الموضوع: ياجماعه ساعدونى افيو ولااكسنت

المشاركة الأصلية كتبت بواسطة amrdiab

طب ماتجيب لوجان

جميلة كبيره رخيصه ومنتشره اكتر من الاكسنت وثبات مقولكش وتوكيل محترم
والي عملته في سنه معملتهوش الاكسنت في سنتين

العربيه اللي تحفه فعلا ونفس السعر كده 69900 هي الجاك الصيني
متتخضش ايوه صيني بس وهم وامكانيات متعدش
الخوف الوحيد مش من العربيه الخوف كله من التوكيل
ده لو عمل بجد هتسحب البساط من الكل حتي اللوجان المنتشره
كفاية ان تقفيلها في نفس جوده او احسن من اللوجان اللي هي احسن من الافيو والفيرنا في التقفيل
اه لو اضمن التوكيل والله ما كنت سيبتها
علي العموم واحد صاحبي مغامر حجزها بالفعل وقالوله شهر 4 هيستلم
لو كان ادائها زي شكلها هحجز ولا يهمني حد

عربيه شكلها تحفه على السعر ده بس يا خوفى من جاك واسبرانزا
وشان هو كان
وكين سان لى
والجماعه الصينين دول مش بستريحلهم خالص عقدونى من الصناعه الصينى
لو عربية بالشكل ده وتكون مكوناتها حلوه تبقى لقطه بس الخوف تسوق يوم وتروح التوكيل اليوم التانى وكع يا معلم ب
باتمنى أن الصين تثبت كفاءه فى صناعه السيارات لان ده هيفرق كتير

المشاركة الأصلية كتبت بواسطة zkralla

عربيه شكلها تحفه على السعر ده بس يا خوفى من جاك واسبرانزا
وشان هو كان
وكين سان لى

انت بتتكلم صيني يا ذكرالله

والجماعه الصينين دول مش بستريحلهم خالص عقدونى من الصناعه الصينى
لو عربية بالشكل ده وتكون مكوناتها حلوه تبقى لقطه بس الخوف تسوق يوم وتروح التوكيل اليوم التانى وكع يا معلم ب
باتمنى أن الصين تثبت كفاءه فى صناعه السيارات لان ده هيفرق كتير

عندك مليون حق في اللي انت بتقوله... ومع ان التكنولوجي بتاع الصين عالي وبتدعم بيه كثير من الشركات الاجنبيه ... الا انهم معانا بيتبعو سياسه غريبه وهي ممكن اصنعلك اي شيئ وعلي حسب اللي هتتدفعه دفعت كتير دفعت قليل هديلك نفس شكل المنتج بس المحتوي "متاخذنيش" وده اللي خلي سمعه الصيني في الارض.
وده اللي يخوف من العربيات دي لكن بيعملوا اشكال ملهاش حل ,وعليهم دراسه سوق تدرس!!!! اذا كان المفتش كرومبو كان مبقلهوش 5 حلقات ونزلتله عرايس وميدليات..
يبقي العيب فينا مش فيهم وفي اللي ممكن يدخل حاجه جودتها مش قد كده..

المشاركة الأصلية كتبت بواسطة amrdiab

عندك مليون حق في اللي انت بتقوله... ومع ان التكنولوجي بتاع الصين عالي وبتدعم بيه كثير من الشركات الاجنبيه ... الا انهم معانا بيتبعو سياسه غريبه وهي ممكن اصنعلك اي شيئ وعلي حسب اللي هتتدفعه دفعت كتير دفعت قليل هديلك نفس شكل المنتج بس المحتوي "متاخذنيش" وده اللي خلي سمعه الصيني في الارض.

وده اللي يخوف من العربيات دي لكن بيعملوا اشكال ملهاش حل ,وعليهم دراسه سوق تدرس!!!! اذا كان المفتش كرومبو كان مبقلهوش 5 حلقات ونزلتله عرايس وميدليات..
يبقي العيب فينا مش فيهم وفي اللي ممكن يدخل حاجه جودتها مش قد كده..

أنا معاك با محمود الناس عندنا بقى معظمهم مخدرى الضمير - ومش عاوز اقول معدومى الضمير - طبعا الا من رحم ربى عشان الكويسين لسه موجودين بس للاسف قله
لكن لو الناس بتوعنا طلبوا سياره بمواصفات تعبانه من شركه اوربيه ولا يابانيه عريقه مش هيلاقوا استجابه للمطالب بتاعتهم ممكن يشيلوا كماليات او وسائل أمان بس حاجه اساسيه فى العربية مستحيل حتى شركه ماليزيه زى برتون مستحيل تعمل حاجه كده

لكن للاسف الصين بترحب بالامور ديه جدا واهم حاجه عندهم الربح ومفيش حاجه اسمها معايير جوده فى المنتجات

بعيدا عن السيارات فى الاجهزه الكهربائيه مثلا يعملوا الماركه المقلده بنفس شكل الماركه الاصليه ويكتبوا بلد الصناعه زى ما أنت عاوز والشكل نفس الشكل طبعا بناء على طلب المستورد الى بتحدد ده على حسب المنتجات الاكثر ثقه فى البلد بتاعته وبتاع الصين يظبطله كل الى هو عاوزه

ما الصين دلوقتى بتحاول تدخل عربيات لاوربا بس طبعا لازم غصب عن عينهم هيوفروا فيها معايير الجوده الاوربية يعنى الطرف الاوروبى هو الى ظبط الموضوع بتصميمه على عدم الاستيراد
الا بمعايير جوده محدده وصارمه
لكن لما يجيوا يصدروا لمصر الامور بتبوظ عشان الطرفين متفقين على أن اهم حاجه مكسبهم وتغور الناس الى هتشترى مش مهم المهم ييبقى الشكل حلو وخلاص ( شايف العربية الجاك بى كلس عامله ازاى شكل خرافى ملوش حل ) يس يا خوفى من الجوده

فعلا بتمنى أن احنا نعمل معايير جوده زى اوربا كده عشان نستورد من الصين عربيات حلوه باسعار رخيصه تخلى معظم البلد ومعظم الشعب المصرى يقدر يركب عربيه
اللهم اصلح حال هذا البلد يارب

المشاركة الأصلية كتبت بواسطة arakysolom

الاخوة الاعزاء ياريت لما يكون واحد بيقارن بين سيارات محددة ياريت نعطية رأي في السيارات المذكورة فقط و منتبرعش بعرض اوبشنز اخري لأن اللي بيسأل غالبا بيكون متردد بين نوعين او 3 او 4 بالكتير وبيطلب رأي من الناس عشان يعطيه ترجيح لأحد اختياراته و طبعا لما احنا بنتبرع و نقول طيب متخليك في السيارة الفلانية و اللي هو اصلا مبيسألش عليها بتخليه يحتار اكتر انا نفسي عانيت من هذه المشكلة
الاخ اللي بيسأل عن الافيو او اكسنت حضرتك ممكن توصل لقرارك كالتي :
الاكسنت سعر 76000 كامله تقفيل كوري بالكامل جميع الكماليات شكل جميل اعتماديه موتور افضل و اكبر
الافيو 73000 تكييف و باور فقط تقفيل مصري موتور لانوس شكل مقبول و الكامله منها 79000 جنيه 2 زجاج كهرباء لون المرايات مش نفس لون السيارة اغلي من الاكسنت ب 3000 جنيه و مفيهاش نفس الامكانيات
يبقي المنطق يقول اكسنت و طبعا لاتنسي الاستخارة

مع احترامى لوجه نظرك أنا شايف طالما بتكلمه عن عربيه فى نفس القئه فده مش مشكله لانه ممكن يكون معندوش معلومات اصلا عن العربيه ديه فأنت مش بتحيره اكتر ولا حاجه بقدر ما أنك بتفتحته سككك جديده ممكن يمشى فيها

أنا واصلنى وجهه نظرك أن قرار المفاضله بيبقى صعب ومتعب بس صدقنى وكده كده قرار شراء عربيه قرار غالبا ما بيكونش سهل بالمره وبيأخذ تفكير كتير مرهق

أنا شايف أن المفروض المقارنه للى عاوز يشترى فعلا تبدأ بجميع العربيات الى فى الفئه ويبدأ الواحد يستبعد من القائمه ديه لغايه ما يوصل لافضل عربيه تناسب ظروفه