الموضوع: حل العفشه بعد تجربه

المشاركة الأصلية كتبت بواسطة mnmmnmmnmmnm

العفشة وزنها تقيل و لا العربية أتقل من تحمل العفشة؟

أنا عايز نصيحتك و نصائح الأخوة الآخرين فى تقييم صحة الملخص اللى عملته دوة و لو فيه أضافة يبقى كويس بحيث نجمع الخلاصة و نثبتها على قسم اللادا و يبقى دا المفيد فى اللاد 2107 إن شاء الله.

أنا بقالى كام يوم بقرأ فى المنتدى هنا و ممكن يكون الملخص من الآخر لو عايز تعيش مرتاح مع اللادا و تحس انها يابانى بأقل تكلفة:

أولا: تغيير عفشة اللادا بالكامل: رابط الموضوع الأصلى
1- مساعدين تويوتا (نوعه إيه؟ أو البدائل لو أغلى و أفضل؟)
2- سوست خلفى (بيجو 504 للخفيف أو فيات 132 جديد ايطالى اصلى و بلاش العلايات و البدائل لو أغلى و أفضل؟) رابط الموضوع الأصلى
3- سوست أمامى (معرفش ماعدتش عليا , هل هيا هيا مثل الخلفى؟أم ماذا؟)
4- مقصات تقيلة استيراد (نوعها إيه؟ و البدائل لو أغلى و أفضل؟)
5- جلب مقصات روسى فى العلبة (اسم العلبة إيه؟ أو البدائل لو أغلى و أفضل؟)
6- بيض بلغارى ( 170 جنيه و يتغير كل قد إيه؟)
7- فحص و تربيط و غسيل مرة كل شهر أو 1000 كم
8- تغيير الزيت فى الموعد المحدد حسب نوع الزيت المستخدم.
9- الإعتماد على نوع زيت تخليقى لأنه يقلل الترسبات على الماكينة و يسهل عملها. رابط الموضوع الأصلى
10- استخدم فلتر زيت أصلى من محل قطع غيار أصلى عشان الزيت يفضل سليم لأن الفلاتر معظمها مغشوش.

ثانيا: تغير طقم دورة التبريد: رابط الموضوع الأصلى
1- تغيير الريداتير الألومنيوم بآخر نحاس 3 ماسورة (صح كدة ولا إيه؟)
2- تغيير طمبورة المروحة بواحدة قطرها صغير
3- تغيير مروحة الردياتير باخرى 8 ريشة عريضة (تويوتا و احرص ان الميكانيكى ما يركبهاش بالمقلوب)
4- تركيب مروحة اضافية كهرباء أمام الريدياتير بترموستات على الريدياتير الترموستات درجة 82/68 بحيث تخلى المروحة تشتغل عند درجة حرارة 80 و وداعا للحرارة.
5- الكهرباء اللى بتوصل للمروحه لازم يتعمل لها تعديل بسيط فى علبه الفيوزات ان الكهربائى يمديلك سلك من عند فيوز المروحه (يعمل كوبرى ) و فى اخر السلك يحط فيوز عضم 25 امبير.
6- أهم حاجة مية خضراء (موبيل) تملاء بيها الريداتير بالكامل و لا يتم استخدام أى ماء آخر أبدا عشان ما يحصلش صدأ يقلل عمر الموتور.
7- لتنضيف دروه مياه التبريد فى حالة الصدأ , استخدم (كربوناتو-2 زجاجه خل عادى) (تستخدم فى العربيات النيفا فى الجيش لإزالة كل الصدأ)
8- التأكد من أن الشكمان غير مسدود.

ثالثا: تعامل مع محلات قطع الغيار الأصلى: رابط الموضوع الأصلى
1- حمدى لادا فى التوفيقية وفى شارع دمشق
2- سيد نصار فى التوفيقية
3- احمد محرم فى عين شمس
4- المركز الروسى فى التوفيقية
5- اوتو لادا فى التوفيقية
6 - ربيع لادا فى جسر السويس

رابعا: اعتمد على مراكز خدمة و ميكانيكية ذوى خبرة:
1- الموضوع ده سر فى المنتدى و أول ما أبقى وزير الصناعة , ان شاء الله , حاعرف و أقولكم


هذا ما توصلت إليه حتى الآن و آخر حاجة ياريت لو تقول لنا على عنوان مركز لاصيانة أو الميكانيكى اللى الواحذ يروح له و ربنا يهديه و يخلصها بأمانة و نحاسبة و نمشى من غير صداع , ربنا يكرمك , اللهم آمين
أصل أنا بصراحة ناوى أشتري لادا 2107 على الشهر اللى جاى فناوى أظبط الحاجات دية مرة واحدة هيا مووش تعملها حوالى 3000 جنية كدة

و جزاكم الله خيرا كثيرا , بأمان الواحد كان ممكن يقعد سنين و سنين و يغير عربيات و عربيات و ما يعرفش ربع الحاجات اللى ربنا أكرمه بها فى هذا المنتدى و بأهله الكرام , الحمد لله

الله ينور عليك وعلى معلوماتك القيمه

شكراً لكل الردود الجميلة

أرجو من الإدارة الكريمة التثبيت

أرجو من الإدارة الكريمة التثبيت

جزاكم الله كل خير على المعلومات القيمة دي

المشاركة الأصلية كتبت بواسطة medooo333

أرجو من الإدارة الكريمة التثبيت

شكراً ياباشا

المشاركة الأصلية كتبت بواسطة emad24

جزاكم الله كل خير على المعلومات القيمة دي

شكراً على زوقك

[marq="3;right;3;scroll"]موصوع اكثر من رائع
ربنة يجعلة فى ميزان حسناتك[/marq]