الموضوع: يا للروعة اول مرة اعرف ان فيه Buddha Bar فى مصر

المشاركة الأصلية كتبت بواسطة karaktar

هيه الحكايه ان بعض شبابنا اللذيذ بيقلد الغرب تقليد اعمى دون تفكير او النظر الى ما كان هذا صح ام خطأ يعنى يلاقو حاجه مشهوره فى بلاد الغرب وممكن تكون متنافيه مع عقيدتنا ودينا وللأسف يجى ناس ينفذوها فى مصر طبعاً الشباب اللذيذ ده ينبهر ويجرى وراها علطول من غير مايفكر هل ده بأه صح ولا غلط المسأله وما فيها بتفرق فى ان الدين عامل ازاى عند كل واحد ومدى صلته بالله وتدينه وطبعاً الانسان العاقل هوه اللى يطبق الدين فى كل امور حياته

اعذرني بس طريقه الكلام دي هي اللي بتبدي منها كل المشاجرات و الخناقات في المنتدي

كلامك صح و بيطبق علي فئة فعلا من الشباب زي اللي جم امبارح مثلا علي دريم و بيحبوا موسيقي الميتال و واحد مربي دقنه و شنبه زي راسبوتين و واحدة حاطة حلق في شفايفها و واحد مطول شهرة بطريقه مستفزة و رايك يحترم لكن طريقه توصيله هي اللي بتبفتح الباب للمشاحنات اللي ملهاش اي لازمه و بتوقع الناس في بعض

الاخ صاحب الموضوع انا شايف ان كل قصدة ان فيه كافيه استايل جديد ممكن يبقي كويس و القعدة فيه حلوة زي زي ماحضرتك ممكن بتقعد علي القهوة مع اصحابك انا مش بتكلم دلوقتي عن الموسيقي و حكمها حلام او حرام لان في احاديث اثبتت الكلام دة و مفيش داعي للجدال فيها لكن الراجل بيتكم عن كافيه و اي كافيه في مصر بيبقي مليان تماثيل زي المطاعم الصيني و الياباني و غيرهم كتير

اعذرني بس ياريت لو بتنصح و دي حاجة تشكر عليها ( بضم التاء ) و واجب عليك لكن الطريقه انا حاسس انها مستفزة شوية

المشاركة الأصلية كتبت بواسطة mohamed_momi88

انا عندي كذا سي دي عليهم موسيقي تحفه
بس الكافيه مش شاددني اوي اني اروحه بس الموسيقي جميله جدااااا و قريبه اوي من استايل era

و هو مش عبادة اصنام و لا حاجة هو شبه الديسكو فيه مساويء و عيوب كل ديسكو يعني اللي يخليه حرام انه ديسكو مش اصنام و لا حاجة

المشاركة الأصلية كتبت بواسطة gouda

مع احترامى لحضرتك
ولشخصك انت من الاعضاء المفضلين لى فى المنتدى
ولكن
مش معنا ان اروح كافيه اسمه بودا يبقى انا رايح اعبده
لان الكافيه اسمه كده عشان الجو والديكور انا رايح اقعد فى
مكان نضيف اسمع مزيكا معينه زى ما بيبقى فى كافيهات على الطريقه
البدويه والقاعده فى الارض وزى مافى كافيهات ديكورها فراعنه وكلام من ده
فمش معنا كده انا انا رايح اعبد بودا لان المكان اصلا مش ده هدفه دى شركه كبيره
زى ستاربكس وهارد روك وفرايديز والكلام ده كله
ولو دى اصنام يبقى كان المفروض نهد أبو الهول من زماااااااااان

طب انا هسال سؤال
لو المكان دا شعاره النجمة السداسية مثلا هتدخله
"اكيد لا"
طب ما بالك بقى والنجمة السداسية دي دين سماوي بينما بوذا دا راجل هندي تقريبا على ما اتذكر الناس بتعبده هناك في الهند ودول شرق اسيا
نيجي على الفراعنة
اولا الفراعنة مكنوش بيعبدو ابو الهول ولا التماثيل ال موجودة كلها الفراعنة كانو بيعبدو شوية الهة كدا شكلهم غريب مرسومين على بعض الجدران وحتى لو تماثيل انت بتبقى اسمك بتزور معبد زي لما تزور سانت كاترين كدا او عيون موسى كلها اثاااااااااااار انما مش تمثال ال راجل ال بيعدوه حاليا حتى الان في دول شرق اسيا
وبعدين لو مش عايزين حاجة local في 100 كافيه تاني تقدرو تروحوه