الموضوع: اقصى سرعة جيبتها فى نفق الازهر

المشاركة الأصلية كتبت بواسطة semsem kane

2:انا وقفت على مدخل النفق حوالى تلات دقايق عشان كنا بنظبط الاستوب وتش ومتهيالى وقت كفيل جدا ان اى حد يكون خرج منة حتى لو كان ماشى على 60 كيلو

و العطلان؟ و اللي عنده عجلة نايمة و ماشي على 10-20 لحد ما يطلع من النفق؟

انا مش عارف انت مصمم تكابر في الغلط ليه و انت غلطان من ساسك لراسك

و ثلاث دقايق لو واحد ماشي 60 هيبقى قطع 3 كيلومتر (بالرياضة اللي حضرتك درستها يا باشمهندس !)...... اعتقد النفق اطول من كده .......

و ستوب ووتش ايه اللي بتتظبط في 3 دقايق ؟؟؟؟؟ بتملالها الزمبلك و لا بتظبط العقارب ؟؟؟؟؟؟؟؟

المشاركة الأصلية كتبت بواسطة semsem kane

3:لما بدأت اجرى عملت حاجة حلوة جدا انى بقيت مع كل ملف بروح للجانب الاخر عشان الزاوية العمياء وعلى فكرة النفق دة بالظبط فية ملفين بالعدد واحد فى الاول خالص وكانت لسة سرعتى عند 100 والتانى سهل جدا تشوف منة بقيت الطريق لو روحت الناحية التانية ودة اللى انا عملتة وبعد كدة طول النفق ماشى على طول لحد ملف اخير ودة انا هديت فية خالص عشان دة اخر النفق

الجانب الاخر ما يجيبش الزاوية العمياء مطلقا لان النفق ضيق و حارتين و فيه ملفات فيه انحناءها شديد .......

و لا مؤاخذه يعني حتى لو انت كاشف الزاوية العمياء و لقيت واحد واقف و عطلان هتلحق تقف؟ مهما كانت فراملك قوية على 160 كم/ساعة اللي هي 44 متر/ثانية عمرك ما هتقف في اقل من 700 متر او كيلومتر كامل ..... انت اصلا في الثواني ما بين رفع رجلك من البنزين و ضغطها عالفرامل هتبقى مشيت عالاقل 200-300 متر ..... و على ما تكبس الفرامل للاخر هتبقى مشيت 100 متر .... و على ما الفرامل تشتغل يا باشمهندس زي ما حضرتك دارس فيزياء فيها بتاع 400 متر كمان عالسرعة العالية دي ...... هتعمل ايه برؤيتك للزاوية العمياء؟

المشاركة الأصلية كتبت بواسطة semsem kane

انا مش شايف فى الموضوع اى خطورة غير بس لاقدر الله كانت ممكن تحصلى انا لكن مافيش اى ضرر لسيارات اخرى او بشر ,

برضه مازلت مصمم؟

يعني لو واحد عطلان ما كنتش ممكن تخش فيه و تموته؟ أو أضعف الإيمان تخليله عربيته حتة خردة؟

لا حول و لا قوة الا بالله

المشاركة الأصلية كتبت بواسطة semsem kane

انا جريت فى مكان زى ى مكان حضراتكوا بتجروا فية وقولتلكوا على اللى شجعنى وكان ستر ربنا فى الاول وفى الاخر معايا وفى كل خطوة كل واحد بيمشيها سواء راكب او ماشى

ده بقى اسمه كلمة حق يراد بها باطل و ده مش اتكال على ستر ربنا .... ده تواكل + رمي بالنفس و الغير في التهلكة ..... و ده اللي جايب شعب مصر كله ورا ........ سيبها على الله ..... ربك هو اللي بيستر ..... ما تفولش ...... الخ الخ الخ .......