الموضوع: أخيرا و الحمد لله

أولا أنا شاكر جدا لك يا باشا......و ان شاء الله هاستخير باذن الله تعالى .... و الله سبحانه و تعالى من وراء القصد

ياترى هتحجز ال gi ولا هتستنى ال gli

ربنا ييسر لك الخير

المشاركة الأصلية كتبت بواسطة abdullah_yousof

ياترى هتحجز ال gi ولا هتستنى ال gli

ربنا ييسر لك الخير

بمشيئة الله ال gi لأني غالبا مش هاقدر أستنى لغاية نزول ال gli

المشاركة الأصلية كتبت بواسطة sv065

السلام عليكم
أولا ألف مبروك علي القرار ده
وأحب ألفت نظر حضرتك إن معظم آراء ملاك السيارة حاليا حيكون مقصور علي الإنتاج المستورد منها وإن كان غير متوفر حاليا عالزيرو بينما الإنتاج المتوفر حاليا هو الإنتاج المحلي فقط وده لسه ماعتقدش حد لحق يجربه علشان يقول رأيه فيه ولكن أعتقد إن البداية مبشرة فالسيارة الإنتاج المحلي واضح عليها عدم الإختلاف عن المستورد ولم نسمع عن شكاوي من البداية حتي الآن

ثانيا بخصوص النقاط التي تستفسر عنها أحب أهنئك علي حكمتك في هذه الخطوة وده المفروض كل من يريد شراء سيارة يتبع نفس الخطوات.....
بالنسبة لتوافر قطع الغيار فلن أكذب عليك وأقولك مغرقة الأسواق ولكن حسب نوع قطعة الغيار دي يعني مثلا الفوانيس والبودي بصفة عامة متوفر وإن كان عدد المحلات التي تعمل في الصيني مازلت لم تنتشر بعد ولكن لا تقلق فبعد إفتتاح مصنع byd بمصر تقدر تريح بالك من موضوع قطع الغيار ومحلات الياباني والكوري بدأت تدخل الصيني معاها ...والموتور حجاته متوفرة بمحلات الياباني لأنه نفس نظام المتسوبيشي إن شاء الله

وبالنسبة لإستهلاك البنزين إطمئن جدا جدا فأنا سيارتي أتوماتيك وبأمانة تستهلك بنزين أقل من سيارتي السابقة... لانسر 1300 مانيوال موديل 2008

وبالنسبة للتوكيل كمركز صيانة مانقدرش نقول سيء بصفة عامة وإلا نظلم بعض الناس ولكنه ليس جيد بصفة عامة خاصة فيما يخص فرع العباسية تحديدا لكثرة الشكوي من العملاء به من أشياء كثيرة سواء المعاملة أوالخبرة في الأداء وده أنا متأكد إن سببه الرئيسي هو التكدس الشديد وكون الفرع أصلا لسيارات الادا والتي طبعا مغرقة البلد خصوصا التاكسي فبالتالي مفيش مجال للbyd ونقدر نقول بالنسبة لفرع الإسكندرية فيه ناس محترمين وعندهم وعي وإمكانيات تسمح بالخدمة الجيدة للسيارة ولكن البعض يستبعد المشوار إذا كان بالقاهرة ونحن في إنتظار فرع القطامية المنتظر إفتتاحه قريبا جدا وسيكون متخصص لسيارات byd كما صرح المسؤلين بالشركة ... وإن شاء الله ماتحتاجش للتوكيل أكثر من عمل الصيانة الدورية وخلاص..

أما بالنسبة للإعتمادية فإسمح لي أخبرك أن لولا إعتمادية السيارة لما كان وجود لها منذ بداية نزولها لأن أداءها عالي حتي في ظل الإستخدام السيء وده مش بيتحقق غير مع الإعتمادية العالية وده اللي خلاني أنزل من لانسر مو 2008 إلي byd مو2009 مع فارق السعر كمان مع العلم بأني غالبا ودائما قارص علي عربيتي وبأحطها في ظروف قاسية ولو هي مش قدها حتضرب من بدري

وفي النهاية أهم شيء حضرتك إعمل إستخارة لأنه ما ندم من إستخار

وربنا يوفقك إن شاء الله

الذى يريد ان يتعلم المنطق ياباشا يقرا كلامك سلاسل من الذهب المصفى ولا كلمة زيادة ولا كلمة ناقصة منتهى الدقة فى الوصف ومنتهى الامانة فى النصيحة لانى من ملاك السيارة الاوتوماتيك والبركة فى سيادتك لانك شجعتنى بعد انى قرات كل كلمة كتبت عن السيارة لمدة ثلاثة شهور على النت ولم اتخذ قرار الابفضلك والان اشكرك جدا