و منور القسم و الله يا راؤول و ابقي طمنا
1- أول مندور العربية, صفيير غبي قوي من السير, الله أعلم أنهي واحد, في أي جو سواء حر أو برد.
ده غالبا سير الدينامو محتاج يتشد فخلي الميكانيكي يشده و اهو بالمره تتطمن علي السير
2- فيه صوت من الشكمان صوت كده مش عارف اوصفه بس هو غريب قوي زي رعشة كده وبيبان قوي في النقلا التانية في أولها.
مش عارف ايه الموضوع الصراحه بس ان شاء الله بسيطه و الميكانيكي هيظبطلك الحوار ده
3- العربية تسارعها وحش قوي في رأيي, يعني أنا كنت قرأت باين إن تسارعها في 14 ثانية, أنا حاولت كذا مرة معرفتش أجيب اقل من 18 ثانية.
انت بتنقل علي كام rpm بالظبط ؟ دي العربيه خفيفه و بتطير عموما هتتظبط ان شاء الله
4- العربية بعد ال 100 بأحس إنها خفيفة قوي مش عارف ليه, وبتجيب 140 بالعافية وساعتها بأحس العجل هيتفك. شكلها كده عايز ترصيص و تربيط عفشة ولا ايه ؟
ظبط زوايا بالكمبيوتر و رصص و ربط العفشه و هتبقي تمام الليله دي مش هتكلفك اكتر من 50 جنيه بسلاطتها ببابا غنوجها
5- العربية...ساعات...وده حصلتلي مرتين في الجو البرد, بعد مابتدور, والحقن يشتغل وبتاع, أحس إن العربية هبطت جامد قوي وكإن ال rpm نزل على 400 أو 300 مثلا وبأحس إنها عايزة تبطل ودوسة البنزين بتبقى مقطعة قوي.
لو لمبه ال check منوره حط الحساسات علي الاسكانر و عموما و انت عند الميكانيكي اشتري علبه منظف الرشاشات ( ب 15 جنيه ) و خليه ينضفلك البوابه و الايدل كنترول و الرشاشات و العربيه هتطير معاك بعد كده ان شاء الله
6- المساعدين اللي قدام في المطبات الصغيرة الحديد ده ساعات برده بتخبط جامد, معرفش ده باطحات ولا ايه.
شوف لو المساعدين فيهم مشكله او جايبين زيت هاتلك اتنين جداد ( و ابعد عن الاستيراد ) و لو المساعدين تمام يبقي البطاحات محتاجه تشحيم و ان شاء الله بسيطه يا باشا
7- العربية في الملفات يمين شمال وممكن في المشي كمان لقدام بيطلع صوت تكتكة, كده محتاج كابالن أكيد, يا ترى اسعارهم ايه ؟
ممكن يكونوا حاجه تانيه عموما الكبالن لما بتبوظ بتطقطق و اكشف علي علبه الاسكاترا بالمره
8- العربية مساعدينها أو عفشتها في المجمل خفيفة قوي أو طرية الله أعلم, بس في الحتت المكسرة العربية بتبقى عاملة زي المرجيحة يمين وشمال, معرفش هي طبيعتها كده ولا أنا عندي مشكلة ؟
بعد الكشف علي العفشه و ظبط الزوايا و الترصيص و تربيط العفشه هتبقي تمام ان شاء الله
المفضلات