انا بفكر لو مبعتش الكريستاله اسقطلها 1500 بس عايز اعرف كل حاجه عنه انجيكشن؟ استهلاكه البنزين التجميه التكيف و التاثير عليه لسعر لو دخلت مكنه في مكنه وبيحتاج تغير في حاجه ؟ اخر سرعه ليه كام مستني الخبراء طبعا اولهم هيما لانسر
عرض للطباعة
انا بفكر لو مبعتش الكريستاله اسقطلها 1500 بس عايز اعرف كل حاجه عنه انجيكشن؟ استهلاكه البنزين التجميه التكيف و التاثير عليه لسعر لو دخلت مكنه في مكنه وبيحتاج تغير في حاجه ؟ اخر سرعه ليه كام مستني الخبراء طبعا اولهم هيما لانسر
الردود بليز علشان انا قلقان و متردد من الحوار ده
نصيحه خليك في ال 1600 لسهوله قطع الغيار
وبالنسبه للموتور جبار طبعا
انا معايا واحد معاه بطه وفيها نفس الموتور ده والتاني بيجيب 80 مع العلم انها بالفتيس ال 1300
وأسأل استاذ محمد (cairo)
انه شاف الحوار بأديه انه خيط BMW موديل 98
بس طبعا خيطه في الطلعه لكن بعد كده مكملوش وقريبا هيشدو تاني بعد سرعه ال 100 كيلو
عموما بأختصار مكنه هتعجبك ولو عايز تسقط وتجرب قبلها قولي
وهي هتعمل في حدود 4000 بمكنتك القديمه وطبعا انت هتسب العربيه تيجي تاخدها دايره يعني مالكش دعوه بأي حاجه
انا نفسي اعمل الفيلم ده
بس قلقان من موضوع المرور .. ايه رايك يا هيما؟
طيب يا هيما الموتور بفتيسه اوتوماتيك +بتاعي = فرق 4000 صح؟ و بتغير حاجه في العفشه؟ و الفرامل ؟ و ايه ظروفه؟ انا كان في واحد بتاع استيراد قالي واحد 1600 بفتيسه بالضفيره 2000 جنيه و قالي هات الميكانيكي بتاعك يشوفو بس السعر خوفني جدا
و بتجي بكمبروسر التكيف ؟
طب يا جماعه انا اسمع ان فيه فرق كبير بين ال 1500 2 كامه عن موتور 1600 الكامه الواحده من حيث الحصان والعزم ياريت حد يفيدنا بكل المعلومات عن ال1500 ومحدش رد علي استهلاك البنزين ياريت تقولولنا مقارنه بال1300 اتومامتك معلش بس ضروري عشان انا ناوي علي ال1500 وفي اقرب وقت ان شاء الله
طبعا السعر ده يقلق شويتين بس اكيد طبعا من غير تركيب وانت مش بتغير اي حاجه في العفشه كل حاجه زي ما هي
بييجي بكل حاجه مش بتحتاج تجيب حاجه زياده
لو هنتكلم عن العزم طبعا ال 1500 يكسب علشان 2 كامه بس مقارنه بال 1600 لو في الطلعه ال 1500 يكسب لكن بعد كده ال 1600 يكسب
وال 1600 قطع غياره متوفره لكن ال 1500 مش متوفره وهتجدها بصعوبه
شكرا يا هيما
هو فعلا قال ب 2000
و هيدهولي من و انا اركبو
بس انت مش شايف ان 4000 فرق كتير ؟
و انا انشاء الله هجيب ال 1600 ده
و قبل م ا اعمل حاجه هعرفك انشاء الله
و ال 1500 ميزته انه بنزن 80 هيبقي احسن عن 1600 لانه كاربيوتير
صح ولا ايه ؟
السلام عليكم :_
مش المفروض يا جماعه ان المحرك 1500 2 كامة افضل بفرق بسيط, لان المحرك الي فيه كامتين بتبقى عملية ادخال خليط الهواء والبنزين واخراج شحنة عادم بتكون اسرع من المحرك ال 1600 كامة واحدة فقط ,هو الي بيفرق بس ان حجم الاسطوانة فى المكنة ال 1600 اكبر من حجم الاسطوانة فى المكنة ال 1500 لذلك نلاقي ان البومه 1600 106 حصان والشارك 109 حصان هو مش فارق كبير والفرق مش هيبان على الطريق بس الي بقصده ان المحركين مفش اختلاف ما بينهم ونقدر نقول انهم متساويين والي هيفرق عوامل اخرى في السيارة زي تصميمها والايرودينامك والخ ...طبعا دي وجهة نظري المتواضعه وشكرا
مساء الخير على الناس كلها
وطبعا مع احترامي للعضو المتميز وصاحبي هيما
اوعى ياباشا تسقط حاجة غير ال1500 ال2 كامة الا لو هتسقط مايفيك
بص
قطع غيار موجودة ومفهاش مشكلة و في الحرفيين بالذات
زيرو اعطال باذن الله(مسقط واحد وعن تجربة)
تجميع قوي جدا ومع احترامي تاني لهيما لو 1600 جري معاك مش هيعمل معاك اي حاجة ولا اول ولا تاني ولاتالت ولارابع ولا خامس وعن تجارب مش تجربة واحدة
توفير فالبنزين عن ال1600 الا لماتقرص وتعدي 3 ار بي ام وتفتح الكامة التانية لان في وحش هيطلع من الموتور وهيسحب ساعتها بس اكتر من ال1600
اخيرا
اوعى في يوم من الايام يبقى قدامك متورين واحد 2كامة وواحد كامة واحدة وتفكر لثانية في الكامة الواحدة الا لو كان الفرق على الاقل 300 سي سي وساعتها هيبقى ملوش لازمة لانو هيبقى حوت بنزين
ميزة المواتير ال2 كامة انها تو مود
مود في المشي العادي في التجميع وسحب البنزين
والمود التاني في الجري والحرق بعد 3 ار بي ام هتلاقي العربية بتتحول في سحب البنزين والتجميع وكل حاجة لانها اصلا مواتير رياضية فمتفكرش رفي حاجة زي كده
كل اللي عليك تغير سير الكاتينة في معاده والكلام ده ينطبق على اي موتور ملوش لازمة كامة واحدة
عايز اقولك حاجة
المايفيك ال2400 سي سي بيدي 162 حصان
والمايفيك ال1600 بيدي 172 حصان!!!!!!!!
عارف ليه
عشان ال1600 2 كامة وال2400 كامة واحدة
ولما بيشدو مع بعض ال2400 بيطلع وكل حاجة بس بفرق بسيط يعني الفرق بينهم بيبقى عربيتين لغاية 190 وده عشان ال2400 بيطلع قوتو اللي هيا ال162 حصان قبل ال1600 وعزمو اعلى
بس شوف بقى لما موتور 1600 شبه يثبت مع موتور 2400
مينفعش تقول خالص خالص ان فرق ال2 كامة بسيط لانو ياباشا فرق السما والارض
محدش جاب سيرة الفلوس ليه ياجماعة
لو 1300 وحب يبدل في 1500 او 1600
الفرق هيبقي كام فلوس ؟؟
طبعا شكرا لذوق حضرتك في الرد والتوضيح , بس انا فهمت من كلام حضرتك ان المحركات بتفرق في السي سي بمعنى ان فهمت من كلامك ان ال 2400 ذو الكامه الواحده افضل لانه عزمه اعلى وهيفرق عن المحرك ال 1600 ذو الكامتين ؟ هل انا كده صح ولا ايه ,,, عموما انا في كلامي كنت بقارف بين 1500 2 كامه و 1600 كامه واحده في الفرق في السي سي مش كبير وفي اعتقادي تقريبا والله اعلم ان 1500 2 كامة احسن في السحب ,,, ولو حضرتك ليك تعليق او توضيح اتفضل قول لاني بحب اتعلم وافهم وشكرااااااااااااااااااااا
ياباشا انا كلامي واضح اوي ومش محتاج اوضح حاجة تاني
انا بققولك ان ال2400 قوتو اعلى من ال1600 حاجة بسيطة رغم انو اكبر منو ب800 سي سي
ليييييييييييييييييييييييي يييييييييييه؟
عشان ال1600 2 كامة
وعشان كده بقولك مينفعش تقول ان فرق الكامة التانيه هنعوضو بالميت سي سي لان الميت سي سي مش كفاية لتعويض الكامة التانية
وضحت؟؟؟
طيب يا باشا انت بتحسسني انك مدرس وانا تلميذ عندك ماشي يا باشا وضحت وما تزعل نفسك :)
متزعلش يا كيمو
اكيد توينكام ميقصدش
وانت يا توين هدي اسلوبك شوية انا عارف انك متقصدش لكن حاول تختار الكلام شوية
انا متاكد انك بتحاول تساعد زي هيما بالظبط ومتحيز لل1500 لانك مسقطه وفاهمه كويس
بس اكيد قبل ما تقسطه كنت عامل زينا كدة في نفس الحيرة
وبردو لسة محدش رد الفرق في الاسعار هايبقي كام
مفش مشاكل يا كايرو باشا حصل خير
متزعلش ياكيمو ايه؟؟؟!!!!!!!!!
نتا شايفو زعل ؟ وهيزعل من ايه اصلا؟
ونقي كلامك ايه هوا نتا اللي هتعرفني اكلم ازاي ؟؟؟؟
وبعدين انا بكلم واحد تاني اصلا بتكلم نتا ليه؟؟؟؟؟
ماتبطلو طريقة التدقيق في الكلام دي والوقوف على الكلمة
يابيه احنا شباب بنتكلم مش لابسين جرفتات وقاعدين في سفارة هنعد نحسس على الكلام
مخالفة القاعدة رقم 13 مما يستوجب حصولك على انذار أول وايقاف اسبوع
مشرف القسم
بزمتك دي طريقة رد؟؟؟
ما انتا لو عرفت ان الي بتكلمه دي في سن والدك ويمكن اكبر مكنتش اتكلمت كده
واوعي تقولي انا كمان ملكش دعوه
لما الاقي شخصيه الكل في المنتدي بيكنلها كل احترام علي الاقل علشان سنه
شخص الي في سنك كلهم لما بيدخل اي مكان بيقفوله احتراما لمكانته الاجتماعيه والثقافيه
والاقي واحد من دور عياله بيكلمه بطريقه مش كويسه يبقي لازم اقولك مع الف سلامه بمعلوماتك ومش عايزين نعرف منك حاجه
وتقدر تتعلم من اي حد هنا في المنتدي ان محدش هيتنطط علينا بكام معلومه عارفهم
وبقولك تاني مع الف سلامه بمعلوماتك لو دي طريقتك في توصيل المعلومه
وبعتذر تاني لكايرو ولكيمو عن اسلوب العضو ده
A.Yakout
ده كلامي وواضح جدا اني بطلب من كيمو انه ميزعلش لاننا كلنا هنا اخوات المفروض ولما اخ يلاقي حد زعل اخوه المفروض يقول لاخوه متزعلش
و ده كلامك المحترم جدا واللى مش هرد عليه لان ردي هيخسرني كتير من احترامي لنفسي قبل احترام الاخرين ليا
زي ما الواحد في الموقع بيكسب ناس وبيستفيد منهم وبيتعلم منهم زي ما فيه ناس بردو بيعتبرهم مش موجودين فيا ريت تعتبرني مش موجود وانا كمان هعتبرك مش موجود
شكرا يا نابستر على زوقك واخلاقك
ومالهوش داعي الاعتذار انت اخ وعزيز كمان
مش هقول غير يا ريت الناس تتعلم من المهندس طارق مصراوي واخونا هيما لانسر والعقيد خالد واعضاء كتير كيفية الرد على الغير وتعليمهم والصبر عليهم لاقصى درجة
السلام عليكم :-
انا اسف على الي حصل والله يا جماعه ,كل ده علشان حبيت اسال واستفسر وافهم الدنيا ماشيه ازاي ,,بعد كده لما احب اعرف حاجة هبقى ادخل على القسم التعليمي وانا مش زعلان من حد وبشكر الاستاذ نابستر , والاستاذ كايرو ,وتوينكام , وكل الاعضاء الي دخلوا
في ناس كده غاويه تتنطط بالمعلومات اللي عندها
عموما خيروالاداره قامت بالواجب
الله يكرمكوا ويباركلوا ان شاء الله وانا ان شاء الله اذا حبيت اعرف حاجة اكيد هقولكوا وشكرا لهيما , وكايرو على الاهتمام وساحه ميتسوبيشي من اجمل واحلى اقسام المنتدى ,,,, وفعلا يا استاذ باميه الاداره اوقفت توينكام بس ان شاء الله يكون ايقاف قليل وبسيط
يا جماعة انا مركب ال 1500 الاثنين كامة قوى جدا والله على العربية بالفتيس بيتاعه التانى بيتاعة على 100 وبقفل العداد بكل سهولة والبنزين يمكن اقل فى السفر من ال1300 القديم لكن فى البلد زى بعض بس طبعا ماتحرقش الغيارات وتديها كيك داون كتير وترجع تقول دى بتاكل بنزين ويستحسن تركب معها فرامل ابى اس علشان الموتور عفى قوى على العربية وانا خالى عده شونة فيها المواتير دى لو حد عايز يكلمنى 0124286811 محمد مهران
يارجاله
انا عاوز بس اقولكو علي حاجه
احنا مش بنفهم بسهوله موضوع التسقيط ده
فاللي بيشرح يشرح بالراحه
دلوقتي سؤال صغير بس
هيما قال حاجه مهمه محدش واخد باله منها
قطع غيار ال1500 مش موجوده
مش موجوده
وانا وانا بشتري عربيتي كان فيه قدامي واحده خليجي فيها موتور 1500 كلمت هيما وبردو قاللي ابعد عنها عشان قطع الغيار
توينكام كان بيقول القطع متوفره في الحرفيين بكتره
هوا الواحد يعني معاه كام 4000 جنيه عشان يضحي بيهم
لازم نعرف فعلا اذا كانت القطع متوفره ولا لا
يافرحتي رحت سقطت الموتور ال2 كامه وعمال اجري ومزأطط
والاقي قطع غيار الموتور مش موجوده
ثانيا
لو واحد ملوش في الجري ولا في الشد ولا اي حاجه
يركب عربيته وعاوز يمشي عادي
في السفر 110 120 بالكتير
وجوه البلد سحلفاه زي مانتو عارفين طبعا
والموتورين انجكشن
يبقي ال 1600 احسن اعتقد
ولا انا كلامي غلط
وبردو اخبار فرق السعر بين الاتنين كام
ميدو بيقول الميكانيكي قال 2000 من غير تركيب
وهيما قال 4000 بالتركيب بكل حاجه
معقول فرق 2000 جنيه عشان حيركب
ولا فيه حاجه غلط ؟؟؟؟
رحتو فين يارجاله
شكرا ياباشا لمشاركتك دي
وانا مستغرب على كل اللي حصل ده
وكلو بسبب تدخل ناس تانية في الموضوع في حين انو ميستاهلش
ونا قلتلك انا هبقى مبسوط لو اتاسفتلك بس لو قلتلي اصلا ان نتا زعلان
مهو مش معقولة تزعل مني بسبب حاجة زي دي ورغم كده برضو مستعد اتاسفلك بس قلي الاول ان نتا زعلان
بص ياباشا
تعالا ناخد الموضوع واحدة واحدة
قطع غيار
1600 افضل بس مش معنى كده ان نتا مش هتلاقي قطع ال1500
هتلاقيها بس في اماكن معينة زي الحي السابع والحرفيين لكن مش بنفس السهولة لكن كلها موجودة وعن تجربة
استهلاك بنزين
في حالة تخريج القوة القصوى للمتورين ال1600 استهلاكو اقل لكن في حالة النقل قبل 3 ار بي ام او 3ونص ال1500 يكسب لانو لسة بيبقى مطلعش القوة اللي جواه وفتح الكامتين
قوة
1500 مفيش كلام لانو اصلا موتور رياضي معمول عشان التسارع والتجميع مش جر عربية مرتاح وخلاص
الاعطال
الاتنين زيرو اعطال واهم حاجة للاتنين تغيير سير الكاتينة في معادو
الاسعار
الاتنين بحوالي 4 ونتا موتورك الكاربيراتير سليم يبقى هتدفع 3 وتدخل راس براس بالتركيب ده بالكتير
لكن لو اسعار لوحدها الموتور ب4 او اربعة ونص في الرنج ده
والتسقيط ميكانيكا وكهربا هياخد 500 او 600 جنيه يعني كلو خمسة خمسة وربع
ياريت اكون قدرت افيدك
ياباشا شكرا ليك جدا