الموضوع: اسبيرانزا تيجو1600 ام هيونداي ماتريكس

المشاركة الأصلية كتبت بواسطة sa3dawy

وعلى فكرة الكارينز اكيد سحبها ممتاز جدا
لان موتورها هو بتاع الالنترا والسيراتو

ومن الشكل كده وكلام الناس

بالنسبة للثبات لو هنرتب من الافضل الى الاسوء

يبقى الكارينز
ثانيا الماتريكس
ثالثا التيجو

يعنى الكارينز اثبتهم

الماتريكس ثباتها تقريبا زى ثبات الياريس مثلا
وان كان الياريس مش بتعوم زي الماتريكس بسهولة

التيجو دى عربية لو واحد فلوسه زايدة عليه وعاوز يجرب ويتسلى ويشوف حاجة جديدة

مع احترامى لكلام حضرتك فانه مش صحيح اطلاقا
التيجو من اكتر العربيات ثباتا فى الفئة بتاعتها بل تنافس كمان عربيات سيدان مش عربيات فى علوها
للعلم كنت بجيب بها 150 بكل سهولة و كانت فى منتهى الثبات (مع العلم ان مش بحب السرعة الزيادة و منصحش حد بيها حتى لو راكب مرسيدس s500)
و فيه اصدقاء هنا فى المنتدى مش بيمشوا بيها اقل من 180/185 و على المنحنيات كمان برده فى منتهى الثبات
و بالنسبة لاستهلاك البنزين تحسن كتير عن اول ماجبتها اللواقتى بعد 3000 كيلو 20 لتر بيعملو حوالى 275 كيلو على طريق السفر و حوالى 185 كيلو داخلى البلد

الشئ الوحيد اللى يمكن بتتفوق فيه الكارينز عن التيجو هو الوسع الداخلى و باللذات فى الكنبة اللى ورا (و برده مش فرق كبير بينهم) غير كدا فان التيجو بتتفوق من بقية النواحى سواء فى العلو عن الارض او قوة الصاج و العفشة (التيجو دخلت اكتر من رالى فى الصحراء بما فيهم رالى داكار اللى هو اصعب و اعنف رالى فى العالم و كملت السباقات كلها للاخر و اخدت مراكز كمان)

على فكرة احنا مش بنلاقى الفلوس فى الشارع ابدا علشان نجيب عربية اى كلام
لان قبل ماجيبها شفت معظم العربيات اللى فى رنج 80 الى 160 الف جنيه منهم الكارينز و الياريس و السيراتو و الكروز
يعنى مثلا عربية زى تويوتا ياريس فهى تباع فقط لانها يابانى رغم عيوبها الكتير زى ضعف الصاج و الدهان و الكبوت اللى لازق فى مقصورة السائق ده غير عدم الثبات اللى الكل اجمع عليه
عربية زى ده متستاهلش اكتر من 55/60 الف جنيه بالكتير