الموضوع: اقصى سرعة جيبتها فى نفق الازهر

المشاركة الأصلية كتبت بواسطة semsem kane

انتوا حسستونى انى جريت الساعة 2 الظهر
اية ياجماعة فية اية بالراحة على نفسكوا شوية مش كدة انتوا راكبين عربيات وكل واحد فيكوا شبع منها جرى سواء بقى فى شارع زحمة ولا فى شارع فاضى ومنكم عمل كدة كنوع من الاستعراض او كان مستعجل فعلا
وبالنسبة للمهندس غازى حمد لله على سلامتك ياباشا وطبعا السواقة مالهاش كبير وانا قولت فى كلامى محدش يعمل كدة عشان غلط وانى فعلا غلطان
بس انا والله والعظيم كل يوم بشوف سيارات اشكال وانواع بتشد جامد فى النفق دة اخرهم كانت سيارة اوكتافيا a5,وسيارة اوبل فيكترا الجديدة بيشدوا مع بعض جواة ومرة كانت النترا وسوبارو امبيريزا كل ماتتخيلة من سيارات بتشد جواة فحبيت بس اعرف اية معدل السرعة الى الناس بتمشى علية لانى بجد بشوف ناس كتير قوى بتجرى علية
وعلى فكرة انا صاحبى اتقلب فية بتويوتا استارليت وتقريبا طلع لسقف النفق ونزل تانى وكان كلة بسبب سوزوكى ماروتى لمستة وهو على سرعة 70 كم فكل حاجة نصيب وقدر وهو مالوش اى زنب
فانا قولت الحمد لله ان ربنا عداها على خير وفعلا بعد كدة كانت اعلى سرعة ليا فى النفق 100 كيلو دة ببقى طاير والاغلب باكون ماشى على 80/90 يعنى ماكنش لية لازمة كلامكوا دة كلة والحوارات اللى انتوا عملتوها دية
وانتوا بسم الله ماشاء الله كلكوا رجالة متهيالى مش انا هاقول لحد انا عملت كدة هايروح عامل زى على طول فكروا بعقلكوا الاول عشان ماشيلش ذنبكوا

بص يا سمسم
لازم تكون فطن فى حاجه معينه
ممكن يكون كلامك كله صح و سليم
وأنك بجد لا تقصد أى شىء من التحريض على السرعه و كده
ولكن أنت ضامن أن واحد بس
فرد واحد فقط من الى شافوا الموضوع
أنه ينزل يجرب هيجيب كام
أو يحاول فى دماغه يكسر رقم شافه فى مشاركه فى الموضوع
هو غلطان أنه حاول يجرب أو يجرى أو أو أو
بس هل ساعتها هتلاقى فى نفسك حجه أن موضوعك كان السبب
يا سمسم الى أقصد أقوله فى كلام يتقال فى العلن و السر سواء
وكلام ميتقلش كده قدام كل الناس لأن فى ناس بتتحمس ودا مش غلطك لكن معلش نخدهم على قد عقلهم
أخيرا
أذا كنت تعترف ان السرعه فى النفق دا غلط
وأنت جهرت بيها
دا غلط لأن ربنا نهى عن الجهر بالسوء
وأنا بنادى بأغلاق جميع المواضيع المماثله مش دا بس
عايز أأكد على أحترامى ليك يا سمسم انا بناقشك بس