الموضوع: نصائح سائق جديد .. وخوفه قل شوية من موضوع السواقة .. والبركة فيكم تعلمونا الباقى

المشاركة الأصلية كتبت بواسطة Nen0

انا متشكرة لاهتمام حضرتك جدا

العفو حضرتك ... لا شكر على واجب ... وانا سعيد جدا بمشاركة حضرتك عشان نستفيد كلنا مع بعض ويبقى شعارنا "لا داعى للخوف"

و انا هعترف بأه وهقول الصراحة مع الاسف انا معرفش حتى ايه الفرق بين القربة والرادياتير من ناحية الشكل ... يعنى من الاخر علاقتى بكبوت العربية كده زى علاقة اليابان بالحرنكش كده بالظبط ( ولا الهوا )..

هههههههههه وانا سعيد جدا بصراحة حضرتك ... وكمان ده بيعطى لنا فرصة كلنا للمشاركة ... يعنى اللى عارف اى حاجة ويحب يضيفها للموضوع يبقى هايل وجزاه الله خيرا

فلو امكن ان حضرتك توضحلى بالصور ازاى اعمل كده هكون متشكرة وطبعا ده لما حضرتك تفضى يعنى مش لازم دلوقتى (بس ياريت فى اسرع وقت قبل عربيتى ماتنهار وانهار انا جنبهاااااااا )
انا مصدقت حد يشاركنى فى مشكلتى

خير إن شاء الله ... وأول ما الاقى مادة علمية تصلح للموضوع سوف يتم اضافتها على طول ... خصوصا انه موضوع مهم جدا


اما بالنسبة لموضوع السواقة فأنا اول مرة نزلت بالعربية كنت بطلعها من الجراج وده كان فى شارع داخلى. وانا خارجة من الشارع لقيت عربية نص نقل جاية من العكس طبعا انا ارتبكت وقررت انى عمرى ما هتخبط فى العربية ده ولا هخدشها لأن ببساطة الراجل ممكن ينزل ويقولى كلمتين فى العضم --اللى هو نظام بأه الله يخرب بيت اللى علمكوا السواقة --- ماتسيبوا السواقة للى بيفهموا فيها وطبعا انا ولاهقدر انطق ..

منذ خمس دقائق بالضبط كنت اتكلم مع اختى الكبيرة ... وسألتها سؤال انت لما حد بيضرب لك كلاكس من الخلف .. لسه لحد دلوقتى بتضايقى ؟
قالت لى: انا من يومين كنت خارجة مع اخوك وزوجته والشارع كان حارة واحدة وظهر خلفى عربية صاحبها ضرب لى كلاكس ... برغم ان الشارع ضيق والناس زحمة فيه وكمان فيه مطب صناعى
اخويا قال لها : ولا تسألى فيه
وهى قالت: انا يعنى "هأذى نفس" عشان هو يعدى .. ولا عبرته ما دام انا ماشى صح ولا اسبب مشاكل للآخرين "مشاكل تضر الآخرين" خلاص هو يسلك نفسه بطريقته انا موش هاعمل اى حاجة اضر بها نفسى عشان خاطره ما هو شايف الشارع ضيق والطريق زحمة ... كبر دماغك ههههههه


المهم رحت واخدة شمالى وقلت انا هركن على جنب لغاية اما يعدى بسلامة الله المهم انا عينى كلها على يمينى علشان مااخبطش فيه وفجأة لقيت نفسى رشقت فى عمود حديد من على شمالى وطيرت فانوسين الحمد لله وطبعا السواق بدل ما كنت خايفة منه انه يهزقنى فى الاول لقيتنى صعبت عليه وبيقولى جمدى قلبك يابنتى ... شدى حيلك ---

اكيد طبعا انت صعبتى عليه ... وكمان انا عن نفسى استحالة ادخل شارع ضيق ... ههههههههه واقول لنفسى لو ركنت بعيد شوية موش مشكلة هو أنا كبرت ولا إيه ... امشى شوية هههههههههه اهى برضه رياضة ... وإذا كان على الأماكن الضيقة هاتعلم مع الوقت والإحساس بأبعاد العربية والتدريب .... ولما ادخل مكان زى ده لازم اكون غصب عنى ... يعنى موش بإرادتى ....
من يومين كنت فى موقف زى ده تماما لكن الشارع كان ضيق المهم ... زوجتى برغم انها لا تجيد قيادة السيارات لكنها اشجع منى ههههههههههههه وفضلت تقول لى: ادخل من هنا ... ما هو كل الناس بتدخل من هنا هههههههههه وأنا عارف ان الشارع ده منيل هههههههه المهم سمعت الكلام
وظهر المجنون ماشى من الخلف
والشارع عربية رايحة وعربية جاية
وهو ما عندوش صبر
موش عايز اقول فى منتهى قلة "العقل" بلاش الكلمة التانية هههههههه
المهم
راحل داخل من جنبى وقفل على العربيات القادمة
انا شايف من بدرى ان العربية هاتتوقف عشان فيه عربيات قادمة فى نفس الإتجاه
وفى نفس الوقت مارضيتش "الزق" للعربية اللى امامي تحسبا لأى موقف
والحمد لله الموقف حصل
ودخل صاحبنا الذكى وقفل على العربيات القادمة
واضطر بعد ذلك للرجوع للخلف غصب عنه
ولولا انى تارك مسافة كافية بينى وبين اللى امامى كانت كل العربيات دى فضلت واقفة بدون اى حركة وكان صاحبنا ماعرفش يرجع للخلف

اعتقد ان نسبة كبيرة من مشاكلنا ان الكثيرين فى الشارع "مابيفهموش" اى اصول فى القيادة
حاجة كده على اربع عجلات وبس زى الآلة من غير تفكير

المهم بعد ما ربنا كرمنى وخرجنا للشارع الرئيسى شاهدت من بعيد ان فيه عربيات داخلة عكسى مرة تانية
وابتدأت اهدى واعمل لهم حساب
يخرج من خلفى "الذكى" وعايز يستمر فى السير ويعدى منى
وغصب عنه مرة تانية يتوقف و"يزنق" العربيات الداخلة عكسى
وطبعا كل الناس زعلانة منه
وشايفين انى واقف فى حتة اخترتها عشان حرية الحركة لهم
والحمد لله كانت كل نظراتهم موجهة للأصدقاء "الاذكياء" ههههههههه

نخرج من القصة دى بأهمية النظر الى الأمام على قدر المستطاع
فاكرين الموضوع ده
معلهش انا طولت عليكم هههههههههههه

فعلا بيدى لا بيد عمرو دمرت فانوسين

فدى حضرتك العربية كلها اهم حاجة انك بخير ... وان كل اللى حواليكى بخير ....

المهم من ساعتها وانا كل ملاقى نفسى وقعت فى موقف زى ده اروح واقفة دبرياج وفرامل واللى قدامى هو اللى يحلها هو بأه يتاخر ويسلك نفسه لكن يقولى اعملى كذا روحى هنا تعالى هنا ابدا ... والحمد لله النظريةده لغاية دلوقتى ماشية معايا بالرغم انى عارفة ان ده غلط بس على الاقل كبداية انا شايفة انى ماينفعش اعمل غير كده

موش غلط ولا حاجة
انت اتصرفت عشرة على عشرة
وانا عن نفسى بعمل كده
لكن بالنسبة لى اهم حاجة انى لا اضيق الطريق على العربيات القادمة واتركها تحل المشكلة
ولو كان قائد السيارة القادمة شايف ان من الافضل انى ادخل للامام شوية
مافيش مشاكل
اهم حاجة احساسك بأنك واقفة فى منطقة صح وان فيه فرصة جيدة عشان العربيات القادمة تعدى
ما دام الواحد موش حاسس بأبعاد العربية كويس
يبقى الافضل انه يتوقف فى منطقة فاضية شوية
ويترك الباقى للعربيات القادمة
والأفضل طبعا هههههههههه انه ما يدخلش الشارع ده من اساسه

فى انتظار التواصل

ومرحب بحضرتك فى اى وقت

مع اطيب التمنيات
اخوكم حسين غزالة