اقصى سرعة جيبتها فى نفق الازهر

**mhoss** · 16-02-2010 01:46 PM

المشاركة الأصلية كتبت بواسطة Evo

يا نهار أبيض

تحريض بالقتل إيه بس

طيب كلام سعادتك ده مش اتهام بالكدب

يا جماعة راعوا مشاعرنا شوية بلاش كده

.

بالظبط كده....

أنا ساكن فى وسط البلد و شغلى فى مدينة نصر و بعدى على النفق كل يوم تقريباً مشفتش اللى أنت بتقوله عليه ده....حتى اللى بيبقى جاى بيجرى فى صلاح سالم و أول ما بيدخل النفق بيحترم نفسه على الأخر....
يا جماعة الكلام ده مش صــــــــح
نفق الازهر + سرعة = موت و خراب بيوت ناس و تيتيم أطفال (لاقدر الله)

**NoRmAl** · 16-02-2010 01:56 PM

معلش بس الموضوع دا لازم يتقفل
فى ناس بتسخن من الكلام دا
وينزلوا يشوفو هيجيبو كام
أرجو الموضوع يتقفل
مش ناقصين حوادث من تهور السائقين فى نفق أشتهر أساسا بدمويه حوادثه
المنتدى عمر ما كانت دى رسالته
أرجو أغلاق الموضوع

**mhoss** · 16-02-2010 01:59 PM

المشاركة الأصلية كتبت بواسطة NoRmAl

معلش بس الموضوع دا لازم يتقفل
فى ناس بتسخن من الكلام دا
وينزلوا يشوفو هيجيبو كام
أرجو الموضوع يتقفل
مش ناقصين حوادث من تهور السائقين فى نفق أشتهر أساسا بدمويه حوادثه
المنتدى عمر ما كانت دى رسالته
أرجو أغلاق الموضوع

+11111111111111

أضم صوتى لصوت هذا العضو المحترم....

**Abo_Lina** · 16-02-2010 02:02 PM

المشاركة الأصلية كتبت بواسطة ahmed_su

المشكلة الاساسية فى كل ده انه لا قانون يطبق على الكل

لو اداة تطبيق القانون فعالة ورادعة ان اى شخص ارتكب مثل تلك

المخالفات وجد فى التو من يوقفه ويعطيه الجزاء الرادع غيره هيفكر

1000 مرة قبل ان يحاول يقوم بها - كل الدنيا بتطبق القوانين الا هنا

ولا يبقى ملتزم بالقوانين والسرعات واداب الطريق الا مجموعة قليلة

من الناس سواء كونهم يحترموا القوانين بطبعهم او مرورهم بتجربة علمتهم الادب

دي بقى جوهر المشكلة ..
لو فيه سلطة تطبيق قانون متوفرة في الشارع كان زمانا في غنى عن الكلام ده كله .. إنما المرور في مصر توقف نموه عند الفميه و الاستيكر ..

**KoDaK_Gti** · 16-02-2010 02:04 PM

المشاركة الأصلية كتبت بواسطة dr.karim emam

و احنا استفدنا ايه لما عرفنا انك سواق و بتجيب 185 في نفق حارتين بس غير انك مستهتر؟!!!!!!!!!!

نرجو من الادارة حذف الموضوع

المشاركة الأصلية كتبت بواسطة normal

معلش بس الموضوع دا لازم يتقفل
فى ناس بتسخن من الكلام دا
وينزلوا يشوفو هيجيبو كام
أرجو الموضوع يتقفل
مش ناقصين حوادث من تهور السائقين فى نفق أشتهر أساسا بدمويه حوادثه
المنتدى عمر ما كانت دى رسالته
أرجو أغلاق الموضوع

المشاركة الأصلية كتبت بواسطة mhoss

+11111111111111

أضم صوتى لصوت هذا العضو المحترم....:s_thum1[1]:

وانا كمان اضم صوتى ليكم
وياريت الناس تنتقى الموضوعات المفيدة

**M_Nabil** · 16-02-2010 02:11 PM

طيب أنا مستغرب من حاجه معظم الناس بتطلب غلق الموضوع طبعاً أنا ضد الموضوع لكن يا أما صاحب الموضوع يطلب غلقه أو الادارة تغلقه مع غلق جميع مواضيع اللى بتتكلم عن السرعة زى أقصى سرعة جبتها بعربيتك كام وغيره واللى نال شعبية جميلة عند معظم المشاركين وقاعدو يحطوا الأرقام وصور العدادات وعلى طريق ايه ومش عارف ايه وعلى ما أتذكر محدش طلب غلقه وياريت محدش يقولى أصل ده نفق والثانى طريق سريع وسفر ولا كوبرى الحادث هنا زى الحادث هناك وممكن تضيع أرواح ويكون أسواء وأخطر هناك أكثر من هنا يعنى مبدأ السرعة واحد مع أختلاف المكان

**M.Mosaad** · 16-02-2010 02:11 PM

المشاركة الأصلية كتبت بواسطة kazzaz

mohamed_momi88

طيب انت بتحب العربيات زي ما اعتقد كل اللي في المنتدي هنا كده و معاك عربيه جامده و بتجيب لحد 180 مستريح اكيييد جوالك هاتبقي عايز تجري و تشد و تطلع حبك للعربيات فيها .. لما تبقي الحكومه مش مدياك لا مساحه تعمل كده في شوارع محترمه و لا في جهات بتنظم مثلا حاجه للسرعه ولا اي حاجه من الكلام ده .. مانت اكيد هاتعمل زي بقيت الناس هاتجري و هاتشد في الاماكن العاديه .. اه انا عارف ان ده اكيد خطر .. بس خلونا واقعيين شويه ..

انا معاك ان الواحد بيبقي نفسة يجري بالعربيه و يطير و انه فعلا احساس رائع و ان مفيش في مصر مضمار للجري و السرعه الواحد يمارس هوايته فيه بس برضة في مليون هوايه في مصر الواحد مش بيعرف يمارسها و محروم منها يعني زمان علي الاقل كان عندنا الشارع فاضي فكنت بعرف العب فيه كورة براحتي دلوقتي مبقاش فيه خرم ابرة الواحد يلعب كورة فيه قيس علي كدة موضوع الجري بالعربيه مفيش مكان و لا حته مناسبة للواحد علشان يطير بالعربيه و يجيب 180 و 190 نصيبنا كدة و لازم نستحمله لان مش هيبقي في اي وسيله غير ان الواحد يجري في شوارع عاديه و بتحصل كوارث من ورا الموضوع دة مهما كان الواحد محترف سواقه او فاكر نفسة محترف

و برضة انا ردي دة من باب و اذكر نفسي و اياكم لان شيطان السرعه زي ما قال الاخ كريم بيركب ناس كتير ساعات و منهم انا

**SAMEH_FOUAD** · 16-02-2010 02:14 PM

انتوا حسستونى انى جريت الساعة 2 الظهر
اية ياجماعة فية اية بالراحة على نفسكوا شوية مش كدة انتوا راكبين عربيات وكل واحد فيكوا شبع منها جرى سواء بقى فى شارع زحمة ولا فى شارع فاضى ومنكم عمل كدة كنوع من الاستعراض او كان مستعجل فعلا
وبالنسبة للمهندس غازى حمد لله على سلامتك ياباشا وطبعا السواقة مالهاش كبير وانا قولت فى كلامى محدش يعمل كدة عشان غلط وانى فعلا غلطان
بس انا والله والعظيم كل يوم بشوف سيارات اشكال وانواع بتشد جامد فى النفق دة اخرهم كانت سيارة اوكتافيا a5,وسيارة اوبل فيكترا الجديدة بيشدوا مع بعض جواة ومرة كانت النترا وسوبارو امبيريزا كل ماتتخيلة من سيارات بتشد جواة فحبيت بس اعرف اية معدل السرعة الى الناس بتمشى علية لانى بجد بشوف ناس كتير قوى بتجرى علية
وعلى فكرة انا صاحبى اتقلب فية بتويوتا استارليت وتقريبا طلع لسقف النفق ونزل تانى وكان كلة بسبب سوزوكى ماروتى لمستة وهو على سرعة 70 كم فكل حاجة نصيب وقدر وهو مالوش اى زنب
فانا قولت الحمد لله ان ربنا عداها على خير وفعلا بعد كدة كانت اعلى سرعة ليا فى النفق 100 كيلو دة ببقى طاير والاغلب باكون ماشى على 80/90 يعنى ماكنش لية لازمة كلامكوا دة كلة والحوارات اللى انتوا عملتوها دية
وانتوا بسم الله ماشاء الله كلكوا رجالة متهيالى مش انا هاقول لحد انا عملت كدة هايروح عامل زى على طول فكروا بعقلكوا الاول عشان ماشيلش ذنبكوا

**SAMEH_FOUAD** · 16-02-2010 02:21 PM

المشاركة الأصلية كتبت بواسطة مراقب المنتدى

[caution]
إدارة المنتدى لا ترحب بالمواضيع الحاثة على السرعة بشكل عام
إيمانا منا بأن المنتدى هو في خدمة الصالح العام و ليس العكس
ويجب الإيضاح أن أخطر الحوادث هي حوادث الأنفاق المغلقة ..
لذلك فإن التسارع فيها فعل خطير وجب التحذير منه.

لعدم كون الموضوع مخالف للقواعد
نكتفي بهذا التنبيه
وفي حالة ورود تقارير مشاركة كافية
سيتم مناقشة غلق الموضوع مع السيد مشرف القسم العام

م.ع.4
[/caution]

اولا اهلا بحضرتك
انا بس هقول لحضرتك حاجة
انا ولا قولت لحد يجرى ولا لحد جرب بالعكس انا قولت انى اللى عملتة دة غلط
وحضرتك كنت المفروض ترد على الاسلوب اللى اتكلم بية الاخوة الاعضاء وكانت طريقة غير لائقة وكنت المفروض تديهم تحذير بدة

وبالنسبة للموضوعى حضرتك هتلاقى مواضيع تانية كتير بتتكلم عن نفس موضوعى بالظبط واكتر كمان بالعكس دية فيها خطورة على البشر سواء راكبين او ماشيين لية حضرتك مابعتلهمش نفس التنبية على الاقل محدش كان فكر يعمل مواضيع عن السرعة اصلا ومتهيالى حضرتك عارفها كويس مش محتاج انى اوضحها
فياريت حضرتك لو عايز تقفل الموضوع دة يبقى كمان اى مواضيع تانية بتحث على موضوع السرعة يبقى كمان يتعامل نفس معاملة موضوعى ويتقفل ويتشالوا خالص من المنتدى
شكرا لحضرتك جدا

-

الموضوع: اقصى سرعة جيبتها فى نفق الازهر

LinkBack

أدوات الموضوع

عرض

-

-

-

-

-

-

المواضيع المتشابهه

اقصى سرعة

اقصى سرعة

ا هي اقصى سرعه جيبتها بالنيسان

اقصى سرعة

إيه أقصي سرعة جيبتها؟؟

الكلمات الدلالية لهذا الموضوع

المفضلات

المفضلات

ضوابط المشاركة