السراتو و الشد

**bolok** · 17-05-2010 02:21 AM

السلام عليكم ورحمة الله

ملحوظة عجيبة اوى اخدت بالي منها ياريت السيراتوية يأكدوهالي او ينفوها .. مع اني لسه جايب العربية يوم الثلاثاء اللى فات .. بس كل ما أمشي باحس ان اصحاب السيارات التانية وبتيجي جنبي وتشد وبيكونو عايزني اشد معاهم .. انا ولله الحمد ماليش في الشد ومابحبوش بس بجد بجد دي حستها اوي .. تقولش مثلا العربية مكتوب عليها اللى يحب النبي يشد .... ولا مثلا واخد نمر (( شد 255 )) ... ده تفسيري حاجة من الاتنين ... يا أما الناس عايزة تشوف العربية دي بتعمل ايه في الشد .. او الناس عايزة تقول ورينا بقى العربية اللى انتو مبسوطين بيها دي بتعمل ايه في الشد ...
هي ملحوظة يا ريت حد يا يأكدهالى يا ينفيها

**NoRmAl** · 17-05-2010 02:29 AM

أيوه فعلا بتحصلى كتير
هى لكلٍ أسبابه
واحد يقولك ورينى هتعمل أيه بالى طالعين بيها السما دى
والتانى عايز يعرف الى بيتقال على محركها صح ولا فى الخيال
والتالت عنده نقص
كده يعنى تعددت الاسباب والشد واحدو :)
بس نصيحه متشدش مع حد والى حاجه مضيقاه يشرب من البحر
أنا مره كنت بجرى مستعجل فعديت من مينى كوبر فالواد سخن راح شادد
علشان أفهمه أنى مش بشد هديت وسبته يعدى
بعديها بشويه جبته تانى فبيقلى مكنش ينفع أسيبك تعدى منى
قلتله ومين وهمك أنى بشد معاك أصلا :)) !!
فهو مرض بعيد عنك

**bolok** · 17-05-2010 02:31 AM

شكلها فعلا كده والله يا normal بس بتحصل كتير اوى

**alzwawy** · 17-05-2010 02:46 AM

المشاركة الأصلية كتبت بواسطة normal

أيوه فعلا بتحصلى كتير
هى لكلٍ أسبابه
واحد يقولك ورينى هتعمل أيه بالى طالعين بيها السما دى
والتانى عايز يعرف الى بيتقال على محركها صح ولا فى الخيال
والتالت عنده نقص
كده يعنى تعددت الاسباب والشد واحدو :)
بس نصيحه متشدش مع حد والى حاجه مضيقاه يشرب من البحر
أنا مره كنت بجرى مستعجل فعديت من مينى كوبر فالواد سخن راح شادد
علشان أفهمه أنى مش بشد هديت وسبته يعدى
بعديها بشويه جبته تانى فبيقلى مكنش ينفع أسيبك تعدى منى
قلتله ومين وهمك أنى بشد معاك أصلا :)) !!
فهو مرض بعيد عنك

والله يا نورمال بتاع الميني ده مجنون علي فكره كل الي نعاهم عربيات عاليه بيعملو معايا كده والله انا كنت لسه هعمل نفس الموضوع بس انا دلوقتي اتطورت بقيت بشد مع ميكروباصات هههههههههههههههه متستغربوش اصل انا علي طول اغلبيه الوقت مدينه نصر و الدائري و النزهه ف علي طول بيبقي ماشي جمبي ميكروباصات علي الدائري و بيبقو عاوزين يشدو بس بديلهم علي دماغهم اول ب اول وكمان بتوع السيفيك مش عارف بيجو جامبي ليه و يقعدو يبصولي و يشدو و سبحان الله مفيهمش ولا واحد عداني لحد دلوقتي بس في واحد غشيم معاه سيفيك كنت عاوز انزل اضربه اول امبارح كان ماشي ورايا وانا كنت في الحاره الشمال و عاوز ادخل يمين علشان اليوتيرن وده كان ورايا و انا مديله فلاشر يمين ولاقيته قام جاي من يميني و قام مسخن و كاسر عليا شمال و بصاصلي كده قعدت اضحك ضحك والله معأنه لو كان استني كنت هدخل يمين و اسيبله اليوتيرن يدخله براحته و كنت هبعد عنه مش عارف والله الناس دي عاوزه ايه عاوزين يسبتو لنفسهم يعني اننا راكبين تكاتك و هما راكبين عربيات ربنا يهديهوم

**bolok** · 17-05-2010 02:49 AM

بس ونبي تخلي بالك من بتوع الميكروباص دول علشان الغشم بيبقى اساسي عندهم ...

**yasserelsayad** · 17-05-2010 02:57 AM

ههههه انا بعمل كدا مع الناس .. لما ابقى بالبى ام واشوف واحد معاه سيراتو افضل اسخن فيه عشان يجرى معايا عشان اشوف هتوصل لحد فين مع البى ام بس مش بيجروا مع انى مش بحرم اى احد من حاجة وانا بالسيراتو اى حد عايز يشد بقلبهالوا فورملا

**alzwawy** · 17-05-2010 03:01 AM

[COLOR="DarkRed"]

المشاركة الأصلية كتبت بواسطة yasserelsayad

ههههه انا بعمل كدا مع الناس .. لما ابقى بالبى ام واشوف واحد معاه سيراتو افضل اسخن فيه عشان يجرى معايا عشان اشوف هتوصل لحد فين مع البى ام بس مش بيجروا مع انى مش بحرم اى احد من حاجة وانا بالسيراتو اى حد عايز يشد بقلبهالوا فورملا

ياراجل يعني انت يا ياسر تقعد تسخن فيهم ب البي ام و احنا نقول عليهم عندهم نقص او عاوزين يعرفو احنا راكبين ايه او عاوزين يسبتو لنفسهم حاجه يا راجل حرام عليك انت معاك الاتنين هتسبت لنفسك ايه بقي

**bolok** · 17-05-2010 03:08 AM

المشاركة الأصلية كتبت بواسطة yasserelsayad

ههههه انا بعمل كدا مع الناس .. لما ابقى بالبى ام واشوف واحد معاه سيراتو افضل اسخن فيه عشان يجرى معايا عشان اشوف هتوصل لحد فين مع البى ام بس مش بيجروا مع انى مش بحرم اى احد من حاجة وانا بالسيراتو اى حد عايز يشد بقلبهالوا فورملا

طب بما انك معاك الاتنين .. طبعا مش حنقارن السيراتو ب البي ام بس يعني لو ممكن نعرف الفرق اللى بتحسو بين الاتنين ... ومستوى السيراتو عامل ايه بالمقارنة مع البي ام

**yasserelsayad** · 17-05-2010 03:08 AM

المشاركة الأصلية كتبت بواسطة alzwawy

[color="darkred"]
ياراجل يعني انت يا ياسر تقعد تسخن فيهم ب البي ام و احنا نقول عليهم عندهم نقص او عاوزين يعرفو احنا راكبين ايه او عاوزين يسبتو لنفسهم حاجه يا راجل حرام عليك انت معاك الاتنين هتسبت لنفسك ايه بقي

يا معلم الموضوع مش انى اعرفهم هما راكبين ايه .. انا بس بنكوشهم عشان عارف ان العربية جراية وعايز حد يجرى معايا .. بس معظم الوقت قليل او اللى بيستجيب لطلبى دا وانا بالبى ام لاكن بالسيراتو لو اصلا من غير قصدى و بعدى من شاب وصوت الموتور على سنة تلاقى كيك دون وتغريز اكنى مثلا شتامته :)

بس انا لما بجرى بالبى ام مش بيكون انا اللى بدء .. لا دا انا بلاقى حد بيجرى اصلا واجرى معاه

-

الموضوع: السراتو و الشد

LinkBack

أدوات الموضوع

عرض

-

-

-

-

-

المواضيع المتشابهه

مشكلتي في السراتو بالمنصوره

الشد مع السول

كاسيت السراتو ايه الحل

ماهى فئات السراتو الخليجى

اريال السراتو اتسرق يارجاله!!!!

الكلمات الدلالية لهذا الموضوع

المفضلات

المفضلات

ضوابط المشاركة