الموضوع: جمارك اللوجان

المشاركة الأصلية كتبت بواسطة elsherif_2000

دور حضرتك على اي عربية في فئة اللوجان و هاتلاقي ان قطع الغيار في التوكيل الاصلي ارخص طبعا من اللوجان لان قطع غيار اللوجان غالية اصلا و التوكيل مغليها كمان
و بعدين هوة الواحد بيجيب عربية زيرو علشان يروح يجيب قطع غيار من برة التوكيل... الله اعلم مصنوعة فين وازاي و اصلية ولا لا
و بعدين المفروض يكون في نسبة وتناسب بين سعر و فئة العربية واسعار قطع الغيار يعني لو العربية بـ 100 الف كان ممكن تكون اسعار قطع الغيار دي معقولة منطقية لكن واحد شاري عربية اقتصادية امكانياتها متوسطة متوقع يلاقي برضة اسعار قطع غيارها معقولة لكن ازاي يكون مثلا سربنتينة تكييف 3475 او مروحة رادياتير 1850 او طبق مساعد أمامى شمال 930 و ممكن تشوف الموضوع دة عاملة واحد زميل لينا ربنا يكون في عونة فعلا الوحد دمة محروق فعلاhttp://www.nilemotors.net/nile/122888-a-5.html

أنا سمعت كلام حضرتك وعملت زى ما قولتلى ورحت مدور على سعر الفانوس اللانوس الاصلى 425 وبره التوكيل يعنى يا عالم اصلى فعلا ولا مش اصلى وده سعر بره التوكيل يعنى فى التوكيل مش اقل من 525 حنيه ( زود 100 جنيه على اقل تقدير )
يعنى اغلى من فانوس اللوجان ابو 495 جنيه
يعنى الكلام الى بتقوله مش صحيح
وبعدين قطع الغيار الفرنساوى بصفه عامه معمره وديه نقطه أنت ما اشرتش اليها
يعنى مثلا الاكصدام الخلفى بتاع اللوجان أنا وكام عضو هنا ما شاء الله خدنا كام خبطه وكلهم خبطات محترمه والحمد الله تلاقى خدوش بسيطه مش اكتر فى الاكصدام لان الاكصدام محمل فده يبخليه يعيش معاك يا فرحتى باكصدام رخيص واول ترييحه يروح مطبق واشترى يا معلم ولا على بتاع الفيبر ود
ينى وعلى بتاع الدوكو
وبعدين ما تحرقش دمك ولا حاجه عشان الناس الى معاهم العربيه مبسوطين بيها ودمهم مش محروق لانهم عارفين أنهم جابوا عربيه محترمه

المشاركة الأصلية كتبت بواسطة elsherif_2000

1- أكصدام خلفى 1500

الاكصدام الخلفى ب 1050 جينه مش 1500

المشاركة الأصلية كتبت بواسطة wmz

اساسا لما حضرتك تحط قطع غيار عربيه وتقول غاليه ده كلام غلط 100%
لان غالى ورخيص ديه مساءله نسبيه يعنى غالى بالنسبه لايه ورخيص بالنسبه لايه
أنت حبت اسعار اللوجان بس ومجبتش اى حاجه تانيه تقارنها بيها
يعنى لما تقولى الفانوس ب 495 توكيل وتقول غالى طب أنا اش عرفنى فوانيس العربيات المماثله بكام فى التوكيل ما يمكن يطلع ب 1000 جينه
ما هو الاخ ذكر الله قال لحضرت على فانوس الاسبرنزا الصينى الاصلى (صينى اصلى كلمه عجيبه على ودنى ) وفانوس الشيفروليه لانوس الاصلى والاثنين فى نفس الرنج ده
يا ريت تعمل مقارنه عشان يبقى موضوعك مقنع أنما كده يبقى تضيع وقت وشوشره
وبعدين حضرتك مش بتخش على الموضوع ليه
لعل المانع خير

انا حاسس اني بتكلم انجليزي يعني لو حضرتك ركزت في كلامي كويس مكنتش هتقول علية غلط
حضرتك بتقول ان " غالى ورخيص ديه مساءله نسبيه يعنى غالى بالنسبه لايه ورخيص بالنسبه لاي"ه
مع اني وضحت كلامي لما قولت المفروض يكون في نسبة وتناسب بين سعر و فئة العربية واسعار قطع الغيار وذكرت العربيات اللي في فئة اللوجان اللي مفروض تتقارن بيهم
ثانيا حضرتك بتتكلم علي سعر فانوس وسيبت بقية الحاجات اللي غالية جدا اللي العضو زميلنا كاتبها في اللينك http://www.nilemotors.net/nile/122888-a-5.html
ثالثا كل الناس عارفة ومقتنعة ان اسعار قطع غيار اللوجان اغلي من العربيات اللي في نفس الفئة و اقرا مداخلات الزملاء في الموضوع دة وانت تعرف انهم رايهم ان قطع الغيار اغلي من مثيلات العربية

الزميل msalx هى فعلا الاسعار غاليه شوية بس مش للدرجه اللى بيتم الترويج ليها
لانها قريبه جدا من اسعر قطع الغيارفى توكيلات تانية


الزميل ahmed a.maksoud مع الأخذ فى الأعتبار أن أسعار قطع غيار الأوروبى أعلى من اليابانى و الكورى على طول

الزميلbest2010 يمكن سعر قطعة الغيار الاوروبى عموماً اكتر من الكورى


الزميل mostafabakry اكيد طبعا قطع الغيار دي بتيجي اما من رومانيا او من فرنسا
او من تركيا او من اي مكان تاني و بالتالي هتبقي برا الأتفاقية بتاعة اغادير و هيبقي عليها
جمارك و بلاوي زرقا

يعني من الاخر هاقول نفس الكلام اللي قولتة قبل كدة لازم التوكيل يحط النقطة دي في اعتباره !!!!!