الموضوع: التكييف وحر الصيف

النهاردة الحمدلله حليت مشكلة التكييف وفعلا لقيته ناقص فريون والحمدلله بعد ما اتشحن بقة تمام وشكرا للمساعدة.

اصلا انته لو جبت هوا من بره في عز الحر هاتموت من الحر قبل ما العربيه تبرد

يا ترى زودت فريون عند مين و بكام

المفروض ان التكييف شحنه مينقصشي ابدا,,, و نقصه معناه انو كان فيه شغل في دورة التكييف تطلبت تفريغ الغاز, او ان فيه تسريب في درة الفريون,,, و ده معناه انو هاينقص تاني. فعلا في الشتاء لازم التكييف يشتغل لفتره قصيره كل اسبوعين او كل شهر للحفاظ على دوره الغاز.

*هل الكباس كان شغال قبل الشحن ولا مكانش بقوم ؟
الكباس كان شغال عادى جدا.

*التكيف عامل معاك ايه فى ايام الحر وقت الظهر الساعه 12 والعربيه مركونه فى الشمس طبعا بعد التصليح؟
-الحمدلله تمام بس احنا لا زلنا فى مرحلة التجربة بس فعلا فرق كتير جدا وبالذات فترة الظهيرة...

*هل التكيف عندك قبل الشحن كان بياخذ وقت على ما يسقع بليل ولا التكيف كان وحش وقت الظهر بس ؟
-لا يا باشا وقت الظهر بس ودة على فكرة مش عيب لان اى تكييف بيتاثر بدرجة الحرارة وطبعا درجة الحرارة بليل اقل من النهار

*اصل انا عندى التكيف ساعه الظهر ضعيف جدا وبليل كويس تقدر تقول معقول بليل ,انا حاسس انه ممكن يكون ناقص فريون خاصة انى كنت شاحنه اخر مره فى الصيف الى فات وحاسس انه قله عدم التشغيل فى الشتاء ممكن يكون شويه فريون نشفوا ولا حاجه .
-الفريون مش بينشف ولكن هوا بيتسرب وطالما بيتسرب يبقا اكيد فى حاجة غلط فى دورة الغاز ولكن مش منطقى تماما انك تشحنه كل صيف دى, انا شحنته مرة واحدة فى الكرولا خلال 3 سنوات وكان زى الفل.

*يا ترى زودت فريون عند مين و بكام
-انا شحنت فى المنصورة عند كهربائى معرفة وهوا الحقيقة حاسبنى على 130 تقريبا, بس مقدرش اقول كام بالظبط لان كان الحساب وسط شغل.

طيب والنوبيرا فيها فلتر تكيف ولا مافيهاش زى اللانوس