نظام الشد المسبق لاحزمة الامان

**محمد عبد المجيد** · 28-12-2007 11:24 PM

موجود عندى فى الكتالوج (لانسر خليجى 1300- 2008) ان فبها " نظام الشدالمسبق لاحزمة الامان"
ياريت اعرف معناه ايه - وهل فيه نوعين من الاحزمة ؟؟

**magomago** · 30-12-2007 10:11 PM

المشاركة الأصلية كتبت بواسطة محمد عبد المجيد

" نظام الشدالمسبق لاحزمة الامان"

الافضل تكتبها بالانجليزى كما هى فى الكتالوج لانها اكيد مصطلح صعب ترجمته

**NaderNabil** · 30-12-2007 10:22 PM

Safety Belt Pretensioners
ده نظام موجود في معظم السيارات الحديثة...هو فكرة عمله مثل الأيرباج....سينسور بيحس بوقوع الحادث فابيفجر حاجة صغيرة في مكنه الحزام بتخليه يتشد علي الراكب....و علي أثرها لازم الأحزمه تتغير بعد الحادث لأنها متنفعش تاني...

**محمد عبد المجيد** · 30-12-2007 11:11 PM

هو فعلا الاسم بالانجليزى كده والكتالوج مكتوب فيه بالعربى زى ما انا كتبت بس ياترى هل فيه ارتباط بينه وبين الايرباج؟؟ يعنى كل السيارات المجهزة بايرباج بيكون فيها النظام ده والسيارات الغير مجهزة يبقى مافيهاش؟؟ - ارجو التوضيح لمن عنده المعلومة للافادة للجميع مع الشكر

**Hesham A.Megid** · 30-12-2007 11:43 PM

المشاركة الأصلية كتبت بواسطة NaderNabil

Safety Belt Pretensioners
ده نظام موجود في معظم السيارات الحديثة...هو فكرة عمله مثل الأيرباج....سينسور بيحس بوقوع الحادث فابيفجر حاجة صغيرة في مكنه الحزام بتخليه يتشد علي الراكب....و علي أثرها لازم الأحزمه تتغير بعد الحادث لأنها متنفعش تاني...

نادر، نصف كلامك صح و النصف التاني غلط...مافيش حاجه بتتفجر في الحزام ولا حاجه، هي كل اللي بتعمله انها بتلف البكره بتاعت الحزام فبيشد عليك و في نوع تاني بيحرك ال retractor mechanism كله لتحت و ده اللي بيقوم بيه ال central control processor قبل ما يفتح ال airbags باجزاء من الثانيه، و في النوعين الحزام مش بيحتاج يتغير

**NaderNabil** · 31-12-2007 12:07 AM

لسه واحد صاحبي عامل حادثة بتويوتا كورولا 2007 ...الأيرباج فتحت و الأحزمة مشدودة علي الأخر و مكسرة القايم البلاستيك ...و مش بينفع تشدهم....و راح فعلا التوكيل و غير الايرباج و الأحزمة...هو مش انفجار ...هو حاجة بتخلي مكنة الحزام تشد في جزء من الثانية...فا أكيد هتكون قوية