الموضوع: فيلم هندى تانى !

حمد الله على السلامة يا مينا

والله بعوده يا مينا
فينك يا راجل ده الناس كلها كانت بتسأل عليك فى المنتدى :)

أما بالنسبة للموضوع ده
بصوا حالة الإحتقان موجودة و مشاكل كتيرة بتحصل كل يوم و أخرها موضوع قرية إسنا ده .... المشكلة فى الناس اللى بتجرى ورا أى كلام و هى مش فاهمه هى بتعمل إيه و لا نتائج اللى بتعمله ده إيه ... بمعنى أصح تحريض البعض اللى هما مش فاهمين ولا واعيين على الأخرين

و برضه ممكن غلطات صغيرة من ناس فاهمة و مثقفة بتتجمع و تعمل مشكلة كبيرة ... زى رأى واحد صحفى أو مذيع ... ممكن يقول حاجة و غيرة يقول حاجة تبقى مشكلة ساعتها ... لأن الناس مش هتقبل كلام أى حد قبل ما حالة الإحتقان دى تروح

المهم الحل هو إن إحنا نخلق حالة تسامح بين الناس و نفوت لبعض و كمان نربى الأولاد من صغرهم فى المدرسة على تقبل الأخر و ده يكون شىء أساسى مش حاجة كده تتعمل فى المدارس المحترمة و خلاص ... الجيل اللى طالع دلوقتى زى الزفت :(... أنا فاكر و أنا فى ثانيه ثانوى فى المدرسة .. كنت فى الحمام و لقيت عيال فى رابعة إبتدائى و لا حاجة ... تقريباً كان فى خناقة مع ولد مسيحى ... المهم لقيت الواد اللى بيهدى الحكاية بيقول يا عم سيبك منه ده مسيحى إبن !!!! ناهيك طبعاً عن الألفاظ اللى بيستخدموها فى الحوار ... فالواضح إن الجيل ده معندهوش حالة التسامح دى و إتعود يبص على ديانة اللى قدامه قبل ما يتعامل معاه و بيتتلككوا لبعض..... و للأسف الآباء ليهم دور فى الحكاية دى >> متتعاملش مع ده و خلى بالك ده وحش .. قوللى إنت مصاحب مين فى المدرسة ... وكده


طبعاً المشكلة كبيرة و مش هتحلها جلسات الصلح اللى بنغطى بيها جروح من غير ما نطهرها فتتفتح تانى و تالت و رابع .......

كمان فى حاجة ..... لازم يكون فى قوانين زى القوانين اللى فى أمريكا بين البيض و السود ... يعنى لو أى حد مهما كان حتى وزير أو رئيس لو قال أى حاجة تسىء للأخر .. يكون فى عقاب و قانون يتطبق .. حتى لو حصل صلح ... عشان كده تلاقى السود فى أمريكا وصلوا لحالة مساواة تقريباً كاملة مع البيض رغم الزمن الأسود اللى كانوا عايشينه.

معلش كلامى متلخبط و مش مرتب .. بس عشان مستعجل .. إعذرونى :o

و شكراً أستاذ أبو على لأنك فتحت موضوع مهم جداً

بس كل اللى أتمناه إن يكون الحوار بصوت هادىء و بموضوعية و بلاش حد مننا يشيل من حد .... نتكلم مع بعض يمكن نلاقى حل ... :)

و يا ريت كل الأعضاء يشاركوا بلاش اللى يعدى على الموضوع يقراه و ميرضاش يتكلم عشان محدش يضايق.... لأ كله يقول رأيه و محدش هيزعل من حد إن شاء الله.

مناقشة الموضوع من وجهة النظر دى لن تسمن ولن تغنى من جوع..

الاحترام والصدق وحسن التعامل ومراعاة الآخرين هى الفيصل فى التعامل فى المنتدى وفى المجتمع كله ، لن تجد شخصا محترما يعامله الآخرون بسوء مهما كانت ديانته ، ولن تجد شخصا منافقا أو سئ الخلق ويتعامل معه الناس بحب مهما كانت أيضا ديانته.

الله ينور على حضرتك با دكتور احمد
أحنا يا ساده بنعانى من أزمه ضميرررررررررررررررررررررر رررررررر
يعنى لو كل واحد مننا كبشر بيراعى ضميره والله لكان حلنا فرق كتيير .
ولله الأمر من قبل ومن بعد