من المعـادى (الاوتوستراد ) الى جنينة مول فى مدينة نصر

**boamengo** · 21-02-2010 02:43 PM

السلام عليكم

لو سمحتم انا عايز اعرف ازاى اروح من اتوستراد المعادى لـ جنينة مول فى مدينة نصر

وشكرا

**gebreel** · 21-02-2010 02:50 PM

بسيطة جدا قدامك طريقين

الاول تكمل في الاوتوستراد طوالي هتلاقي نفسك طلعت كوبري و نزلت منو عند السيدة عيشة و منشية ناصر و كدة تكمل طوالي بقيت عند نادي السكة تكمل كوالي هتلاقي شمالك قاعة المؤتمرات و بعديها بشوية هتلاقي المنصة علي يمينك تكمل طوالي بردو لحد ماتلاقي مسجد رابعة العدوية على يمينك تكمل طوالي بردو تلاقي بنزينة مصر على يمينك واخدة ناصي تدخل يمين هتبقى في عباس العقاد تكمل طوالي لحد ماتلاقي شيخ البلد على يمينك و بعديه كوستا على ناصية شارع تدخل يمين اللي عند كوستا و طوالي تلاقي جنينة مول

الطريق التاني انك من عند صقر قريش تاخد الدائري و تنزل مدينة نصر لحد ماتبقى في الحي السابع و تكمل طوالي لحد رابعة و نفس الطريق

بس بتاع الاوتوستراد اقصر بس فيه اشارات كثير و لو فيه حاجة انا تحت امرك و ممكن ابعتلك تليفوني على الخاص لو عاوزو معاك و في اي وقت كلمني لو حابب

**boamengo** · 21-02-2010 03:20 PM

بجد مش عارف اقولك ايه
الف شكر ليك ياباشا ع الرد

وربنا يكرمك ان شاء الله

يعني انا اكمل اوتوستراد واخش عباس يمين واكمل لغاية شيخ البلد وكوستا ومن جنب كوستا اخش يمين وامشي علي طول الاقي جنينة مول ان شاء الله ؟

شكرا مرة تانية ع الرد والافادة

**gebreel** · 21-02-2010 04:11 PM

المشاركة الأصلية كتبت بواسطة boamengo

بجد مش عارف اقولك ايه
الف شكر ليك ياباشا ع الرد

وربنا يكرمك ان شاء الله

يعني انا اكمل اوتوستراد واخش عباس يمين واكمل لغاية شيخ البلد وكوستا ومن جنب كوستا اخش يمين وامشي علي طول الاقي جنينة مول ان شاء الله ؟

شكرا مرة تانية ع الرد والافادة

العفو يا باشا بالظبط كدة بس انا حبيت بس اوصفلك بالتفصيل الممل علشان لو تهت لا قدر الله تدور على العلامات دي