السلام عليكم
أنا عاوز أشترى لوجان فول أوبشن
وكنت عاوز أعرف لو حد اشتراها تقسيط مباشر
يا ريت يقولنا على الشروط والاجرائات والاوراق المطلوبة
شكرا
رقم العضوية : 34309
تاريخ التسجيل : 01Mar2009
المشاركات : 75
النوع : ذكر
الاقامة : 6 October
السيارة: Later
السيارة[2]: Thinking
دراجة بخارية: no
الحالة :
رقم العضوية : 1316
تاريخ التسجيل : 04Jul2007
المشاركات : 815
النوع : ذكر
الاقامة : Qatar
السيارة: يارب لوجان
السيارة[2]: لوجان والحمدلله
الحالة :
شوف الموضوع ده ممكن يفيدك
http://www.nilemotors.net/Nile/120692-a.html
رقم العضوية : 798
تاريخ التسجيل : 27May2007
المشاركات : 1,591
النوع : ذكر
الاقامة : Qena
السيارة: Peugeot 505 station1982
السيارة[2]: Renault Logan MCV 2009
دراجة بخارية: لا يوجد
الحالة :
انا مقسط مباشر مع الشركة المصرية العالمية للسيارات
بص ياسيدي هما بيطلبوا اي مستندات تفيد بانك بتملك اي ممتلكات بأكتر من قيمة العربية ضمانا لحقهم
يعني لو معاك شقة ملكك ممكن ياخده صورة من عقد الملكية او لو معاك وديعة بنكية ممكن اخده مستند من البنك بيفيد في كدا
انا قدمت لهم مستندات امتلاك عقارات و كانت باسم الوالد و الموضوع مشي
بصراحة معنديش فكره لو قدمت لهم ما يفيد ان مرتبك بيغطي القسط بتاع العربية ممكن يمشوها ولا لازم ممتلكات خاصة
المهم انهم بياخدوا الورق منك و بيبعتوه للأدارة بتاعتهم و بيتعملك موافقة من حد كبير عندهم يعني بالظبط زي استعلام البنك
وبعد كدا بتختار العربية و بتجيب لهم دفتر شيكات بنكية بعدد الأقساط و تقريبا هماآخرهم 24 او 36 شهر انا مقسط علي 24 شهر و بصراحة وسطي اتقسم من القسط الكبير اللي انا بدفعه
وبتمضي لهم علي الشيكات بعدد الأقساط و بتمضي علي ايصال امانة بنص المبلغ الأجمالي و حد ضامن معاك يمضي علي ايصال تاني بنص المبلغ التاني
و الفايدة 12% سنويا و طبعا مركبة
يعني لو هتقسط علي سنتين يبقي تضرب المبلغ المتبقي في 24% زيادة و تقسم علي 24 يطلع لك قيمة القسط
و بس يا باشا
هو بصراحة حاجة صعبة بس احسن من التعامل مع البنوك و الدخول في شبهة الربا و الكلام دا
ياااااااااااااا رب
رقم العضوية : 47995
تاريخ التسجيل : 27Sep2009
المشاركات : 529
النوع : ذكر
الاقامة : Assuit
السيارة: Renault Logan سابقا
السيارة[2]: Opel Vectra _B
دراجة بخارية: FE TI XX
الحالة :
[gdwl]
كان الله في عونك يا استاذ/مصطفي ....
لية الفايدة دي كلها وعشان اية دة بنك ناصر 6.2% سنويا وكل اللي مطلوب تحويل مرتب...
سيبك بنكك باريبا BNP Paribas مبيطلبش اي حاجة وبياخد 9.5 سنويا وبقول علية
بنك ابوظبي كنت مستغلي الفايدة بتاعتة وكانت جملتها 7.8% سنويا
بنك باركليز وكانت 8.4% سنويا
لية الفايدة دي كلها ولية تمضي علي الشيكات دي كلها.مع ان في بدايل احسن.
حضرتك بعدت عن الربا مع بنك.فوقعت في نفس الشيئ مع شركة وكمان اضعاف واخدوا فلوسك.مجرد راي "لان اي ذياده علي اصل الدين هي ربا مهما اختلفت المسميات واي كان مقدم هذة الـــ..مش قادر اقول..ـــــخدمة ..سواء بنك او شخص او شركه
مجرد سؤال ؟؟؟؟؟!!!!!!!
وقد قرر الفقهاء أن أي زيادة مشروطة على مبلغ القرض تعتبر من الربا، فقد جاء في الحديث عن أبي سعيد الخدري رضي الله عنه أن الرسول صلى الله عليه وسلم قال: (الذهب بالذهب والفضة بالفضة، والبر بالبر، والشعير بالشعير، والتمر بالتمر، والملح بالملح، مثلاً بمثل، يداً بيد، فمن زاد أو استزاد فقد أربى، الآخذ والمعطي فيه سواء ) رواه البخاري ومسلم.
ومما يدل أيضاً على منع الزيادة المشروطة على القرض، ما روي في الحديث (أن النبي صلى الله عليه وسلم نهى عن قرض جر منفعة) رواه الحارث بن أبي أسامة في مسنده، وفي إسناده متروك كما قال الحافظ ابن حجر في التلخيص الحبير 3/34.
ارجو الا تغضب من اخيك محمود. واذا كان في كلامي اي تجاوز اقبل اعتذاري واحترامي لشخصكم الكريم
ربنا يقضي دينك باذن الله..امين[/gdwl]
[mshosh4]http://data.motor-talk.de/data/galleries/0/2/8693/18007759/opel-banner-4832.jpg[/mshosh4]
رقم العضوية : 798
تاريخ التسجيل : 27May2007
المشاركات : 1,591
النوع : ذكر
الاقامة : Qena
السيارة: Peugeot 505 station1982
السيارة[2]: Renault Logan MCV 2009
دراجة بخارية: لا يوجد
الحالة :
محمود باشا
متشكر علي ردك و بالعكس انا مش غضبان و لاحاجة انت بتقول وجهة نظرك بكل احترام
بس انت مش واخد بالك من حاجة ان انا بتقسيطي العربية مع التوكيل مباشرة بعدت تماما عن الربا لسبب بسيط و هو اني ماخدتش فلوس و اقترضتها و رجعت اسددها لهم بفوايد و دا اللي بيسموه ربا
اما اللي انا عملته اني اشتريت منهم العربية اللي هما بيمتلكوها بالآجل و دا حلال شرعا طالما انا قبلت كدا من البداية
ليه حلال بقا لأن التوكيل باع لي عربية و ماخدش تمنها بالكامل و بكدا هو فلوسة اتعطلت و كان لو اخدها بالكامل و شغلها هتجيب له مكسب فبيضطر يحملك نسبة ربح علي المبلغ المتبقي عشان يعوض خسارته دي و انا شايف انه دا من حقة و في نفس الوقت مش ربا
اما اني اروح البنك واخد قرض و اشتري عريبة فدا اللي اسمه ربا صريح لأني اخدت فلوس من البنك عشان اشتري سلعة مش ملك البنك اساسا
و ربنا يقضي عنا جميعا كل ديونا
تقبل تحياتي
ياااااااااااااا رب
رقم العضوية : 47995
تاريخ التسجيل : 27Sep2009
المشاركات : 529
النوع : ذكر
الاقامة : Assuit
السيارة: Renault Logan سابقا
السيارة[2]: Opel Vectra _B
دراجة بخارية: FE TI XX
الحالة :
اخي الفاضل أ/مصطفيسعدت برحابة صدرك واتساعه لرايي المتواضع.
اما بالنسبه لموضوع الفايدة او المرابحه او الربا فهذا موضوع قتل بحثا علي جميع الاصعده واختلف واتفق فيه كثير من علماء المسلمين وانا لست اهل للجزم والقطع فيه.
وتحياتي لك ولجميع اهل قنا. اطيب ناس في مصر.
[mshosh4]http://data.motor-talk.de/data/galleries/0/2/8693/18007759/opel-banner-4832.jpg[/mshosh4]
رقم العضوية : 51496
تاريخ التسجيل : 29Oct2009
المشاركات : 145
النوع : ذكر
الاقامة : el kanater el 5ayeria
السيارة: 2010 hyundai elantra
السيارة[2]: 2004 vw pointer
الحالة :
الراجل ده بيقول كلام زى الفل
انا عملت زيك بالضبط
بص هقولك على حد اسمه الحاج محمد فهمى وده فى غمره اسأل عليه هناك
ده انا قسط معاه الانترا مباشر بياخد فايده 20 %
بتدفع المقدم والباقى على 40 شهر لازم اربعين شهر
لو قدرت تخبط معاه ممكن تقلل الفايده وتقلل عدد الشهور
وبتمضى على كمبيالات بباقى التمن والضامن بردوا بيمضى عليها
ومش عارف تفاصيل اكر بس انت تروح وتشوف ايه النظام بس انا شايف ان الكلام اللى اتقالك فيه مشكله لانك بتمضى على وصل امانه انت والضامن فانزل وشوف هل بتمضى على وصل امانه ولا لا لانى مش فاكر بصراحه
بس الفايده مش مركبه يعنى الفايده بتقى 20 % فى السنه اضربها فى تلاته
هو راجل رخم شويه فى كلامه وصعيدى بس امين جدا
وعنده اخوه اسمه سعيد لو حصل نصيب واشتريت منه لازن يقشطك فى بتاع على الاقل 200 جنيه اديله على نفوخه واخرخ ده ناس شحاتين كلهم ما اخوه لا يقل عن مليونير قاعد وعمال اللى رايح واللى جاى تاخد منه فلوس
المهم انا خليت واحد بيقسط من عندهم كتير هو اللى يدليه اداله 100 جنيه
فشوف وربنا معاك انا فضلت الف لف عشان ابعد عن شبهة الربا هو اينعم قطم وسك بس حلال مفيهاش قروض ولا حاجه منده خالص
والله المستعان
التليفون لو تكلمه بدل ما تنزل :
24853399
26820591
0106673852
رقم العضوية : 2742
تاريخ التسجيل : 22Oct2007
المشاركات : 49
النوع : ذكر
الاقامة : محافظة الإسكندرية
السيارة: الحمد لله وكفى
السيارة[2]: لوجان 2010 كاملة
دراجة بخارية: لا يوجد
الحالة :
أرشحلك الشركة العالمية المتحدة للتجارة (أحد شركات عبد اللطيف جميل). عندهم تقسيط مباشر. والفائدة 9% وثابتة. والحمد لله لا يوجد نسخة مفتاح ولا توكيل للسيارة.
محبوبتي نيسان ألتيما
رقم العضوية : 34309
تاريخ التسجيل : 01Mar2009
المشاركات : 75
النوع : ذكر
الاقامة : 6 October
السيارة: Later
السيارة[2]: Thinking
دراجة بخارية: no
الحالة :
يا جماعة انا كنت بسأل على التقسيط المباشر من التوكيل
أعتقد انه مش حرام والله اعلم لأنه بيبع حاجة ملكه بالتقسيط
انا سألتهم فايدة 8.8 سنوى
مقدم لا يقل عن 25% من ثمن السيارة
قسط حتى 60 شهر
طلباتهم مفردات مرتب - ايصال كهرباء بمحل السكن - اعتقد بس كده لأن ده كان فى التليفون ......... لو رحت هجيب كل التفاصيل
لا اله الا أنت سبحانك انى كنت من الظالمين
رقم العضوية : 15686
تاريخ التسجيل : 03Aug2008
المشاركات : 753
النوع : ذكر
الاقامة : tanta
السيارة: لا يوجد
السيارة[2]: لوجان 2010 فيرانى
دراجة بخارية: لا يوجد
الحالة :
موضوع التقسيط المباشر ده كنت سمعت انه لو على سنه تبقى من غير فوائد بص تقريبا مش للوجان لبقيه الانواع علشان كده فى فايده 12 فى الميه
سبحان الله وبحمده سبحان الله العظيم
المفضلات