أنا آسف يا سيدي الفاضل لو كان كلامي ضايقك. قصدي بلوحة زيتية مش الصورة و انما التفاصيل لما تقرب منها هتلاقيها ممسوحة و منغمشة. و مثلا في صورة العربية اللي مصور فيها الطريق من العربية, الظلال (زي التابلوه) و المناطق الفاتحة (زي الحيطة اللي في الوش) تفاصيلها متشالة تماما. اللي مضايقني كمان ان مفروض دي ظروف مثالية و الشمس منورة المشهد كويس. بس انت فعلا عندك حق لأن في معظم الحالات هتصغر الصورة و مش هتظهر أوي العيوب.
اللي أنا عايز أوصله ان ماشي دي كاميرا موبايل و مستحيل جودتها تقرب من كاميرا ديجيتال طالما العدسة بلاستيك و السينسور قطره نص سنتيمتر. و لكنها كمان زادت مع الساتيو بسبب زيادة عدد الميجابكسل. لو حضرتك صورت المشاهد دي بنوكيا n82 أصورته كانت هتبقى أحسن من كده بكتير لأن عدد الميجابكسل بتاعه (45 ميجا) أقل...
أيوه. كل ما زاد عدد الميجابكسل كل ما الصورة جودتها اوحشت و نغمشتها و احتمالات انها تطلع مهزوزة زادت. و مصنعين الكاميرات عارفين كده و لكنهم مضطرين يزودوا عدد الميجابكسل أكتر و أكتر كل سنة لأن لو نزلوا دلوقتي حاجة 5 أو 6 ميجابكسل وسط الكاميرات ال12 و 14 ميجابكسل محدش هيشتري ال6 ميجابكسل حتى لو المصنع قال ان صورتها أحسن.
و عشان برضه تصدقني. أحسن كاميرا كومباكت نزلت في العالم لحد دلوقتي من حيث جودة الصور هي كاميرا نازلة في 2006 موديلها Fujifilm F31d و كانت ب300 دولار لما نزلت (يعني مكنتش غالية). و مكنش فيها أي حاجة مميزة غير انها 6 ميجابكسل و السينسور بتاعها اللي بيستقبل الضوء كان كبير شوية. دلوقتي عشان تعرف تجيبها مستعملة من أمريكا ممكن تصرف ضعف تمنها لما كانت جديدة و محدش عايز يفرط فيها كمان. و ده نفس سبب ان الN82 احسن كاميرا موبايل نزلت لحد دلوقتي.
المفضلات