الموضوع: عاوز اغير كاسيت الياريس

مبروك انك هتغير الكاسيت اولا
الخطوات الى هتعملها
1- ابعد عن التوكيييييييييييييييل واياك والتوكيل فى الكاسيت غالى جدا جدا وممكن تجيب حاجه سوبر بنفس تمن التوكيل
2- هات اى حاجه بايونير دابل دن او سنجل دن اى يعجبك بس تجيب اهم حاجه المكمل بتاع الجنبين لان اى كاسيت دابل دن هتجيبه هيكون اصغر فى الجنبين من الكاسيت الاصلى فبتجيب فبرتين كدا بيتركبوا فى الجنبين بتوع الكاسيت
3-هتلاقى الجنبين دول عند كلاريون الى فى المهندسين
4- اى كاسيت هتجيبه هتلاقي ليه تحويله للكابل بتاعه علشان يتوافق مع كابل العربيه بدون ما تقطع فى الضفيره الاصليه وتخرج الساوند بره الضمان

وياريت تقول عايز تدفع كام فى الكاسيت الجديد علشان اقولك على نوع حلو
مع تحياتى ......,

هو لو نوع نضيف يكون بكام؟ مش لازم dvd انا المهم عندي كاسيت و سي دي و راديو بس ..
و معلش هو يعني ايه دبل دن او سنجل دن؟

زى ما قال الاخ hero عن تعريف السنجل والدابل دن
الدابل يعنى كاسيت اد مساحه كاسيت الاصلى بتاع العربيه كدا
والسنجل كاسيت بيبقى زى المسطره العادى الموجود فى البومه مثلا

وعاما انتا تخلى الكاسيت الاصلى عندك ماتبيعهوش مش هيجيبلك فلوس
ولما تقرر عايز تجيب سنجل او دابل تشوف معاك كام فلوس
وتنزل اى محل زى ادريان مثلا وتشوف اى حاجه بايونيييييييير
وماتبعدش عن البايونير اى حاجه تانيه مش هتبقى احلى من البايونير مش مشكله صناعته ايه المهم يكون pioneer
وكل ما تزود فى الفلوس كل مايكون احسن
يعنى لو لقيت حاجه ب 800 وحاجه ب 850 يبقى ابو 850 انضف طبعا وانتا وفلوسك بقى :)
اى استفسارات

والله انا خايف من اللعب في كهرباء العربية عشان كده عايز اشتري نوع نضيف من بره و اخلي التوكيل هو اللي يركبه عشان يبقى الشغل مضمون

ياعم كهربا ايه بس روح ادريان الى فى مدينه نصر على اول الاوتوستراد ادام مكرم عبيد
وقوله عايز ضفيره الياريس بتاعت الكاسيت هتلاقيها ب 50 جنيه
والى هتعمله بعد ما تجيب الكاسيت البايونير الى انتا عايزه هتقوم موصل الضفيره بكلبس كدا فى الضفيره الاصليه والناحيه التانيه من الضفيره هتوصلها بالكاسيت بدون تقطيع او شيكرتون او اى حاجه وانسى يامعلم ومش تقلق على الضمان بقى :d
بس الحقها بقى علشان انا كنت جايبها ماكنش عنده الا تلاته باين
وهات الكاسيت من هنا هوا زى بره بالظبط مش هيفرق حاجه وخلى بالك البايونير الوحيد الى مش تجميع فى مصر الباقى كله متجمع فى مصر :d

ااااااااااااااه وتوكيل يركب كاسيت حرام عليك دا انتا ممكن تركبه بنفسك شوف على اليو تيوب طريقه فك الطابلوه بتاع الياريس سهل كبده
انا يوم ما جبت العربيه كنت فاكك وش الطبلوه كله علشان اغير الكاسيت
ياعم ماتقعدش توسوس فى نفسك كدا ههههههههههه انتا فى مصر عمرك ما هتعرف تحافظ على عربيه ابدا انا كنت زيك لحد ما ربنا رزقنى بكام خبطه زى العسل ههههههههههه سيبها لله