مشكور يا باشا وبارك الله فيك
رقم العضوية : 62197
تاريخ التسجيل : 15Feb2010
المشاركات : 38
النوع : ذكر
الاقامة : القاهرة
السيارة: غير موجود
السيارة[2]: 1200 ستندرد- فولكس فاجن
الحالة :
الموضوع ده انا كتبته كرد علي موضوع عن تيل الفرامل ونظراً للاهمية حبيت اضعة كموضوع منفصل مع بعض التعديلات
الاخوة الاعزاء تحية طيبة لكم جميعاً
من واقع تجربتي الطويلة المريرة مع الفرامل في البيتل عاوز اوضح بعض الامور
ممكن تروح لمركز متخصص في الفرامل بس الاحتمال الاكبر ان النتيجة غير طيبة
ممكن تروح لميكانيكي بيتل بس المشكلة ان معظمهم معندوش فكرة كاملة عن الفرامل
اهم حاجة انك تكون محدد المشكلة بالظبط من خلال الاعراض الظاهرة في العربية وتروح بيها لحد يكون خبرة في الفرامل بتاعت البيتل
دي لستة باهم المشاكل التي قابلتني في الفرامل واسبابها
1- العربية بتحدف يمين او شمال مع الضغط علي دوسة الفرامل
:السبب الاساسي ان فيه عجلة بتمسك قبل الاخري قدام او ورا والحدف بيكون في الجهة العكسية من العجلة صاحبة المشكلة يعني لو العربية بتحدف يمين تكون فيه عجلة في الجنب الشمال بتمسك متاخر عن العجلة المقابلة لها في الجنب اليمين.والعكس صحيح.واسباب عدم المسك متعددة مثل ان يكون البستم بتاع العجلة بيرشح زيت وفي هذه الحالة لزم تغير طقم كاوتش البسم (جلاب) 18 جنية الطقم الالماني. وممكن يكون السبب ان هناك هواء في دورة الزيت عند هذه العجلة مما يقلل من قوة الضغط علي البستم "طبعا ضغط الهواء اقل من ضغط زيت الباكم" وويمكن ان يدخل الهواء الي دورة الزيت من اي فتحة فيها مثل الفتحة الموجودة في علبة الزيت في حالة انخفاض الزيت الي مستوي اقل من الفتحة داخل العلبةاو بعد تغير التيل او تغير اي جزء من اجزاء دورة الفرامل
والحل انك تاخد هواء من مسمار الهواء ويستحسن انك تتاكد ان المسمار بحالة جيدة وإلا تروح تعمل مسمار جديد عند الخراط 15 جنيه للمسمار الواحد (في كل عجلة مسمار)
وممكن يكون السبب قي الحدفة ان هناك تيل مكسور في عجلةدون الباقين وبيكون السبب ان التيل صلب اكثر من اللزم وينصح بالتيل الالماني وليس المصري او التركي
وممكن العربية تحدف بسبب ان هناك خرطوم من الخراطيم الموصلة للزيت مخروم او مقطوع او مفكوك وفي هذه الحالة من الملاحظ النقص المستمر في مستوي الزيت بعلبة الزيت (المرجعة الدورية علي العلبة مهمة جداً يمكن اهم من المرجعة علي زيت الماتور)
2- من المعروف ان المستر في البيتل من النوع العادة اي انه بدون سرفو لذا اي مشكلة في المستر تؤثر مباشرة علي ضغظ الزيت في دورة الباكم ومن مشاكل المستر
* خشونة في المستر من الداخل تؤدي الي اعاقة مسار الزيت في المستروتأكل سريع للجلاب (مستر جديد)
*تأكل في جلب المستراو طقم سرفيس للمستر ومرة واحدة تلقي البدال علي الارض(طقم جديدوتجنب الطقم المضروب وعلي فكرة الطقم بتاع البيجو مقاس 19 الفرنساوي بيركب علي المستر بتاع البيتل والطقم كامل ب15 جنيه)
3- بعد ما تنتهي من تركيب طقم سرفيس للمستر او فك المستر لاي سبب اخر وتجرب الدوسة وتلقيها نشفة جداًيكون السبب عادة ان الصنيعي اللي ربط الصمولة بتاعت المستر قرررط عليها علي الاخر وهذا غير صحيح لازم يكون فيه بوش شوية صغيرة عشان الزيت ياخد ويدي
4-بعد الانتهاء من عمل اي شيء في الفرمل وتلقي الفرامل ما بتمسكش كويس
لازم تاخد هواء بعد ضغط متقطع عنيف (كارك) لمدة لا تقل عن 10 دقائق علي فترتين
بحيث ان البدال ياخد المشوار بتاعه كله يعني تدوس علي الاخر ثم ترفع رجلك خالص من علي البدال وهكذا وبعد الخمس دقائق الاولي ياخد هواء وبعد الفترة الثانية ياخد هواء تاني
(لو مروحتش البيت مش قادرترفع رجلك علي السرير يبقي انت ماخدتش هواء كويس)
5- انواع زيت الفرامل الموجودة في العلب البلاستيك بقت معظمها مضروب ومقلد. العلب المعدنية الكبيرة12جنيه او الصغيرة 7 جنيه افضل. أغلي شوية بس النتيجة مضمونة.
6- عند سماع صوت الصفارة بعد الضغط علي دواسة الفرامل اعرف انك هتغير التيل قريب جداً وإلا انت حربقي.(التيل بقي علي البرشام).
واخيراً لا تتهاون في الفرامل لانها قد تساوي حياة انسان وقد يكون هذا الانسان هو انت او شخص من اسرتك.
حفظكم الله من كل شر.أمين
اسف علي الاطالة للضرورة احكام....سلام
رقم العضوية : 49145
تاريخ التسجيل : 07Oct2009
المشاركات : 2,098
النوع : ذكر
الاقامة : Sohag
السيارة: الحمد لله
السيارة[2]: Corola 03
دراجة بخارية: LML
الحالة :
مشكور يا باشا وبارك الله فيك
اللهم يسر لنا امورنا في دنيانا
رقم العضوية : 52717
تاريخ التسجيل : 10Nov2009
المشاركات : 214
النوع : ذكر
الاقامة : مقيم فى منتدى فولكس -- cairo
السيارة: الحمد لله
السيارة[2]: VW-Beetle
الحالة :
الله عليك ياباشا كنت عاوز فعلا موضوع عن فرامل البيتلز --- شكراااا جزيلاااا
رقم العضوية : 8997
تاريخ التسجيل : 15Apr2008
المشاركات : 1,050
النوع : ذكر
الاقامة : مصر الجديدة
السيارة: Logan 2010 Full
السيارة[2]: Vw Beetle 1969
دراجة بخارية: wallahi mafeeesh
الحالة :
الف شكر ليك يا باشمهندس علي المعلومات القيمة جدا
رقم العضوية : 15256
تاريخ التسجيل : 27Jul2008
المشاركات : 347
النوع : ذكر
الاقامة : cairo
السيارة: picanto 2012
السيارة[2]: picanto 2012
دراجة بخارية: دراجه ناريه
الحالة :
طول عمرك برنس و ازيد على كلامك انه ماستر الفرامل خلفى جديد الواحد ب 65 جنية
رقم العضوية : 2602
تاريخ التسجيل : 14Oct2007
المشاركات : 3,896
النوع : ذكر
الاقامة : cairo new
السيارة: volks beetle
السيارة[2]: LANSER -1999.GLX
دراجة بخارية: لا
الحالة :
الله يباركلك ياباشا
موضوع هايل وهادف
انا كان عندى مشكلة الحدف يمين مع الفرامل
واتحلت عند الحاج محمد على بتاع جسر السويس
وفعلا كان بستم العجله بيرشح زيت
وغيرت طقم كاوتش
بس مش فاكر بصراحه السعر
ابـــــو هــــــــــاشـــــــــم [sor2]http://nileup.com/up/uploads/nilemotors_13674136111.jpg[/sor2]
رقم العضوية : 35748
تاريخ التسجيل : 17Mar2009
المشاركات : 503
النوع : ذكر
الاقامة : giza
السيارة: x
السيارة[2]: vw beetle
دراجة بخارية: no
الحالة :
لو كنت كتبت الموضوع ده من 10 ايام كنت وفرت عليا 300 جنيه
انا من 10 ايام كنت فى مشوار مع صحابى وكان واحد صاحبي سايق فلقي الفرامل مبتمسكش جامد
رحت مكارك اشتغلت
عديت من جنب الميكانيكي فالشيطان طبعا قالي روح دا اكيد هيطلع الهوا ويرجلش وخلاص
رحتله ظبطلي العجل قدام مفيش مشاكل
جه على اللى ورا بدوس لقيت البدال جه على الاخر من غير فرامل
قاللي لازم اشوف الماستر الرئيسي
فكه قاللي بايظ هات طقم جلد 19 ب 25 جنيه دورت ملقتوش
قاللي انا فكيت الماستر ولقيت قلبه بايظ هات الماستر التركي ب 85 جنيه بس
قلت ماشي رحت جبت واحد راح مركبه قاللي اللى ورا برضه مبيمسكوش
يبقي لازم العجل اللى ورا يتفك واشوف ايه المشكلة تعالى بكرة نكمل
جتله تانى يوم فكينا العجل قاللي الطنابير عايزة تتغير دى مخروطة قبل كدة الاثنين 400 جنيه
قلتله لاء امشي من غير فرامل احسن انا ممعيش فلوس
قاللي خلاص هنملي تيل الفرامل اللى ورا يمين والشمال شغال مفيش مشاكل بس انا شايف
انك محتاج اولسيه او جوان فتيس ب 25 جنيه وطقم جلد للمستر الخلفي يمين ب 25
فى الاخر ظبطنى فى مشتريات 230 جنيه وخد 70 جنيه مصنعية
وعرفت بعد كدة انه مظبط مع المحلات وبياخد عمولة دا غير لما قلتله عايز الماستر القديم عمل عبيط وقاللي دا كان جنب العربية على الارض تلاقي عيل خده
بس المشكلة ان الفرامل علشان اهدى محتاج المس البدال بسيط اوى
يعنى مشوار البدال بقي صغير جدا
الميكانيكي قالى دى كدة حلوة اوى ومع الوقت هتظبط وتعالى لى بعد اسبوع ارجلشلك تانى
طبعا انا خفت اروحله يفك حاجة تانية ويدفعنى فلوس تانى
قلت استني شوية وابقي اروح لواحد تانى يراجع على الكلام ده كله ويقولى ايه النظام
وموضوعك ده بصراحة هيفدنى جدا فى المشوار ده
---------
محمد سالم
رقم العضوية : 62197
تاريخ التسجيل : 15Feb2010
المشاركات : 38
النوع : ذكر
الاقامة : القاهرة
السيارة: غير موجود
السيارة[2]: 1200 ستندرد- فولكس فاجن
الحالة :
شكراً لكل من شارك في الموضوع
يستحسن تملا التيل كله مرة واحدة في الاربع عجلات لتحصل علي افضل نتيجةقاللي خلاص هنملي تيل الفرامل اللى ورا يمين والشمال شغال مفيش مشاكل
او علي الاقل تملي العجلتين الخلفيتين او الاماميتين مع بعض
بس ما ينفعش تملي الجنب اليمين لوحدة او الجنب الشمال لوحدة او تملي فردة لوحدها
والله اعلم
رقم العضوية : 62197
تاريخ التسجيل : 15Feb2010
المشاركات : 38
النوع : ذكر
الاقامة : القاهرة
السيارة: غير موجود
السيارة[2]: 1200 ستندرد- فولكس فاجن
الحالة :
عربية جميلة فعلاً
رقم العضوية : 8723
تاريخ التسجيل : 11Apr2008
المشاركات : 3,226
النوع : ذكر
الاقامة : Cairo-Egypt
السيارة: E 200
السيارة[2]: VW Beetle 1302
دراجة بخارية: no
الحالة :
جزاك الله خيراً
كلام جميل و معلومات ممتازة
طب يا ريت ترشحلنا واحد كويس و فاهم فى فرامل البيتل ؟
و شكراُ
لا إله إلا الله - محمد رسول الله* Ahmed Hassan *
أرجو الدعاء لوالدى بالرحمة و المغفرة
و لوالدتى بالشفاء
المفضلات