صيدلية المنتدى ..كل مايخص الأدوية المصرية

**zkralla** · 18-05-2011 07:05 PM

المشاركة الأصلية كتبت بواسطة wassim_nasser

اخ ذكرالله نورت صيدلية المنتدي زي ماحضرتك منور قسم اللوجان .. بص حضرتك اللي يجاوبك عن السؤال ده دكتور العيون اللي بتتعامل معاه و هو اللي يقولك تجيبه منين لأنهم بيبقوا متفقين مع صيدليات معينة عشان معظم القطرات وحاجات العيون بتكون مستورده والعزبي أكبر مستورد للقطرات (من خلال شركته اللي اسمها مالتي فارما) ومادمت حضرتك لقيته عند العزبي تبقى اتحلت والف سلامة علي ابن حضرتك

شكرا يا دكتور وسيم على الرد والمجاملة والموضوع منور بحضرتك وبدكتور احمد
الحمد لله انا جبت ال 10 علب هيكفوا - بأذن الله - 8 شهور تقريبا ... وهبداء قبها اعمل حسابى

**amrseba** · 02-06-2011 06:58 PM

المشاركة الأصلية كتبت بواسطة a7med_pharma

يارااااااجل
الناس كلها كده تقريبا
وطبيعي جدا إن الجسم بيفقد شعر من الراس كل يوم
يعني ماتتخضش لو لقيت شعر نازل في ايدك وانت بتغسل راسك الصبح
وبعدين حكاية انك حلقتها زيرو..لقيت شوية خفاف وشوية مش خفاف
دي مش تخليك تقلق
إلا لو كان حد من قرايب والدتك أصلع

طب يا دكتور احمد انت بتقول ان من الطبيعى جدا ان الجسم يفقد شعر من الراس يوميا طب الشعر ده بيطلع تانى ولا اقوله يلا مع السلامه و شوفلك راس غيرى ولا ايه انا جدى ابو ولدتى اصلع بس جدى ابو ابويا لسه عايش الحمدلله و شعره اتقل من ابويه

**samsong** · 03-06-2011 02:31 PM

ما الاثار الجانبيه لل بركسين
حيث انه عند الاثار الجانبيه مكتوب : انظر النشره الانجليزيه
مع الشكر

**samsong** · 04-06-2011 08:17 PM

في انتظار الرد باهتمام

**nktis** · 04-06-2011 08:23 PM

طيب ثواني بقي معايا هصلي المغرب واجيب البركسين اوضح لحضرتك كل ما يتعلق بيه.....

**nktis** · 04-06-2011 08:48 PM

بص يا استاذ..
اولا حاجات خفيفه زي اضطراب معوي واسهال او امساك ووممكن مع كثره الاستعمال يؤدي الي قرحه بالمعده مصحوبه بدم او لا..
وحساسيه في الجلد علي شكل انتفاخ وانيميا وارتفاع في وظائف الكبد والصفراء وتعب في وظائف الكلي ...
وعموما الحاجات ديت نادرااا ما تحصل ومع الاستمرار بالدواء فتره طويله وبتحصل في ناس وناس لا ..
وربنا يجعله بالشفاء ان شاء الله..

**samsong** · 05-06-2011 09:00 AM

شكرا اخي الكريم

**aboomar22** · 05-06-2011 08:53 PM

دكتورنا العزيز فيه كريم مش لاقيه فى السوق مطلوب لاخويا واسمه wartec cream ولما عملت بحث على الاسم لقيه متداول فى السعودية مممن اعرف اجيبة ازاى او فيه مكان ممكن الاقيه فيه فى مصر او صيدلية تكون بتستورد مع الشكر

**nktis** · 05-06-2011 09:02 PM

شوفه في صيدليات علي وعلي او خليل

**A7MED_PHARMA** · 10-06-2011 02:20 AM

المشاركة الأصلية كتبت بواسطة aboomar22

دكتورنا العزيز فيه كريم مش لاقيه فى السوق مطلوب لاخويا واسمه wartec cream ولما عملت بحث على الاسم لقيه متداول فى السعودية مممن اعرف اجيبة ازاى او فيه مكان ممكن الاقيه فيه فى مصر او صيدلية تكون بتستورد مع الشكر

أدوية السوق المصري مختلفة عن أدوية اي سوق دولة تانية
ويمنع بيع دوا سعودي في مصر
إلا اللهم الاستثناء المعروف لصيدليات العزبي إلي بتلاقي عندها الأدوية دي