أولا ألف مبروك يا باشا وربنا يديك خيرها ويكفيك شرها ان شاء الله
انا حجاوبك في حدود اني استلمت ex
- بالنسبة للاستبن بيكون جنط بردة ومن نفس المقاس
- بالنسبة للورق لازم يكون معاك شهادة بيانات ومخالصة من المرور التابع له المعرض بالاضافة الى جواب المرور اول لما تروح المرور حتشتري ورق الفحص ونماذج الترخيص وتفحص وتاخد البصمة وتفحص الطفاية او تشتري جديد وتعمل التامين الاجباري (التكلفة لسنة واحدة من غير تمن الطفاية حوالى 650 جنية)
- زي ما الناس نصحوني حنصحك - خد بالك من كل حاجة كانك بتشري مستعمل جرب كل حاجة وجرب الزراير كلها واتاكد ان الخمس فرد من نفس الماركة وراجع الاستبن واتاكد انه ملمسش الارض وراجع على الصاج بايدك وعينك ويفضل يكون معاك حد تاني يبص معاك
- معرفش اجاوبك على موضوع النيتروجين
- لازم اول 1000 كم تكون حنين على العربية ال ار بي ام من 2-4 بلاش حركات الشباب في الاول وكمان بلاش التكييف فقط جربه بس
- من شهادة الضمان (دة في حدود معلوماتي لان شهادة الضمان بتتمض وتتختم من التوكيل)
يا رب اكون افدتك والف مبروك
المفضلات