الموضوع: محتاج مساعدة من كل الوحوش ومناقشة حرة عامة واقفوا جنب اخوكم ؟

هما يمكنت مصنعيتهم زيادة شويه بس عمرهم ما إتنكوا عليا بالعكس أنا مصاحب كل الي في التوكيل وشغلهم نضيف جدا

شياكه وفخامه ..وامان وثبات ....

نفسي تركب اللينيا قبل ما تقول الكلمتين دول !!!!
ويا ريت متغلطش في بتوع الفيات زي المرة الي فاتت

المشاركة الأصلية كتبت بواسطة dr_hassan82

!!!!!
هو فيه ايه ... ..:o_stupid[1]:
الراجل بيفاضل بين كوردوبا ..والنترا وسيراتو ..
وانا بقله رايى .. ايه اللى جاب سيرة اللينيا الوقتى .....

هو نفسة إتكلم عن اللينيا

-------------------------------------------------------------
macdiv -yoko

شاكر مروروكم وارائكم بجد , بس النقطة انى مش قد توكيل اومترا وصياناته وقطع غياره غالية
انا عارف ان العربية تقفيلها وهمى وممتازة وقعدت فيها واتفرجت عليها فى معرض وانبهرت بيها, ممكن يكون الكام مرة اللى عملتم فيها الصيانة كانوا كويسين معاكم بس اغلب الناس بتشتكى منهم , والعربية مظلومة معاهم لان العربية دى انااسمع انها فوق الممتازة ,
انتم عارفين كمان حتى توكيل سيات مش عارف ليه طالعين فيها ,عشان يتعامل معاهم لخدمة المنتدى والاعضاء لقناهم بيتنكوا علينا , انا مش عارف ليه كل التوكيلات عايشين فى برج عاجى ليه كدا
وتلاقى توكيل كويس بس غالى نار فى كل حاجة وتناكة فى التعامل مع الناس او توكيل كويس بس تلاقى فى مشاكل كتيرة فى عربياته , نفسى بجد التوكيلات تهتم بالتعامل مع الناس والخدمة ويبطلوا جشع , لانهم بيكسبوا كدا كدا فمش مشكلة لو بيكسبوا بالعقل ويريحوا الناس ويهتموا بالعربيات اللى عندهم وصيانتها
والله اللى بيحصل فينا ده حرام

المشاركة الأصلية كتبت بواسطة dr_hassan82

اصلى ... قريت زبدة الموضوع
ولم اتغلغل بين ثناياه العميقه ....
عموما اللينيا عربيه محترمه جدا ..... وده مفيهوش نقاش
وسواء هى او كوردوبا ... اى وحده مهنم هتكون اختيار رائع ...

----------------------------
انا بشكر dr_hassan82 جدا وعلى مرورك
فعلا انا نفسى وبجد اركب سيات كوردوبا مستعملة وبدور على واحدة بتكون فى حدود 95 الف او 100 الف بالكتير وتكون ماشية 10 الاف كيلو ومش لاقى والكل بيضرب فى اسعار عالية جدا
وبعدين لما اتكلمت على التوكيل بتاع سيات , انا عارف انهم محترمين فى صياناتهم وكل حاجة , لكن انا بتكلم من زواية تانية بحكى عليها وهى اننا حاولنا نوصل لناس جوة عشان نكلمها ونعمل اتفاق عشان نجيب تخفضيات من عندهم للمنتدى فكلمونا باسلوب تناكة شوية وبقلة ذوق ومش ابدوا اى تعاون وبصراحة اللى كان بيعمل التواصل ده والمجهود ده اخونا وزميلنا هنا فى المنتدى محمد مصطفى ربنا يبارك له على مجهوده وتقاريره وتعاونه معانا,
بس هى العربية تحفة وخصوصا موضوع ان الفتيس 6 سرعات غير غيار الريفيرس يبقوا فى الاخر 7 نقلات, وانا غير كدا معايا بولو وعارف قيمة العربيات دى كلها , وربنا يكرم فى الفترة دى واقع على عربية لقطة

وبشكر كمان yoko انا اول مرة شوفت فيها اللينيا كنت فى اسكندرية ودخلت اتفرجت عليها فى توكيل فيات فى سيدى بشر وقعدت فى العربية والعربية تقفيلها رهيب ومن جوة حاجة محترمة جدااا, بس انا قريت فى القسم الفيات ان فى ناس كتير مش مبسطوين مع التوكيل بسبب المعاملة واسعار قطع الغيار الغالية , وانا يمكن مقدرش ادفع او اتحمل قطع غيار غالية من تيل فرامل ممكن يكون اغلى من 300 جنية , وحتى لو كان سعره فى الحدود دى , انا حابب الاتوماتيك وتعبت من قصة المانيول
يمكن انا مش جربت موضوع الدبرياج الهيدرولك ده , وعشان كدا مش حتكلم كتير , بس نفسيا انا تعبت من المانيول بجد
وفعلا برفع القبعة الى اللينيا وان كنت نفسى تنتشر اكتر وتزيد مبيعاتها وينزل منها اتوماتيك والتوكيل يهتم اكتر بالصيانات وقطع الغيار , حيكون ليها شان اخر

Tayer انا عارف انك تقريبا حيران زى وبتدور تقريبا ياترى وصلت لفين انت كمان

tza انا شاكر مرورك اخى الكريم , انا من الناس اللى كنت معجب بيها اوى و رحت زمان واتفرجت على العربية دى وعملت تقارير عنها وموجودة فى قسم السوزوكى , بس بصراحة بردوا مكدبش عليك , هى عربية تحفة , وتحفة بجد , ولكن قطع الغيار بردوا غالية ومش موجودة الا جوة التوكيل ,وتيل الفرامل ب450 , فده بالنسبالى غالى , ما بالك باقى قطع الغيارلو كان علبة دريكسيون او حاجات كبيرة لقدر الله , وممكن يقولولك ساعتها مش موجودة وحنبعت نجبهالك من بره , واركن جنبه بقا
فعشان كدا صرفت نظر عن السوزوكى وانا بتقطع بردوا , لانها عجبانى وكان نفسى يكون قطع غيارها منتشرة بره
وبعدين تقريبا اللى بسعر 100 الف ده حتكون 2009 قديمة مركونة مش 2010

بصراحة انا برفع القبعة لكام عربية بس قطع غيارهم غالية بالنسبالى وبعدين المشكلة انهم مش موجودين الا فى التوكيل ولازم الصيانة تتم عن طريق التوكيل
وهما الهوندا سيتى حبيبة قلبى -سوزوكى sx4
اما السيات كوردوبا بعشقها و ممكن اخلع من التوكيل لان فى ميكانيكية كتير بيعرفوا يشتغلوا فى الالمانى زى بردوا ان فى ميكانيكية كتير بيشتغلوا فى الكورى بره التوكيلات وبعدين قطع الغيار شغالة بره وموجودة عند بتوع الفولكس وكمان فى الحرفين استيراد وسهل جدا الوصول ليها واسعارها ممكن تكون مناسبة واقل من اليابانى
واللينيا وذكرت فوق سبب اعجبابى بيها
واخيرا التيدا بردوا بدور على واحدة كسر زيرو منها ,بس الفئة اللى ب114 بدور منها على كسر الزيرو

و فى النهاية لو مش وقعت على حاجة لقطة من الكوردوبا او التيدا حيكون باذن الله النترا وحتكون خليجى ب100 الف وفيها كل حاجة ما عدا الabs وامرى لله

بس كنت عاوز اقولكم على حاجة بالنسبة لموضوع الخيلجى ده

انا قريت رد فى موضوع مثبت فى المنتدى عندنا فى قسم هيونداى للمهندس عاطف عبد السميع تبع خدمة العملاء فى هيونداى رد كان بيقول فيه انهم مش بيعملوا صيانات الخليجى , عاوز اعرف ايه صحة الكلام ده
وبعدين لما بسال معرض بيقولى حدخلك العربية تبع شركة تامين ضدد عيوب الصناعة , طيب ازاى حدخل او حروح فين اعمل الصيانات ولو في عيب حعمله عند مين وهو التوكيل مش عاوز يدخلنى
ياريت حد يفهمنى النقطة دى من ملاك الالنترا او اى حد عنده خبرة فى الموضوع ده يفيدنى فيه