الموضوع: يا جماعة خلاص انا صدعت الحقني يا بشمهندس طارق

ازاي تشتري عربيه بالمنظر ده؟؟
اكيد حاجه زي كده لازم تقلق وكان لازم تشوفها في التوكيل
ربنا يستر ويطلع مفيهاش حاجه اصل النصب في موضوع موتور اللانسر بقى كتير عشان الموتورين شبه بعض

المشاركة الأصلية كتبت بواسطة m_waheed

سلام عليكم اولا

انا الحمد لله اشتريت لانسر موديل 2005 واللي انا اشتريتها منه قالي انها 1600

العربية كاملة سبورت اتوماتيك فيها وحدة cd و abs و ايرباج وفتحة سقف وصحابها قالي ان الرخصة اتكتب فيها غلط انها 1300 ولما روحت المرور لقيت الملف المؤقت برده موجود فيها انها 1300
لما فتحت الكبوت لقيت وحدة abs والموتور مكتوب عليه 1.5
ازاي اتأكد ان العربية فعلا 1600
السريال بتاع العربية بيبدا 3a
ارجوكم منتظر تفيدوني

ده كلام برده
ازاى ترضى بالكلام ده يحصل معاك
لما يقول لك إن الرحصة اتكتب فيها 1300 بدل 1600 ده ممكن
فى الحاله دى لازم انت تروح المرور وتشوف ملف السيارة للتأكد من هذه المعلومة بنفسك قبل ما تأخد قرار الشراء
ودلوقتى انت بتقول الموتور مكتوب عليه 1500 دى متجيش خالص لان البومة 1300 أو 1600 فقط
ولما تشترى سيارة لانسر لازم يكون عندك خبرة فى عملية الشراء عشان ميتنصبش عليك
او تستعين بصديق يكون عنده خبرة
لكن لو فيه عقد ابتدائى بينك وبين البائع وكاتب فيه إن السيارة 1600 ممكن تعمله محضر بالنصب والتزوير وده مش هينصفك 100/100 لان زى ما قلت لك إن إنت كنت لازن تشوف ايه الى فى الملف بنفسك

توجد لوحه الومنيوم صغيره متبرشمه فى صدر العربية لما تفتح الكبوت (قريبه من المساحات) (صدر العربيه الى بيفصل بين التابلوه و حجرة المحرك)............

اللوحه ده بتبقه مكتوب فيها شوية مواصفات عن العربيه زى رقم اللون و نوع الجيربوكس و موديل المحرك........إلخ

شوف على اللوحه ده ال Engine model لو لاقيته 4g18 يبقه الموتور 1600 و لو لاقيته 4g13 يبقه الموتور 1300

المشاركة الأصلية كتبت بواسطة مصراوي جدا

اذا كان على المرور فممكن جدا تكون فعلا مكتوبة غلط .. انا مرة اشتريت ماروتي مكتوب في الرخصة سوزوكي سويفت وقبل الشراء رحت مع صاحبها مرور المنصورة يعدلها

المهم : ان رقم شاسيه العربية بيحدد هي محرك كام الا اذا كان صاحبها مغير المحرك

في الغالب هي 1600 فعلا لأن السبورت كاملة معظمه 1600 مش 1300 سواء مصري ولا خليجي

لو رقم الشاسيه :

JMYSTCS3A5Uxxxxxx فهي بمحرك 1600

ولو رقم الشاسيه :
JMYSRCS1A5Uxxxxxx فهي بمحرك 1300

علما بأن xxxxxx ترمز الى رقم الشاسيه المذكور في الرخصة

جزاكم الله خيرا يا جماعة

انا فعلت لقيت رقم الشاسية
jmystcs3a5u
ولقيت فعلا جزء نيكل مكتوب ليه 4g18
وانا لما اشتريت العربية روحت بنزينة فيها مركز خدمة وقالوا ان العربية سليمة وم اتلعب فيها وان الموتور مش اتغير
بس لما شوفت موضوع الرخصة ده ولقيت ان الملف المؤقت الموجود في المرور بتاعي في انها 1300 ولسة بدور علي الملف الأصلي في المرور

كده انا اتاكدت انها ان شاء الله 1600 وربنا يسترا ومش يكون في مشكلة في المرور

اخر سؤال كده تبقي العربية خليجي ولا مصري

شكر خاص للمهندس طارق ربنا يجزية كل خير ويبارك فيه وفي صحته وأولاده

ادعولي ان مشكلة المرور برده تكون سهلة