اقصى سرعة جيبتها فى نفق الازهر

**SAMEH_FOUAD** · 16-02-2010 01:27 AM

المشاركة الأصلية كتبت بواسطة dr.karim emam

و احنا استفدنا ايه لما عرفنا انك سواق و بتجيب 185 في نفق حارتين بس غير انك مستهتر؟!!!!!!!!!!

نرجو من الادارة حذف الموضوع

ماشى ياباشا شكرا جدا لذوقك وطريقتك فى التعبير
ودة موضوع زية زى اى موضوع هنا فى المنتدى فية معرفة اقصى سرعة الواحد جابها حضرتك ممكن تشوفة بنفسك وابقى اكتب تعليقك دة هناك

واحب اوضح حاجة واحدة مافيش حد خد بالة منها :

اولا انا جيبت السرعة دية فى النفق يعنى ماكنش فية ولا حد بيعدى ولا انسان واحد ماشى فية يعنى الخطر على المارة مش موجود اصلا
2:انا قولت ماكنش فية غيرى فى النفق والكلام دة اتعمل مرة واحدة بس وان شاء الله مش هيتكرر تانى ولو لاحظت كلامى هتلاقينى قولت من العيد الكبير يعنى من 3 شهور تقريبا وبطلت اصلا اجرى

يبقى كل اللى اتعرض حياتة للخطر هو انا وصاحبى بس وهو كان موافق اننا نعمل كدة ,مش هقولك مش غلط لأ اللى احنا عملناة دة غلط وان شاء الله مش هيتكرر تانى

وهطلب من حضرتك طلب انا مغلطش فيك ولا كلمتك باسلوب وحش يبقى متهيالى المفروض حضرتك كمان تتكلم معايا بنفس الاسلوب عشان حضرتك ماتعرفنيش عشان تقول عليا مستهتر على العموم شكرا تانى لمرة لذوقك

وياجماعة كان كل الهدف بس من الموضوع دة انى ماقولش انى جيبت كام ولا حاجة لا الهدف منة انى فعلا كل يوم بشوف سيارات بتجرى بطريقة رهيبة فية وبيبقى النفق زحمة فكنت عايز اعرف معدل السرعة اللى الناس بتمشى علية فى النفق لانة اكيد فية ناس اعضاء هنا فى المنتدى مشيوا فية وجربوة

انا ولا قولت لحد جرب ولا اجرى ولا تعالى نشوف مين احسن زية زى اى موضوع خاص بالسرعة ومتهيالى محدش يقنعنى انة ماجريش بعربيتة فى مكان زحمة ,ولا عمل غرز ,ولا حب يقفل العداد
اكيد كل واحد بيجيلة وقت بيبقى عايز يجرب امكانيات العربية او يقوم بتفتيح ماتورها كل فترة
واكيد حضرتك جالك وقت زى دة وعملت كدة سواء بقى فى مكان فاضى او فى مكان زحمة
لانك لو قولت انك عملت كدة فى مكان فاضى يبقى حضرتك عملت زى بالظبط لانى بردة جربت السرعة فى مكان فاضى مافيهوش غيرى
ولو قولت انك جربتها فى مكان زحمة يبقى تطبق الكلمة اللى انت قولتها عليا عليك وعلى حد بيعمل كدة

شكرا لكل من شاركوا فى الموضوع وابدوا رأيهم

**M_Nabil** · 16-02-2010 02:20 AM

اية ياجماعة موضوع الجرى داخل النفق ده ماهو عشان كدة بيتقفل الساعة 12 بالليل وكمان عشان يحفظوا عليه وكنت سامع من فترة انهم هيحطوا فيه كاميرات عموماً الواحد بيجرى فيه لما يكون فاضى بس مش لدرجة السرعة القصوى، يعنى طول ما النفق فاضى قدامى و خلفى بزود بنزين وتقريباً خلال جميع المرات اللى مشيت فيه وكان مش واقف مشفتش حد ماشى على السرعة المقررة اللى هيه 50 كم/ساعة أقل واجب 70 وأنت طالع

**SAMEH_FOUAD** · 16-02-2010 02:29 AM

ياجماعة هو حد قالكوا ان اللى عملتة دة عقل عارف انة جنان وخلاص راح لحالة وفية حاجة احب اقولها لحضرتك انى بردة رغم كل دة كنت بدوس على الكلاكس عشان انبة اى حد هو كمان يدى تنبية ان فية عربية موجودة فى النفق ,والحمد لله ربنا سترها وعداها على الخير فى الاول وفى الاخر

**migo9898** · 16-02-2010 02:31 AM

انا كنت راكب مع صاحبى وجاب 110 تقريبا والعربية عومت بينا ولولا ستر ربنا كانت العربية اتقلبت اوحش حاجة السرعة حتى لو الطريق مافيهوش انسان واحد ولا عربية واحدة الهدوء حلو

**مراقب المنتدى** · 16-02-2010 02:33 AM

[caution]
إدارة المنتدى لا ترحب بالمواضيع الحاثة على السرعة بشكل عام
إيمانا منا بأن المنتدى هو في خدمة الصالح العام و ليس العكس
ويجب الإيضاح أن أخطر الحوادث هي حوادث الأنفاق المغلقة ..
لذلك فإن التسارع فيها فعل خطير وجب التحذير منه.

لعدم كون الموضوع مخالف للقواعد
نكتفي بهذا التنبيه
وفي حالة ورود تقارير مشاركة كافية
سيتم مناقشة غلق الموضوع مع السيد مشرف القسم العام

م.ع.4
[/caution]

**أحمد كمال** · 16-02-2010 02:51 AM