الموضوع: ايوة بدافع عن السيراتو !!

المشاركة الأصلية كتبت بواسطة tamagogo

انا كنت مش مقتنع بالسيراتو برضه بس بعد ماسقتها بصراحه عجبتني ومالقيتش الخرف بتاع الحدفه الشمال والخرف ده.

عايز اقول كام نقطه:
1- لو السيراتو بتتقارن بالجييتا والسيفيك فده فخر للسيراتو انها بتتقارن بعريه اغلى منه من 50 ل 80 الف جنيه
2- فيه قانون لمكيافيلي بيقول "اذا كنت لا تستطيع الحصول على شيء فاحتقره" وده اللى بيعمله ملاك العربيات التانيه ممكن يكونوا معاهم عربيات احسن بس زعلانين انهم لقوا عربيه عمليه وجيده جدا (مش سوبر) ارخص من عربيتهم بعشرات الالاف وفات وقت التراجع خلاص.
3- انا شايف ان السيراتو هى نفس الالنترا نفس الشاسيه وتقريبا الموتور بس مش متاكد. وهيونداي اشترت كيا من 7 سنين تقريبا وبقوا العربيتين بينزلوا بنفس الشاسيهات والمواتير بس باشكال مختلفه وديه حركه صايعه جدا من هيونداي عشان اللى يفلت من النترا مايفلتش من سيراتو وخلي بالكوا انهم بيخلوا فرق 3 سنين تقريبا بين الاشكال الجديده للعربيتين عشان لما الناس تزهق من شكل الالنترا تلاقي شكل السيراتو الجديد وبعد سنيتن لما تزهق من شكل السيراتو الجديد تلاقي الالنترا نازله بشكل جديد واكيد هيكن فظيع فكله يروح يجيبها , بصراحه اساتذه.
4- انا كنت متخيل هلاقي عفشه خشب مع الجنط ال 17 بس لاقيته معقول ومش مزعج ولو اتملى نيتروجين هيكون احلى (خلي بالك اني كان معايا ياريس)
خلاصة الكلام العربيه حلوه ومناسبه جدا لسعرها والصفقه الرابحه لاي واحد بيشتري عربيه بالسعر ده.

واللي عايز يكمل يقارنها بالجيتا والسيفيك ويوقل عليها وحشه انا شاف المفروض تشكروه. وممكن يقارنها بالي ام والمرسيدس كمان لو حب:)

معلش .. بس محدش قال انها تتقارن بالسيفيك ولا الجيتا ولا اللي زيهم .. وطبعا مفيش مجال للمقارنة .. اللي بنقوله ان السيفيك فاضية وبفرق 20000 جنيه احسن 100 مرة من السيراتو اللي مليانة كماليات .. بس كده ..

لكن طبعا .. دي وجهات نظر .. ولن يجتمع الجميع على وجهة نظر واحدة في كل المجالات وكل السلع.

المشاركة الأصلية كتبت بواسطة eng.sameh

اللي بنقوله ان السيفيك فاضية وبفرق 20000 جنيه احسن 100 مرة من السيراتو اللي مليانة كماليات .. بس كده ..

كلمه "مبالغه" يمكن تكون صغيره جدا على كلامك دا يا سامح بك

المشاركة الأصلية كتبت بواسطة normal

كلمه "مبالغه" يمكن تكون صغيره جدا على كلامك دا يا سامح بك

صديقي العزيز .. ممكن تكون شايفها مبالغة .. لكن انا شايفها عين العقل .. الكماليات يا عزيزي أخر حاجة المفروض تفكر فيها .. وبعدين ماهو مش بس السيفيك .. ما انت مثلا عندك ليون مليانة كماليات ( اللي هي كماليات بجد بمستوى جودة ونضافة مختلفة تماما عن اللي في السيراتو ) وفيها كماليات اكتر من اعلى فئة في السيراتو وبردو بفرق 20000 .. ولو اعدنا نعدد هتلاقي حجات كتير ممتازة ومليانة كماليات بجودة ونضافة واساسيات ونظام تعليق وعفشة وتقفيل واعتمادية وعمر افتراضي وكل حاجة احسن بمراحل من السيراتو يعني مش السيفيك بس ، لأ في جزا حاجة فيها الكماليات والدلع كله وكمان بجودة عالية سواء اساسيات او كماليات وبرضو في رينج ال 20000 ...

بس في الأول والآخر كل واحد عقله مريحة .. ولكن الواحد بيتكلم من منطلق حب لأخيك ما تحب لنفسك .. وباكرر ان كلامي للي لسه بيفكر .. وربنا يهني كل واحد معاه العربية ويباركله فيها ويحفظهاله من كل سوء .. ويرزقنا كلنا ان نشكر فضله علينا جميعاً.

ودمتم بخير

المشاركة الأصلية كتبت بواسطة M7amD_7amDy

انت فهمتنى ازاى..؟

ياباشا انا قصدى ان مفيش اى حاجة من اللى الناس بتقولها دى

انا معايا الهاى لاين والخامات ممتازة جداا ومفيش اى حاجة رديئة

اكيد مش بنفس مستوى الألمانى بس متقلش كتير ونقول عليها خامات رديئة

بالعكس الخامات كويسة جداا ومقبولة جداا على عربية بالسعر ده

وبالنسبة للموتور والثبات دول احسن حاجة فى العربية


انزل بنفسك واتفرج وشوف

مش هتلاقى حاجة تتقال.....
غير انك تقول.. العربية دى ( تعقد )

ههههههههههه

معلش يا كبير .. مبفهمش بسرعة الظاهر اليومين دول .. انا افتكرتك والله بتشتم في العربية .. وكنت لسه باعت ناس يخطفوك

ربنا يكرمك ألف شكر على مشاركتك الجميلة والإفادة :)

المشاركة الأصلية كتبت بواسطة tamagogo

انا كنت مش مقتنع بالسيراتو برضه بس بعد ماسقتها بصراحه عجبتني ومالقيتش الخرف بتاع الحدفه الشمال والخرف ده.

عايز اقول كام نقطه:
1- لو السيراتو بتتقارن بالجييتا والسيفيك فده فخر للسيراتو انها بتتقارن بعريه اغلى منه من 50 ل 80 الف جنيه
2- فيه قانون لمكيافيلي بيقول "اذا كنت لا تستطيع الحصول على شيء فاحتقره" وده اللى بيعمله ملاك العربيات التانيه ممكن يكونوا معاهم عربيات احسن بس زعلانين انهم لقوا عربيه عمليه وجيده جدا (مش سوبر) ارخص من عربيتهم بعشرات الالاف وفات وقت التراجع خلاص.
3- انا شايف ان السيراتو هى نفس الالنترا نفس الشاسيه وتقريبا الموتور بس مش متاكد. وهيونداي اشترت كيا من 7 سنين تقريبا وبقوا العربيتين بينزلوا بنفس الشاسيهات والمواتير بس باشكال مختلفه وديه حركه صايعه جدا من هيونداي عشان اللى يفلت من النترا مايفلتش من سيراتو وخلي بالكوا انهم بيخلوا فرق 3 سنين تقريبا بين الاشكال الجديده للعربيتين عشان لما الناس تزهق من شكل الالنترا تلاقي شكل السيراتو الجديد وبعد سنيتن لما تزهق من شكل السيراتو الجديد تلاقي الالنترا نازله بشكل جديد واكيد هيكن فظيع فكله يروح يجيبها , بصراحه اساتذه.
4- انا كنت متخيل هلاقي عفشه خشب مع الجنط ال 17 بس لاقيته معقول ومش مزعج ولو اتملى نيتروجين هيكون احلى (خلي بالك اني كان معايا ياريس)
خلاصة الكلام العربيه حلوه ومناسبه جدا لسعرها والصفقه الرابحه لاي واحد بيشتري عربيه بالسعر ده.

واللي عايز يكمل يقارنها بالجيتا والسيفيك ويوقل عليها وحشه انا شاف المفروض تشكروه. وممكن يقارنها بالي ام والمرسيدس كمان لو حب:)

تسلم يا كبير .. كلام في الجووون والله ومعلومات مهمة
أشكرك على الإضافة ..

المشاركة الأصلية كتبت بواسطة tamagogo

لا كورولا ايه خليك هادي احسن

ممكن كورولا كمان والله .. ما هو الفرق مش كبير لو هجيب سيفيك فاضية :)

المشاركة الأصلية كتبت بواسطة Eng.Sameh

معلش .. بس محدش قال انها تتقارن بالسيفيك ولا الجيتا ولا اللي زيهم .. وطبعا مفيش مجال للمقارنة .. اللي بنقوله ان السيفيك فاضية وبفرق 20000 جنيه احسن 100 مرة من السيراتو اللي مليانة كماليات .. بس كده ..

لكن طبعا .. دي وجهات نظر .. ولن يجتمع الجميع على وجهة نظر واحدة في كل المجالات وكل السلع.

انا معاك يا باشا .. وجهات نظر وكل الوجهات تحترم .. وادينا بنتناقش

انا بس بقول انا احب الكماليات ودي اهم حاجة عندي وهي اسمها كماليات ليه ؟؟

مش عشان هي وحشة او درجة تانية ؟
لأ أبدا هي معناها .. انها ممكن نستغنى عنها في الفئات الأقل .. عشان سعر العربية يكون في متناول فئات معينة من البشر ..

على سبيل المثال : الاساسيات .. المحرك .. الجير

بس ايه الاساسي ؟؟

المحرك 1600 سي سي .. الجير أو الفتيس عادة او اتوماتيك .. الكماليات انك تجيب الجير ده ستبترونيك .. ما هي دي تعتبر بردو كماليات !! حاجة زيادة وليها سعرها !!

الكماليات دي اللي هي سبل الراحة اللي موفراها العربية للسائق والركاب .. زي مثلا لو حضرتك شفت العربية مايباخ ؟!!

شفت مليانة كماليات ازاي ؟؟

بس معظم رجال الأعمال راكبين مايباخ وسايبين الرولز رويس ؟؟

مع ان دي رولز رويس ومعلهاش كلام .. بس الرولز رويس اغلى من المايباخ والكماليات في المايباخ أكتر من الرولز رويس !!

هي نفس الفكرة ..

انا عن نفسي احب قوي ان العربية تكون سمارت كي وستارت ستوب انجين .. وستبترونيك وسي دي 6 اسطوانات .. وتارة مالتي وجنوط 17 .. وكل مرة اركب العربية احس ان سبل الراحة فيها زي الفل .. عن اني اركب عربية مفيهاش غير حاجتين تلاتة ..

ودي وجهة نظري يا كبير .. واشكرك على مشاركتك

المشاركة الأصلية كتبت بواسطة NoRmAl

كلمه "مبالغه" يمكن تكون صغيره جدا على كلامك دا يا سامح بك

وجهات نظر .. بس انا مع حضرتك .. مبالغة

انا هدفع 20 الف جنيه زيادة !!

وفي عربية مخدتش فيها حاجة زيادة عن السيراتو غير انها محرك أقوى حبتين من السيراتو !!! وشكل مختلف !!!

مع احترامي انا عندي ادفع ال 145 دول في عربية بي ام دبليو مستعملة حلو

و2300 سي سي واهي محرك بقى وشكل واهي الماني .. وبي ام دبليو !!

صحيح هخسر الزيرو في السيفيك .. بس هكسب محرك اقوى هكسب بي ام الماني هكسب حاجات تانية كتير ..

قطع غيار البي ام غالي .. والسيفيك كمان غالي .. ده غير ان السيفيك حط 4 فيها هتلاقيها بتحك في كل مطب في الشارع ..

ووالله انا مش ضد السيفيك انا من عشاقها .. بس مستغلي اوي 188 الف فيها وهي كاملة و145 الف وهي فاضية ؟؟ كتير اوي على عربية ياباني !! ولا المازدا اللي بقت معدية ال 150 الف ولا ولا ولا .. لو حضرتك لاحظت المازدا 3 الشكل جديد مخدش انتشار ولا حد بيشتريه بسبب سعره الجديد ده .. قليل اوي اللي راكبين مازدا 3 الشكل الجديد ..


شفروليه كروز داخلة المنافسة بس عشان سعرها أغلى ومن غير فتحة سقف السيراتو كسبت ..

وفي الاخر بقول تاني وجهات نظر ..

اشكرك على مشاركتك

المشاركة الأصلية كتبت بواسطة eng.sameh

صديقي العزيز .. ممكن تكون شايفها مبالغة .. لكن انا شايفها عين العقل .. الكماليات يا عزيزي أخر حاجة المفروض تفكر فيها .. وبعدين ماهو مش بس السيفيك .. ما انت مثلا عندك ليون مليانة كماليات ( اللي هي كماليات بجد بمستوى جودة ونضافة مختلفة تماما عن اللي في السيراتو ) وفيها كماليات اكتر من اعلى فئة في السيراتو وبردو بفرق 20000 .. ولو اعدنا نعدد هتلاقي حجات كتير ممتازة ومليانة كماليات بجودة ونضافة واساسيات ونظام تعليق وعفشة وتقفيل واعتمادية وعمر افتراضي وكل حاجة احسن بمراحل من السيراتو يعني مش السيفيك بس ، لأ في جزا حاجة فيها الكماليات والدلع كله وكمان بجودة عالية سواء اساسيات او كماليات وبرضو في رينج ال 20000 ...

بس في الأول والآخر كل واحد عقله مريحة .. ولكن الواحد بيتكلم من منطلق حب لأخيك ما تحب لنفسك .. وباكرر ان كلامي للي لسه بيفكر .. وربنا يهني كل واحد معاه العربية ويباركله فيها ويحفظهاله من كل سوء .. ويرزقنا كلنا ان نشكر فضله علينا جميعاً.

ودمتم بخير

انا مع حضرتك في كلامك وليون عربية زي الفل .. بس بردو بنرجع هنا لنقطة السعر ومبدأ


السعر مقابل الكماليات ..

قدرت توفر عربية للناس بأهم واحسن الكماليات .. وبسعر ينافس منافسة قوية يبقى انت تكسب ..

انا اهو بقول لحضرتك انا لو معايا 150 الف مدفعهاش في كوري ولا حتى ياباني بس اه ادفعها في الماني .. زي المرسيدس والبي ام دبليو أو حتى الفولكس ..

المشاركة الأصلية كتبت بواسطة gundal

انا مع حضرتك في كلامك وليون عربية زي الفل .. بس بردو بنرجع هنا لنقطة السعر ومبدأ


السعر مقابل الكماليات ..

قدرت توفر عربية للناس بأهم واحسن الكماليات .. وبسعر ينافس منافسة قوية يبقى انت تكسب ..

انا اهو بقول لحضرتك انا لو معايا 150 الف مدفعهاش في كوري ولا حتى ياباني بس اه ادفعها في الماني .. زي المرسيدس والبي ام دبليو أو حتى الفولكس ..

احلى حاجة فيك يا اخ gundal ان المناقشة معاك عقلانية جدا انت وباقى الاعضاء زى الاخ normal وباقى الاعضاء وانا بصراحة متحيز لرأى العضو eng sameh لانى بفكر نفس تفكيرة بس الفكرة ان انا والعضو eng sameh مش بنهاجم العربية بحقد او بغيظ او باى حاجة وانما بنهاجمها بموضوعية ومش بنهاجم الاعضاء الى اشتروها لان الى اشتروها ربنا يباركلهم فيها والى ما اشتروهاش ادينا بنتناقش عشان يكون فى مساحة اكبر للتفكير للى هيشتروها لسة
وانا واحد من الناس كنت حجزت واحدة سيراتو هاى لاين من 7/4/2009 وكيل ولحد انهردة ما استلمتهاش ولغيت الحجز وقررت انى اجيب شيفرولية كروز مكان النيو سيراتو لانى شايفها افضل واعتمادية اكبر وافضل من النيو سيراتو هتقولولى ازاى هقولكم معرفش هى عجبانى اكتر من السيراتو لانى بحس فيها بالطابع الاوربى او بالاخص النظام الالمانى الى انا متعود علية وبحبة فاسواء الكروز او السيراتو بالنسبالى ان العربيتين متقاربين لبعض فى كل حاجة وفى النهاية هما كورى يعنى بالنسبالى الاتنين زى بعض مع فارق انى بفضل الكروز زى ما قولت قبل كدا فا فكرة ان الكروز او السيراتو تقارب سعر اليابانى او الاوربى فا دى مش فى صالحها لان فى حاجات كتير بتفرق عن الشكل والكماليات مثل الاعتمادية والثبات والعمر الافتراضى
يعنى لو بصينا لاى عربية اوربية ولتكن مثلا بيجو او فولكس او سكودا او رينو او اودى لو بصينا على العربيات دى من موديل 2000 فيما قبل وبعد لحد انهردة العربيات دى ماشية كويس جدا مع فارق بعض العيوب الى بتظهر من سوء الاستخدام والناس بتفضل انها لما تشترى عربية قديمة اقل من السنة الحالية بتكون ما بين 5 و 10 سنين فا كلة بيفضل الاوربى ومعاه اليابانى وقليل الى بيفكر فى الكورى بسبب المبلغ الذى يمتلكة فا الفكرة هنا هل ستصمد السيراتو بعد 5 سنوات لما يحب كل مالك للنيو سيراتو انة يحب يغيرها وهل سيكون عليها اقبال بعد 5 سنوات فى سوق المستعمل وان الناس تركبها بعد ما اتبهدلت فى طرق بلدنا 5 سنوات فيما اكثر ارجو الرد على سؤالى رغم ان الرد على هذا السؤال سيكون بعد 5 سنوات ان كان ليا وليكم العمر ان شاء الله