سونى اريكسون ولا اى فون

**ehabbasha30** · 16-02-2010 01:47 PM

السلام عليكم
كنت عاوز اعرف معلومات عن السونى اريكسون ساتيو
هل حد عندة الجهاز دة اوجربة او يعرف عيوبة او مميزاتة
انا دورت كتير عالنت وفى اراء مختلفةياريت اللى يقول حاجة تكون عن معرفة سابقة او تجربة - بلاش اراء ارتجالية
وهل هو احسن ولا الآى فون
الف شكر مسبقا

**Abo_Lina** · 16-02-2010 02:59 PM

معايا ال satio من شهرين تقريبا ..
عيبه الوحيد بالنسبالي إن حجمه كبير ..كان معايا قبله السوني 905 و النوكيا e66 و فرق الطول و العرض و الوزن كبير ..

لو عاوز تسأل عن حاجة معينة في الجهاز إتفضل

**ehabbasha30** · 16-02-2010 03:52 PM

ربنا يخليك يا باشا
سمعت ان الكاميرا بتاعتة كفائتها مش 12 ميجا بيكسيل
كمان على اليوتيوب فى شوية كومينتات او تعليقات خوفتنى
عن ان مشاكلة كتير والشاشة مش حساسة لدرجة كبيرة زى الاى فون
وبيقولوا كمان ان واحد كان بيجرب الموسيقى وفجاة هنج منة اضطر يعمللة ريستارت

المهم انا رايك يهمنى جدا فية
اولا انت جبتة من امتى وكمان شغلك علية كتير ولا قليل
ثانيا عمل معاك اى مشكلة او هن منك
ثالثا والاهم هل ندمت انك جبتة ولو ندمت كنت تتمنى تجيب اية لانى محتار بين تلاتة احلى من بعض فى اشكل ومش عارف استقر على واحد فيهم

ال جى ارينا كى ام 900
والاى فون 8جيجا
والساتيو

الاى فون اقلهم امكانيات بس لو صيت جامد والكل بينصح بية
بس انا عاجبنى الاتنين التانيين اكتر وخصوصا السونى عشان الكاميرا 12 دة مهم بالنسبة ليا

**Abo_Lina** · 16-02-2010 04:35 PM

هو الكاميرا 12MP و ده اللي مكتوب على الجهاز لكن بإمكانك تغير ال picture size من ال settings ل 2 , 5 , 9 , 10 , 12 ميجا ..هو بيجي و هو جديد ال settings على 9mp .. يمكن ده اللي مقصود ..
شاشته ممتازة و التاتش سكرين جميل و هاحاول أعملها فيديو عشان تتأكد ..
عمره ما هنج معايا و سلس جدا..
أنا جبته بالظبط يوم 26 ديسمبر اللي فات..من موبايل شوب..أول ما جبته كان شغلي عليه كتير تقريبا ماكانش بيفارق إيدي و ده كان بيتسبب إن البطارية بتخلص في يوم ..حاليا البطارية ممكن توصل يومين و تلاتة ..
أنا كنت عارف طبعا إنه أول ما نزل كان فيه مشاكل في ال firmware و لكن هو كان عاجبني و كنت مقرر عليه و كان أمامي إختيارين هو و الأمنيا HD و لكن ماعجبنيش شكل الأمنيا شبه كل موبايلات السامسونج و لو حطيته جنب ال jet أو ال star مش هاتعرف تفرق بينهم و لكن الساتيو شكله مميز جدا..

ربنا يوفقك و تشتري الجهاز المناسب ليك ..و الأجهزة اللي في اختياراتك كلها مميزات و في الفئة السعرية دي من الصعب تلاقي موبايل غير مرضي ..

**ehabbasha30** · 16-02-2010 04:54 PM

الف شكر على ردك
انا اصلى طول عمرى بستخدم النوكيا
لكن بصراحة عاوز اغير خصوصا انة بقى صينى
عشان كدة محتار لانى مجربتش اى نوع
مستنى الفيديو بتاعك

**Abo_Lina** · 16-02-2010 05:17 PM

على فكرة الساتيو صيني برضه

**mohamed777** · 16-02-2010 05:27 PM

هل بة خاصية gps
وما مدى جودتها مقارنتاً بالنوكيا؟

**Abo_Lina** · 17-02-2010 02:50 AM

ده فيديو للشاشة التاتش للساتيو

YouTube - sony ericsson SATIO touch screen

و ده لل GPS للساتيو

[YouTube - sony ericsson SATIO GPS

لو فيه أي أسئلة إتفضل