الموضوع: انا عضو جديد ....... و ارحب بيكم

المشاركة الأصلية كتبت بواسطة sameh11

انا عضو جديد هنا و احب ارحب بيكم و اعجبكم بالموقع جدااااااااااا و خصوصا موضوع byd الحقيقى لقيت معلومات كتير قيمة هنا و كل هذا بفضل اللة و فضلكم جزاكم اللة خيراااااااا


ان معايا هيواندى فيرنا و مستغرب جدا من شكوتكم من الموكيل الامل دة غبور اسواء توكيل مكنتش مصدق ان فية توكيل اسواء منة بس حليت المشكلة دة انى بدات اروح للميكانيكى الخاص بية و اتحلت مشكالى بس انا ناوى ابيع العربية و اشترى byd لاسباب كتير انى محتاج فلوس و بفكر اشترى العربية تقيسط ثانيا ان العربية ضيقة و انا عوز عربية واسعة ثالثا انا شفت العربية اتوهمت بيها و بشكلها و جمال التصميم و غير كدة بتقولة موفرة بالبنزين الفرينا بتاخد بنزين على فكرة

المهم عوز اتشرف الاول بمعرفكتم

ثانيا ممكن اعرف اسعار قطع الغيار زى تيل الفرامل و الفلتر و الفوانيس

ثالثا حد يعرف مكن بيبع بالتقسط


اسف انى طوليت عليكم و شكرا على المعلومات الموفرة

السلام عليكم ورحمة الله

أهلا وسهلا بحضرتك معنا ونتشرف جدا بيك
والفضل لله سبحانه وتعالي وحده لوجود مجموعة رائعة من الأعضاء بيفيدو الجميع بمعلوماتهم وخبراتهم القيمة.

بالنسبة للتوكيل والشكاوي الواردة منه العنصر الرئيسي فيها عدم إختيار الوكيل لممثلي الشركة خاصة في مجال المبيعات لأن ده أول شخص بيقابل العميل وهو اللي بيعطي الإنطباع الأول الذي يدوم دائما وبيظلم معه أي عناصر جيدة في الطريق

فالواضح إن الموضوع مادي لحد كبير بمعن ي إن الوكيل بيوفر إنه يجيب ناس بمؤهلات أو بخبرات مناسبة لأجل توفير المرتبات ومن الواضح أيضا موضوع الدعاية شبه المنعدمة إذا ما قارنته بغبور مثلا

ونحن نشعر بالأسف فعلا لأن غالبية التوكيلات في مصر أصبحت رديئة الجودة من ناحية إرضاء العميل علي عكس المفروض يحدث لما تكثر التوكيلات تشتعل المنافسة في كسب أكبر قدر من رضاء العملاء لكن الواضح إنهم إتعدوا من بعضهم في تجاهل مصالح العملاء ورضاهم ونسوا إن العملاء دول هما سبب وجودهم وإستمرارهم في العمل حتي اليوم.

بالنسبة للقسط إسمح لي أقول لك بمنتهي الأمانة بلاش أحسن من واقع تجارب كتيرة جدا ولناس كتير جدا وهذا رأي شخصي تماما والحرية طبعا لحضرتك بس بأمانة ماعرفش حد جاب قسط إلا ولم يخلفه إلا خسارة.

ومن ناحية وسع السيارة فعلا إتساع السيارة واضح جدا بل يكاد يكون أكبر من الكورولا نفسها اللتي هي تعتبر بمثابة الأم للسيارة byd خصوصا في الشنطة

بالنسبة لقطع الغيار الحمد لله متوفرة وحاقولك بعض أسعار التوكيل :-
مثلا فلتر البنزين في حدود 55جنيه
قلتر الهواء تقريبا 70 جنيه
التيل أنواع من 60 جنيه إلي 240 جنيه (الياباني الأصلي للكورولا)
الفوانيس الصراحة لا أعلم ولكن محلات الصيني إنتشرت وممكن تسأل في التوفيقية ولن تكون غالية لا تقلق

وطبقا لمبدأي في معاداة القسط فلا أعلم حد ممكن يبيع بالقسط وأنا أدعو لك أن يوسع الله عليك وتشتري كاش أفض لسيارة تتمناها ويجنبك القسط وويلات القسط.

وأهلا ومرحبا بك مرة أخري ودائما وتحت أمرك في أي إستفسار