اقصى سرعة جيبتها فى نفق الازهر

**SAMEH_FOUAD** · 15-02-2010 08:05 PM

عايزين نعرف اية اقصى سرعة قدرتوا تمشوا بيها فى نفق الازهر اللى بيوصل من ميدان الاوبرا الى ش صلاح سالم
وياريت توضحوا سرعتكوا عند الملفات بتاعتة و بتقدروا تاخدوها لحد كام والاهم من دة كلة انكوا تكونوا واخدين الملفات فى الحارة بتاعتكوا يعنى ماتخرجوش برة الحارة او تلفوا وانتوا ماشين فى النص
متهيالى النفق دة بالذات ممكن يبين مدى ثبات السيارة
وانا هاقولكوا على اقصى سرعة جيبتها ومن غير مانزل كيلو واحد وخدة فى قد اية بس لما اسمع تعليقات حضراتكوا واللى ماجربش مانصحوش يجرب انا بس عايز اللى جرب غير كدة ماتحاولوش تعملوها

**mohamedbook** · 15-02-2010 08:16 PM

صعب الي بتقول علية دة ان الواحد يجري في النفق بتاع الازهر نظرا شدة المنحنيات الموجودة بيه
وياريت متقولش علي السرعة الي كنت ماشي بيها
ولما تحب تجرب الثبات متجربوش في مكان سير عشان متعرضتش حياة الاخرين للخطر

**N.a.j.d** · 15-02-2010 08:27 PM

صعب انك تسرع ف النفق دا كله منحنيات

**aymenseef** · 15-02-2010 08:31 PM

مش فاكر بصراحه بس انا عموما بقلق من الانفاق والعبارات والمعديات اللى على النيل او قناه السويس او اي منطقه مش هعرف اجري فيها بالعربيه لو حصل حاجه لا قدر الله

**kmhbravo** · 15-02-2010 08:47 PM

Audi TT Model 2000/180hp: 167km
Peugeot RC Model 2008/175HP: 160km

**cheetos_892005** · 15-02-2010 09:04 PM

المشاركة الأصلية كتبت بواسطة kmhbravo

audi tt model 2000/180hp: 167km
peugeot rc model 2008/175hp: 160km

برافو عليك شطور يا حبيبي
ايه الموضوع اللي بيحرض علي التهور والخطر ده
النفق اصلا مش مستحمل سرعه 60 حارتين و ضيق و منحنيات خطر كلها
و المنحنيات مش موفره زاويه رؤيه كمان عشان كده لو حد عربيته عطلانه او ماشي براحه و ده الصح هتلبس فيه و هتلبس مش اقل من 50 عربيه وراك فيكو انتو الاتنين
ايه القرف ده

**ahmedyehia515** · 15-02-2010 09:11 PM

أنا بصراحة عندى تجربة بخصوص نفق الأزهر، كنت راجع من ميدان الأوبرا لمصر الجديدة و فى اول النفق فى ملف جامد اوى، انا كان بقالى بتاع سنتين كل يوم رايح جاى النفق و الصبح أوى كان بيكون فاضى فكنت بطير فيه بس كنت ببقى لوحدى فى النفق فكنت بمشى فى النص. المهم و انا فى اول الملف كنت على 60 جت عربية شيفروليى الدبابة ( محدش يقولى العربية ده دخلت النفق ازاى أصلاً) و هو بيعدى من على شمالى الكاوتش اليمين القدامانى بتاعه فرقه و العربية نزلت على عربيتى بكل ثقلها و النتيجة انه العربية عندى خدت خبطة انما إيه فى الباب ( اتغير كله عشان مكانش ينفع يتصلح) دخلت فى الرصيف و الجنط اتكسر والجنب اليمين عندى اتبهدل جامد.
الاهم من ده كله انى فعلاً اتعقدت من السواقى بعديها عشان الموضوع ده كله حصل فى ثوانى تقريباً قلبى وقف فيها و مش فاكر انا عملت فيها إيه.

انا قصدى انو مش معنى ان عربيتك كويسة انك تجرب ثباتها فى الطرق المصرية عامة لأن الحوادث بتحصل فى ثانية. و لو عربيتك كويسة الشوارع مليانة حوادث على عجل اسمها عربيات نقل و ميكورباصات و عربيات تانية اهتموا انها تشد كويس و نسيوا ازاى يوقفوها.

أجابة على سؤالك: أكتر سرعة خدت بيها النفق كانت من الاوبرا لصلاح سالم ، دخلت النفق على 80 و خرجت على 80 ,و طول النفق على 140 بس هديت فى الدخول و الخروج. السبب انو واحد ظريف كلمنى على اساس انو البيت اتحرق و اهلى فى المستشفى بس مفيش اى سبب تانى فى الدنيا يخيلينى اعمل كده