان

دي نقطة ....

طيب حضرتك راجل مش بتاع مشاكل و لا محاضر ....

هاتبعها ...عربية ماشية 500 كم ما تلحقش تخسر فيها كتير ولا تمنها يقع و العربية سعرها ما نزلش في يوم وليلة .

ثالثا...كلنا اللي اشتروا الخليجي في الأول كنا عارفين اننا بنشتري عربية غالية بسبب عدم التوافر

أنا شاريها بـ135 الف وعارف ان تمنها هابزل عن كده ومش متفاجئ انها دلوقتي بـ123 الف لأن ده طبيعي...

حضرتك لازم تفهم ان اللي حصللك (بغض النظر عن سببه) مشكلة فردية
لأن كلنا راكبين نفس العربية ومن عند نفس الراجل و العربيات زي الفل وماشتكيناش من الشكاوى بتاعتك بالتحديد.


و عموما رأيك في العربية ده شيء يرجعلك ..وانت معذور طبعا لو كونت فكرة سيئة عن العربية ...

وقرارك بشراء الميجان طبعا قرار صحيح ....الميجان عربية أفضل من السيراتو في جوانب كثيرة ...

و تمنياتي لك بالتوفيق

انا مع الراجل ده +111111111111111111111111

المشاركة الأصلية كتبت بواسطة ahmed samy

ههههههههههه

و الله الراجل ده نفسه حلوة

ههههههههههههههههههههههههه ههههههههههه لأ جامدة

المشاركة الأصلية كتبت بواسطة abouwesam

مش الخليجى و بس انا عندى سيراتو شاريها من الوكيل و عاملة 17000 كم بس و من يوم لما اشتريتها و هى بتخبط من قدام يمين و اللى زاد انه من شهرين بدأ صوت زي رولمان بللى فارط و الوكيل ودن من طين و ودن من عجين و كمان قالوا ان الصوت دة من دماغى انا, يعنى مجنون. و الله لأفضل وراهم لما يعترفوا بغلطهم و يصلحوا العربية أو يغيروها كلها حتى لو كلفتنى اكتر من تمنها.
نصيحة بلاش الكيا لغاية لما يعترفوا بغلطهم و يصلحوا امورهم مع العملاء

ياجماعة انتو مالكو متحاملين على الراجل زيادة عن اللزوم واحد جاب عربية معجبتهوش وباعها احنا مالنا
هو بيحكلنا عن تجربته وانه جابها ومعجبتهوش وباعها وحيجيب احسن دي فيه حاجة وعلى فكرة هو مكنش بيشتم على السيراتو كان بيشتم على عربيته
انتو مصدقتو وكلكم الا بعض الاعضاء قعدته تتقريقوا هو اينعم اتسرع وباعها بس هو حر وده مش سبب انكم تتحاملو عليه كدا
واهو الراجل اللى انا مقتبس مداخلته عنده نفس المشكلة يعنى المشكلة دي موجودة واتلراجل مش جايب كلام من دماغه وكمان التوكيل مطنشه انتو بقى عاملينها مرسيدس وان محدش عنده المشكلة دي وانا مبقولش انها وحشة هى جميلة وعجبانى جدا ونفسى اجبها بس لما ظروفى تسمح
كل عربيه وليها مشاكلها وعيوبها احنا بدل منتريق عليه نواسيه يعنى الراجل يعينى ملحقش يتهنى بالعربية عامل 500 كم وخسران فيها كمان
انا عارف ان حتخش ناس تقول مش عارف ده اخو ولا ابن عمه وواقف فى صفه ومن توكيل منافس يا ريت بلاش الكلام ده كل واحد بيقول وجه نظره
تقبلوه تحياتى وياريت محدش يزعل من كلامى