يا باشا مفيش زعل ولا حاجة .. وطبعا كلنا لازم نتقي الله .. بس الجملة هنا معناها اني بقول كلام مش بتقي الله فيه وغير مقتنع بيه .. عشان كده هي تزعل في هذا السياق .. بس ولا يهمك طالما نيتك خير ..
بالنسبة للفئة فأنا قلت فوق بس الظاهر انت مأخدتش بالك .. هي الفئة اللي قبل اعلى فئة مش عارف بقه دي تطلع ايه !
بالنسبة للبطحة :) .. فده ظاهر في مواضيع كتير .. اي حاجة تتقال على السيراتو بيكون اللي قايلها من وجهة نظركم ( كمالكيها ) انه عدو النجاح او تبع توكيل تاني او مفتري او اي حاجة غير ان يكون بيعكس رأيه بصراحة او تجربة فعلية ..
وبعدين محدش يقدر يجي يقول على الشربات مخلل .. ولو قال كده محدش هيسأل في كلامه .. فلو حد جه مثلا قالي على ثبات المازدا3 وحش ولا هيأثر عندي الكلام ده لأنه كل الدنيا عارفة ثبات المازدا3 عامل ازاي ونظام تعليقها عامل ازاي بردو . المازدا3 نظام تعليقها فورد ومن احسن نظم التعليق بدون نقاش . وشاسيه المازدا3 هو نفس شاسيه فولفو s40 .. يعني المازدا3 عربية ياباني اوروبي وتوليفة فريدة في كل مواصفاتها وأثبتت نجاح وكفائة على مر السنين مش لسه هتتجرب.. وبردو مش عشان عربيتي بس ده واقع ..
وأنا عموما مش بقول ان السيراتو عربية وحشة على اطلاق الأمر .. لكن كل وجهة نظري انها قربت من فئة سعرية تتفوق فيها الاختيارات على السيراتو بكتيييييييييييييير . لكن مثلا لو كان اعلى فئة في السيراتو ب 110 كانت بقت مناسبة لسعرها وكان يبقى الفرق المادي بينها وبين الأختيارات اللي افضل منها يبرر اني اشتريها على قد فلوسي ..
لكن في الأول والآخر هي عربية شيك ، وتوكيلها مشكور فيه ، وموتورها حلو في السحب ( رغم تحفظي على خامات وعمر اي موتور كوري ) ، ومليانة كماليات ودلع بس كان ناقصها الزينون بصراحة ... وعاجبة ناس كتير منهم اللي مقتنع بيها ومنهم اللي بيشتري زي اللي شايفه بيتباع وماشي في الطبور وخلاص ، ومنهم اللي فرحان بالشكل وعاجبة ان يكون راكب عربية فيها كماليات كتير .. ومنهم اللي كان راكب مثلا لانوس فمنبهر بيها والفرق بالنسباله محسسه انها عربية من الآخر ..
يعني فيه وجهات نظر كتيرة ودوافع كتيرة وكل واحد زي ما قلنا ليه دماغ مريحاه ... وانا رأي لو انتم فعلا مقتنعيين بالعربية اقتناع كامل متتهزوش وتزعلو من كل كلمه او نقد بصفة عامة ( مش بتكلم عن كلامي انا ) ، يعني استمتعوا بعربياتكم وريحوا دماغكم ، ومحدش يعني بيجيب العربية ومبيغيرش ..
وربنا يستر طريقنا كلنا ويمتع كل واحد بما رزقه.
ودمتم بخير
المفضلات