صوت زنه فى الطبلو

**mostafa727050** · 17-02-2010 05:13 PM

معايا لانسر 2005 1600 ظهر صوت زنه من الطبلوه فجأه و بدون اى اسباب و حجنن خلاص مش عارف الصوت ده من ايه حتى مش عارف احدده منين بالظبط , اروح التوكيل ولا اعمل ايه , ارجو الافاده

**Kareem Khattab** · 18-02-2010 08:37 AM

انا كمان ساعات بيطلع الصوت ده عندي ياريت اللي يعرف السبب يقولنا

**abdlhameed** · 18-02-2010 10:35 AM

ياسيدي انا كمان اعاني من نفس المشكلة ياريت الى يعرف الحل ينورنا لأن لم تنجح كل الطرق الي عملتها لكي اتخلص من الصوت المزعج ده ياريت بيرد علينا المهندس طارق لأن في اخوان كثير في المنتدى تكلموا بنفس المشكله

**ahms10** · 18-02-2010 04:51 PM

وانا كمان وجبت مفكات وليلة واربط كل مسمار ظاهر ادامى بس مفيش نتيجة بردوة صوت كانى فبر بيحك فى بعضة من التابلوة سعات من النصف وسعات من الشمال خالص كدة

**nobody** · 19-02-2010 03:34 PM

الصوت ده من البلاستكة الشفافة الخارجية بتاعت العدادات
حلها انك تفك الاطار الاسود الخارجي و تزنق البلاستكة الشفافة للعدادات بقطعة فلين او كاوتش

**ahmed322** · 20-02-2010 01:34 PM

انا كان عندى نفس المشكله واكتشفت حلها وقولت للناس اللى كانت معاها نفس المشكله فى المنتدى
لو الصوت بتحس انه حاجه بيزيق او حاجه شبه كده مع اى مطبات عاديه او صناعيه وتلاقى الصوت بيجى من عند التبلوه ويبقى انت جرب تفك التسجيل وجرب تمشى من غير التسجيل لان التسجيل ساعات مع الطرق بتاعتنا بيفك مساميره ولان التسجيل بيكون ساقط جوا شويه مع المطبات بيبق فيه فراغ بيعمل صوت مع الخبط او مش لازم تفك التسجيل حاول تسند التسجيل بأيدك جامد وتجرب تمشى وتشوف هتلاقى الصوت اختفى خالص ودا يعنى ان انت محتاج تربط التسجيل كويس او حتى لو مش هتربطه كفايه ان انت عرفت سبب الصوت ايه
ولو حد بيسمع صوت تانى يقولى وانا اقوله لو كان عندى معلومه مفيده فى مشكلته

**مصراوي جدا** · 20-02-2010 03:32 PM

انا سألت المهندس احمد عناني مدير الورشة في مركز الخدمة الرئيسي بس قال لي لازم نكشف على العربية لسماع الصوت وتحديد مصدره وعلاجه

**ahms10** · 22-02-2010 02:19 PM

يا عم انا فعلا كان عندى نفس المشكلة بتاعت القواعد بس دى صدف مش سبب الصوت انا روحت مركز الخدمة السريع بتاعت ميتشوبيشى الى فى الاوتوستوراد الى عند fgi عشان صوت التابلوة الزنة دى وقلى لازم تفك التبلوة كلة بس دا مش عندنا يا اما فى جسر السويس يا اما قليوب وبالصدفة كدة بيبص فى الكبوت الى قواعد الفتيس والموتور بايظة ومتقطعة غيرت ال 3 قواعد ب1000 جنية بس مفرقتش فى حاجة خالص من ناحية الصوت دا بس الى طمنى انى فعلا شوفت القواعد القديمة مهرية لاكن الصوت جاى من جوة العربية ومش من الكاسيت نفسى اعرف جاى من اة يا ريت لو حد وصل لحل يقلى انا مستعد ادفع اى حاجة عشان اودى الصوت المستفز دا انا معنديش مشكلة انى اروح قليوب عشان يتصلح بس المشكلة انى الصوت سعات مش بيطلع ومحدش هيبقة فضيلك يعنى هيطلع معاك يلف لفة لو مظهرش الصوت هيعمل اة وهيبقة معزور فا مش عارف اعمل اة بصراحة الصوت مدايقنى جدا بجد وكمان عندى الكرسى بيزيق ومش عارف اعمل معاة اة بردوة يا ريت البشمهندس طارق يتدخل ويقلنا نعمل اة؟؟؟

**أبو_حمزة** · 22-02-2010 02:45 PM

ممكن يكون من فتحات هواء التكييف
امشى مرة و حد يكون قاعد جنبك و لما الصوت يظهر يسند بايده فتحات التكييف و احدة واحدة لغاية ما تعرف اللى مسببة الزنة
سؤال
هل عندك شرخ فى الزجاج أو غيرت الزجاج عشان ده برضه ممكن يعمل زنة و تبان جاية الطابلوه
أما الكرسى اللى بيزيق فمحتاج سروجى يفكه و يشوفه و لو انت مركب فرش يبقى ممكن اللى فك الكرسى و ركب الفرش عمل حاجة غلط فى التركيب

الموضوع: صوت زنه فى الطبلو

LinkBack

أدوات الموضوع

عرض

-

-

-

-

الكلمات الدلالية لهذا الموضوع

المفضلات

المفضلات

ضوابط المشاركة