الموضوع: مشكلة اعتقد انها كهرباء

اولا ربنا يعينك و تعرف توصل للعيب انا عارف انك اكيد مضايق زيينا كلنا لما يكون في حاجة و مش عارفين سببها بالنسبة للراجل بتاع السكانر هو في الدقي و اسمه محمد السيد و هو علي ناصية شارع جابر بن حيان يعني لو حضرتك جاي من المهنسين و متجه لجامعة القاهرة اكيد هتلاقي كوبري الدقي تطلعه و لما تنزل هتلاقي شوارع علي اليمين الشارع اللي بعد الشارع اللي علي ناصيته مكتبة سمير و علي جنب سمسمة بتاع التيك اواي لو تعرفه و هو معلق يفطه كاتب عليها كهربائي سيارات و مواعيدهم لغاية 9:30 باليل و بياخد 30جنيه و بالتوفيق

المشاركة الأصلية كتبت بواسطة ahmedhilmy

اولا ربنا يعينك و تعرف توصل للعيب انا عارف انك اكيد مضايق زيينا كلنا لما يكون في حاجة و مش عارفين سببها بالنسبة للراجل بتاع السكانر هو في الدقي و اسمه محمد السيد و هو علي ناصية شارع جابر بن حيان يعني لو حضرتك جاي من المهنسين و متجه لجامعة القاهرة اكيد هتلاقي كوبري الدقي تطلعه و لما تنزل هتلاقي شوارع علي اليمين الشارع اللي بعد الشارع اللي علي ناصيته مكتبة سمير و علي جنب سمسمة بتاع التيك اواي لو تعرفه و هو معلق يفطه كاتب عليها كهربائي سيارات و مواعيدهم لغاية 9:30 باليل و بياخد 30جنيه و بالتوفيق

شكرا ليك يا بشمهندس احمد هو انا طبعا عارف الدقى كويس بس انا هكون جاى من الجيزة وعارف سمير وعلى وإن شاء الله بفكر اروحله بعد الشغل بس دا بيدى تقرير وكدا ولا بيعمل ايه علشان انا اول مرة الصراحة اعمل سكانر

أنا عاوز اضيف حاجة افتكرتها دلوقتى
لما حصلت المشكلة بتاعت الكهرباء واول مخلصت جينا ندور العربية دارت بس سمعت صوت زى زنة كهرباء كدا وقولت عليها قبل كدا بس الواد الكهربائى عمل حاجة فى علبة الفيوزات اللى فى الكبوت مع العلم ان الزنة دى كانت بتبقى موجودة بعد مالعربية تبطل وبعد معمل مش عارف ايه فى العلبة الزنة راحت بقوله ايه الصوت دا جاى منين قالى فلتر البنزين

المشاركة الأصلية كتبت بواسطة popahly

شكرا ليك يا بشمهندس احمد هو انا طبعا عارف الدقى كويس بس انا هكون جاى من الجيزة وعارف سمير وعلى وإن شاء الله بفكر اروحله بعد الشغل بس دا بيدى تقرير وكدا ولا بيعمل ايه علشان انا اول مرة الصراحة اعمل سكانر

اه بيديلك تقرير لو طلبت و هو علي فكرة راجل جنتل جدا و بياخد و بيدي معاك و بيفهمك كل حاجة و علي فكرة هو يعرف المنتدي عندنا هنا و يعرف ناس كتيرة فيه بيروحوله و علي راسهم طبعا محمد بيه ممدوح

المشاركة الأصلية كتبت بواسطة ahmedhilmy

اه بيديلك تقرير لو طلبت و هو علي فكرة راجل جنتل جدا و بياخد و بيدي معاك و بيفهمك كل حاجة و علي فكرة هو يعرف المنتدي عندنا هنا و يعرف ناس كتيرة فيه بيروحوله و علي راسهم طبعا محمد بيه ممدوح

تسلم يا بشمهندس احمد وانا بفكر انزل استأذن من الشغل دلوقتى واروحله

الحمد لله رحت عملت سكان عند محمد السيد والصراحة راجل الله يباركله محترم جدا جدا.. وفعلا زى منتا قولت يا بشمهندس احمد راجل بيفهم وبيشرح وتمام
المهم بعد مشرحتله قصتى مع اللى حصل فى العربية كشف على العربية قالى اول حاجة كانت عاملة ايدل ومش عارف دى معناها ايه هو شرحلى بس انا لامؤخذه مكنتش فطرت وكنت مهيبر بس المهم طمنى على حساسات الشكمان والتى بى اس والرشاشات والكنترول وقالى ممكن يكون تأخير الدوارة الصبح دا سببه الرشاشات اما تبتبرد العربية بترطب شوية بنزين فممكن يكون دا السبب وعرض عليا اروحله فى يوم يغيرلى رشاشات من عنده ويجربها بس قالى متقلقش الموضوع بسيط ومفيش حاجة فى العربية لو كان فيه حاجة مكانتش دارت ولو فى حاجة تانى انا كنت قولتلك اركن العربية بس العربية مفيهاش حاجة وزى الفل بس ادانى احتمالات لتجريب كل حاجة فى العربية علشان علو السلانسيه دا وهو دا اللى خلا الكمبيوتر يعمل ايدل فى الاول فى سنه عاليا وقالى ان العربية بعد التدوير بترعش معاك شوية كدا وبتبقى تمام قولتله فعلا قالى يبقى ممكن الرشاشات بس الحمد لله اطمنت على الحاجات اللى كنت عاوز اطمنلها بس بقول استنى كدا بكرة وبعده واشوف الكلام على ايه لعل وعسى العربية تفوق وشكرا جدا يا بشمهندس احمد على مساعدتك والحمد لله قبل وبعد اى شئ

[gdwl]
الحمد لله رحت عملت سكان عند محمد السيد والصراحة راجل الله يباركله محترم جدا جدا.. وفعلا زى منتا قولت يا بشمهندس احمد راجل بيفهم وبيشرح وتمام
المهم بعد مشرحتله قصتى مع اللى حصل فى العربية كشف على العربية قالى اول حاجة كانت عاملة ايدل ومش عارف دى معناها ايه هو شرحلى بس انا لامؤخذه مكنتش فطرت وكنت مهيبر بس المهم طمنى على حساسات الشكمان والتى بى اس والرشاشات والكنترول وقالى ممكن يكون تأخير الدوارة الصبح دا سببه الرشاشات اما تبتبرد العربية بترطب شوية بنزين فممكن يكون دا السبب وعرض عليا اروحله فى يوم يغيرلى رشاشات من عنده ويجربها بس قالى متقلقش الموضوع بسيط ومفيش حاجة فى العربية لو كان فيه حاجة مكانتش دارت ولو فى حاجة تانى انا كنت قولتلك اركن العربية بس العربية مفيهاش حاجة وزى الفل بس ادانى احتمالات لتجريب كل حاجة فى العربية علشان علو السلانسيه دا وهو دا اللى خلا الكمبيوتر يعمل ايدل فى الاول فى سنه عاليا وقالى ان العربية بعد التدوير بترعش معاك شوية كدا وبتبقى تمام قولتله فعلا قالى يبقى ممكن الرشاشات بس الحمد لله اطمنت على الحاجات اللى كنت عاوز اطمنلها بس بقول استنى كدا بكرة وبعده واشوف الكلام على ايه لعل وعسى العربية تفوق وشكرا جدا يا بشمهندس احمد على مساعدتك والحمد لله قبل وبعد اى شئ

[/gdwl]
تخيل اني مبسوط اكتر منك انك الحمد لله اطمنت لاني الواحد بيبقي عارف شعور اي حد لما تكون في حاجة في العربية معكننة عليه لاني عامل زيك ببقي بلف حوالين نفسي فمفيش شكر بين الاخوات و دي اهم حاجة الواحد لقاها في المنتدي الرائع ده انه انه لقي اخوات ليه ميعرفهمش مبيتاخروش ثانية في الوقوف جنبه ربنا يديماها نعمة المحبة بينناو ان شاء الله المشكلة تتحل كليا و تبقى العربية زي الفل تاني